സീ​സ​ണു​ണ​രു​ന്നു; ഡ്യൂ​റ​ൻ​ഡ് ക​പ്പി​നൊ​രു​ക്കം

ബം​ഗ​ളൂ​രു: ഇ​ന്ത്യ​ൻ സൂ​പ്പ​ർ ലീ​ഗി​ന്റെ പു​തി​യ സീ​സ​ൺ പോ​രാ​ട്ട​ങ്ങ​ളി​ലേ​ക്ക് ക​ട​ക്കും​മു​മ്പ് ടീ​മു​ക​ൾ​ക്ക് ഡ്യൂ​റ​ൻ​ഡ് ക​പ്പ് പ​രീ​ക്ഷ​ണം. ഏ​ഷ്യ​യി​ലെ ഏ​റ്റ​വും പ​ഴ​ക്കം​ചെ​ന്ന ടൂ​ർ​ണ​മെ​ന്റാ​യ ഡ്യൂ​റ​ൻ​ഡ് ക​പ്പി​ന്റെ 132ാം പ​തി​പ്പ് ആ​ഗ​സ്റ്റ് മൂ​ന്നു മു​ത​ൽ സെ​പ്റ്റം​ബ​ർ മൂ​ന്നു വ​രെ കൊ​ൽ​ക്ക​ത്ത​യി​ലെ യു​വ​ഭാ​ര​തി ക്രി​രം​ഗ​ൻ സ്റ്റേ​ഡി​യം, ഗു​വാ​ഹ​തി​യി​ലെ ഇ​ന്ദി​ര ഗാ​ന്ധി സ്റ്റേ​ഡി​യം, കൊ​ക്ര​ജ​റി​ലെ സാ​യി സെ​ന്റ​ർ മൈ​താ​നം എ​ന്നി​വി​ട​ങ്ങ​ളി​ലാ​യി അ​ര​ങ്ങേ​റും. നേ​ര​ത്തേ ഇം​ഫാ​ലാ​ണ് വേ​ദി​യാ​യി ക​ണ്ടി​രു​ന്ന​തെ​ങ്കി​ലും ക​ലാ​പം തു​ട​രു​ന്ന മ​ണി​പ്പൂ​രി​ൽ​നി​ന്ന് വേ​ദി മാ​റ്റു​ക​യാ​യി​രു​ന്നു.

24 ടീ​മു​ക​ൾ പ​ങ്കെ​ടു​ക്കു​ന്ന ടൂ​ർ​ണ​മെ​ന്റി​ന്റെ ഫി​ക്സ്ച​ർ പ്ര​ഖ്യാ​പി​ച്ചു. 27 വ​ർ​ഷ​ത്തി​നു​ശേ​ഷം വി​ദേ​ശ ടീ​മു​ക​ൾ മ​ട​ങ്ങി​യെ​ത്തു​ന്നു എ​ന്ന​താ​ണ് സ​വി​ശേ​ഷ​ത.

നേ​പ്പാ​ൾ സ​ർ​വി​സ് ടീ​മാ​യ ത്രി​ഭു​വ​ൻ ആ​ർ​മി​യും ബം​ഗ്ലാ​ദേ​ശ് സ​ർ​വി​സ് ടീ​മാ​യ ബം​ഗ്ലാ​ദേ​ശ് ആ​ർ​മി ടീ​മും ഇ​ത്ത​വ​ണ മാ​റ്റു​ര​ക്കും. ഗ്രൂ​പ് സി​യി​ലാ​ണ് കേ​ര​ള ബ്ലാ​സ്റ്റേ​ഴ്സ്, ഗോ​കു​ലം കേ​ര​ള, ബം​ഗ​ളൂ​രു എ​ഫ്.​സി ടീ​മു​ക​ൾ ഉ​ൾ​പ്പെ​ട്ടി​ട്ടു​ള്ള​ത്. ക​ഴി​ഞ്ഞ ഐ.​എ​സ്.​എ​ൽ പ്ലേ​ഓ​ഫി​ൽ ബം​ഗ​ളൂ​രു​വി​നാ​യി സു​നി​ൽ ഛേത്രി​യു​ടെ ഗോ​ളും ബ്ലാ​സ്റ്റേ​ഴ്സ് കോ​ച്ച് ഇ​വാ​ന് ല​ഭി​ച്ച സ​സ്പെ​ൻ​ഷ​നു​മ​ട​ക്ക​മു​ള്ള വി​വാ​ദ​ത്തി​ന്റെ വൈ​രം എ​രി​വേ​റ്റു​ന്ന മ​റ്റൊ​രു മ​ത്സ​ര​ത്തി​ന് ഡ്യൂ​റ​ൻ​ഡ് ക​പ്പ് സാ​ക്ഷി​യാ​കും.

ക​ഴി​ഞ്ഞ സൂ​പ്പ​ർ ക​പ്പി​ൽ കോ​ഴി​ക്കോ​ടു​വെ​ച്ച് ബം​ഗ​ളൂ​രു​വി​നോ​ട് വീ​ണ്ടും ബ്ലാ​സ്റ്റേ​ഴ്സ് തോ​ൽ​വി വ​ഴ​ങ്ങി​യി​രു​ന്നു. നി​ല​വി​ലെ ജേ​താ​ക്ക​ളാ​ണ് ബം​ഗ​ളൂ​രു. ബ്ലാ​സ്റ്റേ​ഴ്സും ഗോ​കു​ലം കേ​ര​ള​യു​മാ​യു​ള്ള മ​റ്റൊ​രു നാ​ട്ട​ങ്ക​വും ഇ​തേ ഗ്രൂ​പ്പി​ൽ അ​ര​ങ്ങേ​റും. 2019ലെ ​ഡ്യൂ​റ​ൻ​ഡ് ക​പ്പ് ചാ​മ്പ്യ​ന്മാ​രാ​ണ് ഗോ​കു​ലം കേ​ര​ള. ഗ്രൂ​പ് എ ​ഈ സീ​സ​ണി​ലെ ആ​ദ്യ കൊ​ൽ​ക്ക​ത്ത​ൻ ഡ​ർ​ബി​ക്കും സാ​ക്ഷി​യാ​കും.

മോ​ഹ​ൻ ബ​ഗാ​നും ഈ​സ്റ്റ് ബം​ഗാ​ളും ഈ ​ഗ്രൂ​പ്പി​ലാ​ണു​ള്ള​ത്. ആ​റു ഗ്രൂ​പ്പു​ക​ളി​ലാ​യി ന​ട​ക്കു​ന്ന മ​ത്സ​ര​ങ്ങ​ളി​ൽ ഗ്രൂ​പ് ചാ​മ്പ്യ​ന്മാ​ർ​ക്കു പു​റ​മെ, ര​ണ്ടു മി​ക​ച്ച ര​ണ്ടാം സ്ഥാ​ന​ക്കാ​രും നോ​ക്കൗ​ട്ടി​ലേ​ക്കു ക​ട​ക്കും.

കേ​ര​ള ബ്ലാ​സ്റ്റേ​ഴ്സി​നും ബം​ഗ​ളൂ​രു​വി​നും പു​റ​മെ, മോ​ഹ​ൻ ബ​ഗാ​ൻ സൂ​പ്പ​ർ ജ​യ​ന്റ്സ്, ഈ​സ്റ്റ് ബം​ഗാ​ൾ എ​ഫ്.​സി, ചെ​ന്നൈ​യി​ൻ എ​ഫ്.​സി, എ​ഫ്.​സി. ഗോ​വ, ഹൈ​ദ​രാ​ബാ​ദ് എ​ഫ്.​സി, ജാം​ഷ​ഡ്പു​ർ എ​ഫ്.​സി, മും​ബൈ സി​റ്റി എ​ഫ്.​സി, നോ​ർ​ത്ത് ഈ​സ്റ്റ് യു​നൈ​റ്റ​ഡ്, ഒ​ഡി​ഷ എ​ഫ്.​സി എ​ന്നി​വ​യും ഈ ​വ​ർ​ഷം സ്ഥാ​ന​ക്ക​യ​റ്റം ല​ഭി​ച്ച റൗ​ണ്ട് ഗ്ലാ​സ് പ​ഞ്ചാ​ബ് എ​ഫ്.​സി​യും ഐ.​എ​സ്.​എ​ൽ ടീ​മു​ക​ളാ​യി ടൂ​ർ​ണ​മെ​ന്റി​ലു​ണ്ട്.

ഐ ​ലീ​ഗി​ലെ ഡ​ൽ​ഹി എ​ഫ്.​സി, ഗോ​കു​ലം കേ​ര​ള, മു​ഹ​മ്മ​ദ​ൻ സ്പോ​ർ​ട്ടി​ങ്, രാ​ജ​സ്ഥാ​ൻ യു​നൈ​റ്റ​ഡ്, ഷി​ല്ലോ​ങ് ല​ജോ​ങ് എ​ഫ്.​സി എ​ന്നി​വ​യും സ​ർ​വി​സ് ടീ​മു​ക​ളാ​യ ഇ​ന്ത്യ​ൻ എ​യ​ർ​ഫോ​ഴ്സ്, ഇ​ന്ത്യ​ൻ നേ​വി, ഇ​ന്ത്യ​ൻ ആ​ർ​മി ടീ​മു​ക​ളും അ​ണി​നി​ര​ക്കും. ബോ​ഡോ ലാ​ൻ​ഡ് ടീ​മും ഇ​ത്ത​വ​ണ പ​ങ്കെ​ടു​ക്കു​ന്നു​ണ്ട്. ഗ്രൂ​പ് ഡി​യി​ലെ ഒ​രു ടീ​മി​നെ പി​ന്നീ​ട് തീ​രു​മാ​നി​ക്കും. ഭൂ​ട്ടാ​ൻ ആ​ർ​മി ടീം ​പ​ങ്കെ​ടു​ക്കു​മെ​ന്നും വി​വ​ര​മു​ണ്ട്. ഐ.​എ​സ്.​എ​ല്ലി​ന് മു​ന്നോ​ടി​യാ​യി ടീം ​സെ​റ്റാ​വാ​നു​ള്ള മി​ക​ച്ച അ​വ​സ​ര​മെ​ന്ന നി​ല​യി​ലാ​ണ് ടീ​മു​ക​ൾ ഡ്യൂ​റ​ൻ​ഡ് ക​പ്പി​നൊ​രു​ങ്ങു​ന്ന​ത്.

ട്രോ​ഫി ഇ​ന്ന് കൊ​ച്ചി​യി​ൽ; ഏ​ഴി​മ​ല നാ​വി​ക അ​ക്കാ​ദ​മി​യി​ൽ പ്ര​ദ​ർ​ശി​പ്പി​ച്ചു

ജൂ​ൺ 30ന് ​ഡ​ൽ​ഹി​യി​ൽ തു​ട​ക്ക​മി​ട്ട ഡ്യൂ​റ​ൻ​ഡ് ക​പ്പ് ട്രോ​ഫി പ​ര്യ​ട​നം കേ​ര​ള​ത്തി​ലെ​ത്തി. ക​ണ്ണൂ​ർ ഏ​ഴി​മ​ല നാ​വി​ക അ​ക്കാ​ദ​മി​യി​ൽ പ്ര​ദ​ർ​ശി​പ്പി​ച്ച ട്രോ​ഫി വെ​ള്ളി​യാ​ഴ്ച രാ​വി​ലെ 11ന് ​കൊ​ച്ചി​യി​ൽ ഇ​ന്ത്യ​ന്‍ നേ​വി​യി​ലെ മു​തി​ര്‍ന്ന ഉ​ദ്യോ​ഗ​സ്ഥ​രു​ടെ​യും പ്ര​മു​ഖ ഫു​ട്‌​ബാ​ള്‍ താ​ര​ങ്ങ​ളു​ടെ​യും സാ​ന്നി​ധ്യ​ത്തി​ല്‍ ഐ.​എ​ന്‍.​എ​സ് വി​ക്രാ​ന്ത് ക​പ്പ​ലി​ല്‍ അ​നാ​ച്ഛാ​ദ​നം ചെ​യ്യും. തു​ട​ർ​ന്ന് ബം​ഗ​ളൂ​രു, ഹൈ​ദ​രാ​ബാ​ദ്, ഗു​വാ​ഹ​തി, കൊ​ക്ര​ജ​ർ, ഷി​ല്ലോ​ങ്, ഐ​സോ​ൾ വ​ഴി ആ​ഗ​സ്റ്റ് ഒ​ന്നി​ന് കൊ​ൽ​ക്ക​ത്ത​യി​ലെ​ത്തി​ക്കും. ഡെ​റാ​ഡൂ​ൺ, ഉ​ദ്ദം​പു​ർ, പു​ണെ, മും​ബൈ, ജ​യ്പു​ർ, കാ​ർ​വാ​ർ എ​ന്നി​വി​ട​ങ്ങ​ളി​ലെ പ്ര​ദ​ർ​ശ​ന​ത്തി​നു​ശേ​ഷ​മാ​ണ് കേ​ര​ള​ത്തി​ലെ​ത്തി​യ​ത്.