ഇന്ത്യൻ ഹോക്കി പരിശീലകൻ ഓൾട്ട്മാൻസിനെ പുറത്താക്കി

ന്യൂയോർക്​​: ഇന്ത്യൻ ഹോക്കി ടീം പരിശീലക സ്​ഥാനത്തുനിന്നും റോളൻറ്​ ഒാൾട്ടമാൻസിനെ ഹോക്കി ഇന്ത്യ പുറത്താക്കി. മൂന്നുദിവസം നീണ്ടുനിന്ന ഹൈ പെർഫോമൻസ്​ ആൻഡ്​ ​െഡവലപ്​മ​െൻറ്​ കമ്മിറ്റി യോഗത്തിനൊടുവിലാണ്​ തീരുമാരം. 

മുൻ ഡച്ച്​ ഇതിഹാസമായിരുന്ന ഒാൾട്ടമാൻസി​​െൻറ ശൈലിയിൽ അതൃപ്​തി​പ്രകടിപ്പിച്ചാണ്​ കോച്ചിനെ പുറത്താക്കുന്നത്​. ഹൈ പെർഫോമൻസ്​ ഡയറക്​ടർ ഡേവിഡ്​ ജോണിനെ താൽക്കാലിക കോച്ചായി നിയമിച്ചു. ഇന്ത്യൻ ടീമി​​െൻറ പ്രകടനത്തിൽ കമ്മിറ്റി അതൃപ്​തി പ്രകടിപ്പിച്ചതായി സെലക്​ഷൻ കമ്മിറ്റി ചെയർമാൻ ഹർബീന്ദർ സിങ്​ അറിയിച്ചു. ‘‘2016-17 വർഷത്തിൽ ഇന്ത്യൻ ഹോക്കി ടീമി​​െൻറ പ്രകടനം തീർത്തും പരിതാപകരമാണ്​. സ്​ഥിരതയാണ്​ നമുക്കാവശ്യം. അന്താരാഷ്​ട്ര മത്സരങ്ങളിൽ ഇന്ത്യ നിറം മങ്ങിക്കൊണ്ടേയിരിക്കുന്നു. ദീർഘകാലാടിസ്​ഥാനത്തിൽ മാറ്റമുണ്ടാകുമെന്ന്​ മുന്നിൽ കണ്ടുള്ള റോളൻറ്​​ ഒാൾട്ടമാൻസി​െൻറ ശൈലി ​തുടരാനാവില്ല. ഇൗ അവസരത്തിൽ കോച്ചിനെ മാറ്റാൻ ഹോക്കി ഇന്ത്യ നിർബന്ധിതമാവുകയാണ്​’’ -സെലക്​ഷൻ കമ്മിറ്റി ചെയർമാൻ ഹർബീന്ദർ സിങ്​ പറഞ്ഞു.

ഡിസംബറിൽ ഒഡിഷ ആതിഥ്യം വഹിക്കുന്ന വേൾഡ്​ ഹോക്കി ലീഗി​​​െൻറ ഫൈനൽ, 2018 ലോകകപ്പ്​ എന്നിവ വരാനിരിക്കെയാണ്​ ​േകാച്ചിനെ പുറത്താക്കുന്നത്​. മൂന്നുവർഷത്തോളം ഹൈ ​പെർഫോമൻസ്​ ഡയറക്​ടറായിരുന്ന ഒാൾട്ടമാൻസിനെ​​ 2015ലാണ്​ ഇന്ത്യൻ ടീമി​​െൻറ കോച്ചാക്കുന്നത്​.