ക​മോ​ൺ ദ്യോ​കോ...റൂഡിനപ്പുറം ചരിത്രം

പാ​രി​സ്: ഫ്ര​ഞ്ച് ഓ​പ​ണി​ൽ ഞാ​യ​റാ​ഴ്ച പു​രു​ഷ സിം​ഗ്ൾ​സ് ഫൈ​ന​ലി​ൽ നൊ​വാ​ക് ദ്യോ​കോ​വി​ച് നോ​ർ​വേ​ക്കാ​ര​നാ​യ കാ​സ്പ​ർ റൂ​ഡി​നെ​തി​രെ ച​രി​ത്ര​ത്തി​ലേ​ക്ക് റാ​ക്ക​റ്റേ​ന്തു​ന്നു. ഇ​ന്ന് ജ​യി​ച്ചാ​ൽ സെ​ർ​ബി​യ​ൻ ഇ​തി​ഹാ​സ​ത്തി​ന് സ്വ​ന്ത​മാ​വു​ന്ന​ത് 23ാം ഗ്രാ​ൻ​ഡ്സ്ലാം കി​രീ​ടം. നി​ല​വി​ൽ 22 എ​ണ്ണ​വു​മാ​യി സ്പാ​നി​ഷ് താ​രം റാ​ഫേ​ൽ ന​ദാ​ലി​നൊ​പ്പം ഒ​ന്നാം സ്ഥാ​ന​വും റെ​ക്കോ​ഡും പ​ങ്കി​ടു​ക​യാ​ണ് ദ്യോ​കോ. ക​രി​യ​റി​ന്റെ അ​വ​സാ​ന നാ​ളു​ക​ളി​ൽ നി​ൽ​ക്കു​ന്ന ന​ദാ​ലി​നെ മ​റി​ക​ട​ക്കാ​നാ​യാ​ൽ ഒ​രു​പ​ക്ഷേ ഈ ​ച​രി​ത്രം ദ്യോ​കോ​വി​ചി​ന് ഇ​നി വി​ട്ടു​കൊ​ടു​ക്കേ​ണ്ടി​വ​രി​ല്ല.

ലോ​ക ഒ​ന്നാം ന​മ്പ​ർ താ​രം സ്പെ​യി​നി​ന്റെ കാ​ർ​ലോ​സ് അ​ൽ​കാ​ര​സി​നെ തോ​ൽ​പി​ച്ചാ​ണ് ദ്യോ​കോ 34ാം ഗ്രാ​ൻ​ഡ്സ്ലാം ഫൈ​ന​ലി​ന് ടി​ക്ക​റ്റെ​ടു​ത്ത​ത്. ജ​ർ​മ​ൻ താ​രം അ​ല​ക്സാ​ണ്ട​ർ സ്വ​രേ​വി​നെ മ​റി​ക​ട​ന്ന് റൂ​ഡു​മെ​ത്തി. ക​ഴി​ഞ്ഞ വ​ർ​ഷ​വും റൂ​ഡ് ഫ്ര​ഞ്ച് ഓ​പ​ൺ ഫൈ​ന​ലി​ലു​ണ്ടാ​യി​രു​ന്നെ​ങ്കി​ലും ന​ദാ​ലി​നോ​ട് തോ​ൽ​ക്കു​ക​യാ​യി​രു​ന്നു. 24കാ​ര​നാ​യ നോ​ർ​വീ​ജി​യ​നെ​തി​രെ ഏ​ക​പ​ക്ഷീ​യ മു​ന്നേ​റ്റ​മാ​ണ് മു​ൻ​കാ​ല​ങ്ങ​ളി​ൽ ദ്യോ​കോ ന​ട​ത്തി​യ​ത്.

നാ​ലി​ൽ നാ​ലു മ​ത്സ​ര​ങ്ങ​ളും ദ്യോ​കോ ജ​യി​ച്ചെ​ന്നു മാ​ത്ര​മ​ല്ല, ഒ​രു സെ​റ്റു​പോ​ലും നേ​ടാ​നാ​യി​ട്ടി​ല്ല റൂ​ഡി​ന്. ‘‘അ​നു​ഭ​വ​സ​മ്പ​ത്ത് എ​നി​ക്കൊ​പ്പ​മാ​ണ്. പ​ക്ഷേ, അ​തു​കൊ​ണ്ട് ജ​യി​ക്കാ​നാ​വു​മെ​ന്ന് ക​രു​തു​ന്നി​ല്ല. ഒ​രു നീ​ണ്ട പോ​രാ​ട്ട​ത്തി​ന് ത​യാ​റെ​ടു​ക്കു​ക​യാ​ണ്. ഫൈ​ന​ൽ ജ​യി​ച്ചാ​ൽ ന​മു​ക്ക് ച​രി​ത്ര​ത്തെ​ക്കു​റി​ച്ച് സം​സാ​രി​ക്കാം’’ -36കാ​ര​നാ​യ ദ്യോ​കോ​വി​ച് പ​റ​ഞ്ഞു.

ഇ​ഗ ജേ​ത്രി; ഫ്ര​ഞ്ച് ഓ​പ​ണി​ൽ ഇ​ഗ സ്വൈ​റ്റ​ക്കി​ന് മൂ​ന്നാം കി​രീ​ടം

പാ​രി​സ്: ഫ്ര​ഞ്ച് ഓ​പ​ൺ ടെ​ന്നി​സി​ൽ പോ​ള​ണ്ട് യു​വ​താ​രം ഇ​ഗ സ്വൈ​റ്റ​ക്കി​ന് മൂ​ന്നാം കി​രീ​ടം. ശ​നി​യാ​ഴ്ച ന​ട​ന്ന വനിത സിംഗ്ൾസ് ഫൈ​ന​ലി​ൽ ചെ​ക്ക് റി​പ്പ​ബ്ലി​ക്കി​ന്റെ ക​രോ​ളി​ന മു​ച്ചോ​വ​യെ വാ​ശി​യേ​റി​യ പോ​രാ​ട്ട​ത്തി​ൽ കീ​ഴ​ട​ക്കി​യാ​ണ് റോ​ള​ണ്ട് ഗാ​രോ​സി​ൽ തു​ട​ർ​ച്ച​യാ​യ ര​ണ്ടാം ത​വ​ണ​യും ഇ​ഗ ജേ​ത്രി​യാ​യ​ത്.

സ്കോ​ർ: 6-2, 5-7, 6-4. ആ​ദ്യ സെ​റ്റ് മി​ക​ച്ച വ്യ​ത്യാ​സ​ത്തി​ൽ പി​ടി​ച്ച ലോ​ക ഒ​ന്നാം ന​മ്പ​റു​കാ​രി​ക്കെ​തി​രെ ര​ണ്ടാ​മ​ത്തേ​തി​ൽ മു​ച്ചോ​വ തി​രി​ച്ച​ടി​ച്ചു. മൂ​ന്നാം സെ​റ്റി​ൽ ക​ണ്ട​ത് ഇ​ഞ്ചോ​ടി​ഞ്ച് പോ​ര്. 2020ലും ​ഇ​ഗ ആ​യി​രു​ന്നു ഫ്ര​ഞ്ച് ഓ​പ​ൺ ചാ​മ്പ്യ​ൻ. 2022ലെ ​യു.​എ​സ് ഓ​പ​ണും ചേ​ർ​ന്നാ​ൽ ക​രി​യ​റി​ലെ ഗ്രാ​ൻ​ഡ്സ്ലാം കി​രീ​ട​ങ്ങ​ൾ നാ​ലാ​യി.