മലയാളികളുടെ ട്രോളുകൾക്ക്​ നന്ദി പറഞ്ഞ്​ ടോം മൂഡി

ന്യൂഡൽഹി: മലയാളികളുടെ ട്രോളുകൾക്ക്​ നന്ദി പറഞ്ഞ്​ മുൻ ആ​സ്​ട്രേലിയൻ ക്രിക്കറ്റ്​ താരം ടോം മൂഡി. സാമ്പത്തിക മേഖലയിൽ  ജോലി ചെയ്യുന്നില്ല എന്നത്​ തന്നെ ബോധ്യപ്പെടുത്തിയതിന്​ നന്ദിയെന്നായിരുന്നു മൂഡിയുടെ ട്വീറ്റ്​.

ജന്മദിനത്തിൽ ആശംസയറിച്ച്​ ​മൂഡി പോസ്​റ്റ്​ ചെയ്​ത ട്വീറ്റിന്​ നേരെയാണ്​ മലയാളികൾ ട്രോൾ ആക്രമണം നടത്തിയത്​. അമേരിക്കൻ റേറ്റിങ്​ എജൻസിയായ മൂഡീസുമായി ടോം മൂഡിക്ക്​ ബന്ധമുണ്ടെന്ന്​ തെറ്റിദ്ധരിച്ചായിരുന്നു ട്രോൾ. കഴിഞ്ഞ ദിവസം ഇന്ത്യയുടെ റേറ്റിങ്​ അമേരിക്കൻ എജൻസിയായ മൂഡീസ്​ ഉയർത്തിയിരുന്നു. ഇതിന്​ പിന്നാലെയായിരുന്നു മലയാളികൾ ട്രോളുകളുമായി രംഗത്തെത്തിയത്