ഹോങ്കോങ് ഓപണ്‍: സിന്ധു സെമിയില്‍; സൈന പുറത്ത്

കൊവ്ലൂണ്‍ (ഹോങ്കോങ്): ഹോങ്കോങ് സൂപ്പര്‍ സീരീസ് ബാഡ്മിന്‍റണ്‍ ചാമ്പ്യന്‍ഷിപ് വനിതാ സിംഗ്ള്‍സില്‍ പി.വി. സിന്ധു സെമിയില്‍. സിംഗപ്പൂരിന്‍െറ സിയോയു ലിയാങ്ങിനെ മൂന്നുസെറ്റ് മത്സരത്തില്‍ കീഴടക്കിയാണ് സിന്ധുവിന്‍െറ മുന്നേറ്റം. സ്കോര്‍ 21-17, 21-23, 21-18. അതേസമയം, മുന്‍ ലോക ഒന്നാം നമ്പറായ സൈന നെഹ്വാള്‍ ക്വാര്‍ട്ടറില്‍ പുറത്തായി. ആതിഥേയ താരം ചിയോങ് ഗാന്‍ യിയോട് 8-21, 21-18, 19-21. സൈന നേരത്തെ പുറത്തായതോടെ സെമിയില്‍ സിന്ധുവുമായി ഏറ്റുമുട്ടാനുള്ള അവസരമാണ് നഷ്ടമായത്. സൈനയെ കീഴടക്കിയ ഹോങ്കോങ് താരമാവും സെമിയില്‍ സിന്ധുവിന്‍െറ എതിരാളി.