വെള്ളം പ്രശ്​നമല്ല; പുതിയ കിൻഡിൽ ഒയാസിസുമായി ആമസോൺ

12:14 PM
12/10/2017
Kindle

പത്ത്​ വർത്തെ കിൻഡിൽ ഡിവൈസുകളുടെ ചരിത്രത്തിലാദ്യമായി വെള്ളത്തെ പ്രതിരോധിക്കുന്ന ഒയാസിസുമായി ആമസോൺ. വായന പ്രേമികൾക്ക്​ സന്തോഷം നൽകുന്ന നിരവധി ഫീച്ചറുകൾ ഉൾക്കൊള്ളിച്ചാണ്​ കിൻഡിലി​​െൻറ പുതിയ അവതാരപ്പിറവി. 21,999 രൂപയാണ്​ ഇന്ത്യൻ വിപണിയിലെ ഒയാസിസി​​െൻറ വില.

വെള്ളത്തെ പ്രതിരോധിക്കാനുള്ള കഴിവ്​ തന്നെയാണ്​ ഒയാസിസി​​െൻറ പ്രധാന പ്രത്യേകതയായി ആമസോൺ ചൂണ്ടിക്കാട്ടുന്നത്​. അഞ്ചടി വരെ താഴ്​ചയിലുള്ള വെള്ളത്തിൽ മുപ്പത്​ മിനുട്ട്​ വരെ കൂളായി ഒയാസിസ്​ പിടിച്ച്​ നിൽക്കുമെന്നാണ്​ ആമസോണി​​െൻറ  അവകാശവാദം. ഉപ്പുവെള്ളവും ഒയാസിസിനൊരു പ്രശ്​നമാകില്ലെന്നും കമ്പനി സാക്ഷ്യപ്പെടുത്തുന്നു.

kindle oasis

ഒാഡിയോ ബുക്കുകൾ വായിക്കുന്നതിനുള്ള സൗകര്യമാണ്​ മറ്റൊരു പ്രത്യേകത. ആമസോൺ സ്​റ്റോറിൽ നിന്ന്​ ലഭിക്കുന്ന ഇ-ബുക്കുകളെ ഒാഡിയോ വേർഷനിലേക്ക്​ എളുപ്പത്തിൽ മാറ്റാൻ കഴിയുന്ന രൂപത്തിലാണ്​ ഒയാസിസി​​​െൻറ രൂപകൽപ്പന. ഇ–ബുക്കുകൾക്കൊപ്പം ഒാ​ഡിയോബുക്കും ചേർത്ത്​ വാങ്ങു​േമ്പാൾ പ്ര​ത്യേക കിഴിവുകളും ആമസോൺ നൽകും. 

7, 6 ഇഞ്ച്​ ഡിസ്​പ്ലേ സൈസിൽ എട്ട്​ ജി.ബി, 4 ജി.ബി മെമ്മറിയോട്​ കൂടിയാണ്​ ഒയാസിസ്​ വിപണിയിലെത്തുക. ഹെഡ്​ഫോൺ ജാക്ക്​ ഉണ്ടാവില്ല പകരം ബ്ലുടൂത്ത്​ ഹെഡ്​സെറ്റ്​ ഘടിപ്പിക്കാനുള്ള സൗകര്യമുണ്ടാകും. ടൈപ്പ്​ സി യു.എസ്​.ബി പോർട്ടും ഉപകരണത്തിലുണ്ട്​​.
 

COMMENTS