പിങ്ക്​ പന്തിൽ ആദ്യ ട്രിപ്പിൾ സെഞ്ച്വറിയടിച്ച്​ അസ്​ഹർ അലി

ദുബൈ: പിങ്ക്​ പന്ത്​ ഉപയോഗിച്ചുള്ള ആദ്യ ടെസ്​റ്റ്​ പരീക്ഷണത്തിൽ വെസ്​റ്റിൻഡീസിനെതിരെ പാക്​ താരം അസ്​ഹർ അലിക്ക്​ ട്രിപ്പിൾ സെഞ്ച്വറി. പിങ്ക്​ പന്തി​െൻറ പരീക്ഷണ ഘട്ടത്തിലാണ്​​​ അസ്​ഹർ ​ട്രിപ്പിൾ സെഞ്ച്വറി നേടുന്നതെന്നും ശ്രദ്ധേയമാണ്​. ട്രിപ്പിൾ സെഞ്ച്വറി നേടുന്ന നാലാമത്തെ പാക്​ താരമാണ്​ അസ്​ഹർ അലി. 1958ൽ ഹനീഫ്​ മുഹമ്മദ്​ ​, 2002ൽ ഇൻസമാമുൽ ഹഖ്​, 2009ൽ യൂനുസ്​ ഖാൻ എന്നിവരായിരുന്നു ഇതിന്​ മുമ്പ്​ ട്രിപ്പിൾ സെഞ്ച്വറി നേടിയ പാക്​ താരങ്ങൾ.

469 പന്തിൽ 23 ഫോറും രണ്ട്​ സിക്​സും ഉൾപ്പടെ 302 റൺസാണ്​ അലി അടിച്ച്​ കൂട്ടിയത്​. 190 റൺസ്​ എടുക്കുന്നതിനിടെ അലിയെ പുറത്താക്കാനുള്ള അവസരം വെസ്​റ്റിൻഡീസ്​ താരം ബ്ലാക്ക്​വുഡ്​ നഷ്​ടപ്പെടുത്തി. പാക്​– വിൻഡീസ്​ പരമ്പരക്ക്​ മുമ്പ്​ കഴിഞ്ഞ വർഷം ആസ്ത്രേലിയ ന്യൂസിലാൻറ്​ ഡേ – നൈറ്റ്​ ടെസ്​റ്റ്​ പരമ്പര അഡ്​ലൈഡിൽ നടന്നിരുന്നു. 579/3 എന്ന നിലയിൽ പാകിസ്താൻ ആദ്യ ഇന്നിങ്​സ്​ ഡിക്ലയർ ചെയ്​തു. ഏകദേശം 11 മണിക്കൂറോളം ഗ്രീസിൽ നിലയുറപ്പിച്ചാണ്​ അസ്​ഹർ അലി ട്രിപ്പിൾ സെഞ്ച്വറി നേടുന്നത്​. താരത്തി​െൻറ മികച്ച പ്രകടനത്തെ പാക്​ ക്രിക്കറ്റ്​ ബോർഡ്​ പ്രശംസിച്ചു.