ഇന്ത്യയുടെ ആദ്യ അന്താരാഷ്​​ട്ര വനിത പാരാഷൂട്ടർ ജീവിക്കാനായി റോഡരികിൽ ചിപ്​സ്​ വിൽക്കുന്നു

​ഡെറാഡൂൺ: അന്താരാഷ്​ട്ര കായിക വേദികളിൽ തങ്ങളുടെ നാടി​െൻറ യശസുയർത്തിയ താരങ്ങളെ അവരുടെ സർക്കാർ ജോലിയും മറ്റും നൽകി ആദരിക്കാറുണ്ട്​. എന്നാൽ ഇന്ത്യയുടെ ആദ്യ അന്താരാഷ്​ട്ര വനിത പാരാഷൂട്ടർ ദിൽരാജ്​ കൗർ ജീവിതത്തി​െൻറ രണ്ടറ്റം കൂട്ടിമുട്ടിക്കാനായി ഇ​പ്പോൾ ഡെറാഡൂണിലെ ഗാന്ധി പാർക്കിന്​ സമീപമുള്ള റോഡരികിൽ ചിപ്​സും ബിസ്​കറ്റുകളും​ വിൽക്കുകയാണ്​.

ഉത്തരാഖണ്ഡ്​ സർക്കാർ കായിക താരങ്ങളെ അവഗണിക്കുന്നതിനെ തുടർന്നാണ്​ തന്നെപ്പോലെ നിരവാധിയാളുകൾ കഷ്​ടപ്പെടുന്നതെന്ന്​ ദിൽരാജ്​ കുറ്റപ്പെടുത്തി. '2004ൽ എ​െൻറ കരിയറി​െൻറ തുടക്കകാലത്ത്​ ഒരു പെൺകുട്ടി പോലും പാരാ ഷൂട്ടിങ്ങിന്​ എത്തിയിരുന്നില്ല. അതുകൊണ്ട്​ പുരുഷൻമാരുമായിട്ടായിരുന്നു എനിക്ക്​ മത്സരി​ക്കേണ്ടി വന്നത്​. 225ൽ പാരാ അത്​ലറ്റ്​ സ്​ത്രീ-പുരുഷ വിഭാഗങ്ങളായി വിഭജിച്ചപ്പോൾ ഞാനാണ്​ ആദ്യം സ്വർണമെഡൽ നേടിയത്​' -ദിൽരാജ്​ പറഞ്ഞു.

2017 വരെ വിവിധ ദേശീയ-അന്താരാഷ്​​ട്ര മത്സരവേദികളിൽ നിന്നായി താരം 30 ലേറെ മെഡലുകൾ സ്വന്തമാക്കിയിടുണ്ട്​. 2021 മാർച്ച്​ മുതൽ അംഗീകൃത പരിശീലകയുമാണ്​. ഡൽഹിയിൽ വെച്ച്​ നടന്ന ഇൻറർനാഷനൽ ഷുട്ടിങ്​ സ്​പോർട്​ ​ഫെഡറേഷൻ ലോകകപ്പിൽ എക്വുപ്​മെൻറ്​ കൺട്രോൾ ഓഫിസറുമായിരുന്നു. ഇത്രയുമൊക്കെ ആണെങ്കിലും ഇന്ന്​ ജീവതത്തിൽ ഏറെ ബുദ്ധിമുട്ട്​ അനുഭവിക്കുകയാണെന്ന്​ അവർ പരിതപിക്കുന്നു.

കഴിഞ്ഞ രണ്ട്​ വർഷക്കാലം ഞങ്ങൾക്ക്​ ദുരിതപൂർണമായിരുന്നു. 2019ൽ പിതാവ്​ കിഡ്​നി രോഗം ബാധിച്ച്​ മരിക്കുകയും ഈ വർഷം സഹോദരൻ അപകടത്തിൽ മരിക്കുകയും ചെയ്​തു. വ്യക്തിപരമായ നഷ്​ടങ്ങൾ മാത്രമായിരുന്നില്ല അവരുടെ മരണങ്ങൾ ഞങ്ങൾക്ക്​ നൽകിയത്​. മറിച്ച്​ വലിയ സാമ്പത്തിക ബുദ്ധിമുട്ടുകൾ കൂടിയായിരുന്നു. ഡെറാഡൂണിലെ ഒരു അപാർട്​മെൻറിൽ മാതാവ്​ ഗുർബീതിനൊപ്പം വാടകക്കാണ് ദിൽരാജ്​ ഇപ്പോൾ കഴിയുന്നത്​.

'പിതാവും സഹോദരനും മരിച്ചതോടെ ഞങ്ങളുടെ വരുമാനം നിലച്ചു. അച്ഛ​െൻറ പെൻഷൻ തുക വാടക കൊടുക്കാനും വായ്​പാ തിരിച്ചടവുകൾക്കും മാത്രമാണ്​ തികഞ്ഞിരുന്നത്. കായിക രംഗത്തുള്ള നേട്ടങ്ങൾ പരിഗണിച്ച്​ സ്​പോർട്​സ്​ ക്വോട്ടയിൽ നിരവധി തവണ ജോലിക്ക്​ അപേക്ഷിച്ചെങ്കിലും പരിഗണിക്കപ്പെട്ടില്ല​'-ദിൽരാജ്​ കൗർ പറഞ്ഞു.

ഉത്തരാഖണ്ഡ്​ പാരാ -ഷൂട്ടിങ്ങ്​ അധികൃതരുടെ ഭാഗത്ത്​ നിന്ന്​ യാതൊരു സഹായവും ലഭിച്ചില്ലെന്ന്​ അവർ പറഞ്ഞു. ഞാൻ ഭിക്ഷ യാചിക്കുകയല്ല. ഞാൻ ഒരു അംഗീകൃത പരിശീലകയാണ്​. നിയമത്തിൽ ബിരുദവുമുണ്ട്​. എന്നെ മാത്രമല്ല എന്നെ പോലുള്ള അത്​ലറ്റുകളെ​ കുറച്ചെങ്കിലും ബഹുമാനിക്കുമെന്നും ഞങ്ങളെ ജോലിക്ക്​ പരിഗണിക്കുമെന്നും ഞാൻ പ്രതീക്ഷിക്കുന്നുവെന്ന്​ ദിൽജിത്ത്​ പറഞ്ഞു.

'ഇപ്പോൾ, ഈ വേദനയിലൂടെ കടന്നുപോയ എല്ലാ കായികതാരങ്ങളുടെയും ശബ്ദമാണ് ഞാൻ. കണ്ണടച്ച് അവരെ ഇരുട്ടിലേക്കും ദാരിദ്ര്യത്തിലേക്കും നയിക്കുന്ന ഒരു സർക്കാർ. അതുകൊണ്ടാണ് ഞാൻ ഈ ജോലി ചെയ്യുന്നത്. ഞാൻ നിസഹായയാണ്, പക്ഷേ പരിഗണന ലഭിക്കാനായുള്ള പോരാട്ടത്തിലാണ്'- ദിൽജിത്ത്​ കൂട്ടിച്ചേർത്തു​. സർക്കാർ പാരിതോഷികങ്ങൾക്ക്​ പകരം ജോലി വാഗ്​ദാനം ചെയ്യുമെന്നാണ്​ പ്രതീക്ഷയെന്ന്​ അവർ പറഞ്ഞു.