കൂട്ട മാനഭംഗകേസ്: മുൻ ബ്രസീൽ താരം റൊബീഞ്ഞോക്ക് ഒമ്പത് വ​ര്‍​ഷം ത​ട​വ്

മിലാൻ: കൂട്ടമാനഭംഗക്കേസിൽ മുൻ ബ്രസീൽ സ്ട്രൈക്കർ റൊബീഞ്ഞോക്ക്  ഒമ്പത് വ​ര്‍​ഷം ത​ട​വു ശി​ക്ഷ. ഇറ്റാലി​യ​ന്‍ കോ​ട​തി​യാണ് ശിക്ഷ വിധിച്ചത്. 2013ൽ എ.സി മിലാൻ താരമായിരിക്കെ ഒരു പബ്ബിൽ വെച്ച് റോ​ബി​ഞ്ഞോ​യും മ​റ്റ് അ​ഞ്ച് കൂ​ട്ടാ​ളി​ക​ളും ചേ​ര്‍​ന്ന് അല്‍ബേനി​യ​ന്‍ യു​വ​തി​യെ കൂ​ട്ട​മാനഭംഗത്തിന് ഇ​ര​യാ​ക്കി​യെ​ന്നാ​ണ് കേ​സ്. 

റൊബീഞ്ഞോക്കൊപ്പമുണ്ടായിരുന്ന അഞ്ചുപേരെയും കോടതി ശിക്ഷിച്ചിട്ടുണ്ട്. മദ്യ ലഹരിയിലായ റൊബീഞ്ഞോയും കൂട്ടരും  22കാരിയായ യുവതിയെ മാനഭംഗപ്പെടുത്തുകയായിരുന്നു. 2015 ല്‍ ​ എ.​സി മി​ലാ​ന്‍​ വി​ട്ട റൊബി​ഞ്ഞോക്ക് വേണ്ടി അദ്ദേഹത്തിന്‍റെ അഭിഭാഷകനാണ് പിന്നീട് കോ​ട​തി​യി​ല്‍ ഹാ​ജ​രാ​യി​രു​ന്ന​ത്. 

അതേസമയം തനിക്ക് സംഭവത്തിൽ പങ്കില്ലെന്നും നിയമപരമായി തന്നെ ഇതിനെ നേരിടുമെന്നും റൊബീഞ്ഞോ വ്യക്തമാക്കി.

മുമ്പ് റയൽ മാഡ്രിഡ്, മാഞ്ചസ്റ്റർ സിറ്റി തുടങ്ങിയ ക്ലബിൽ കളിച്ചിട്ടുള്ള താരമാണ് റൊബിഞ്ഞോ. കേ​സി​ല്‍ അ​പ്പീ​ല്‍ ന​ല്‍​കാ​ന്‍ റൊബിഞ്ഞോ​ക്ക് അ​വ​സ​ര​മു​ണ്ട്. അതിനു ശേഷമേ ശിക്ഷ നടപ്പിലാക്കു. ഇപ്പോൾ ബ്രസീലിലെ അത്ലറ്റിക്കോ ക്ലബിനു വേണ്ടിയാണ് റൊബീഞ്ഞോ കളിക്കുന്നത്.