ഹോക്കി പുരസ്കാരം: ശ്രീജേഷും പരിഗണനയിൽ

ന്യൂഡൽഹി: വെറ്ററൻ ഗോൾകീപ്പറും മലയാളി താരവുമായ പി.ആർ. ശ്രീജേഷിനെ ഹോക്കി ഇന്ത്യ പുരസ്കാരങ്ങൾക്ക് നാമനിർദേശം ചെയ്തു. പ്ലെയർ ഓഫ് ദ ഇയർ, മികച്ച ഗോൾ കീപ്പർ പുരസ്കാരങ്ങളുടെ ചുരുക്കപ്പട്ടികയിൽ മുൻ ക്യാപ്റ്റനായ ശ്രീജേഷിന്റെ പേരുണ്ട്. ശ്രീജേഷിന് പുറമെ ക്യാപ്റ്റൻ ഹർമൻപ്രീത് സിങ്, ഹാർദിക് സിങ്, അഭിഷേക് എന്നിവരെയും 2023ലെ മികച്ച താരത്തിനുള്ള പരിഗണിക്കുന്നുണ്ട്. മാർച്ച് 31നാണ് പുരസ്കാര സമർപ്പണം.