പരിക്ക്; കക്ക പുറത്ത്

ഓര്‍ലാഡോ: പരിക്കേറ്റതിനെ തുടര്‍ന്ന് സീനിയര്‍ താരം കക്കയെ കോപ അമേരിക്ക ചാമ്പ്യന്‍ഷിപ്പിനായുള്ള ബ്രസീല്‍ ടീമില്‍നിന്ന് ഒഴിവാക്കി. പേശീവലിവിനെ തുടര്‍ന്നാണ് ഈ മിഡ്ഫീല്‍ഡറെ ടീമില്‍നിന്നും ഒഴിവാക്കിയത്. 34കാരനായ കക്കക്ക് മൂന്നാഴ്ചത്തെ വിശ്രമം വേണ്ടിവരുമെന്നാണു റിപ്പോര്‍ട്ടുകള്‍. കക്കക്ക് പകരം ബയേണ്‍ മ്യൂണിച്ച് വിങര്‍ ഡഗ്ളസ് കോസ്റ്റയെ ടീമില്‍ ഉള്‍പ്പെടുത്തും. ജൂണ്‍ അഞ്ചിനു ഇക്വഡോറിനെതിരെയാണു കോപയില്‍ ബ്രസീലിന്‍െറ ആദ്യ മത്സരം.