കപ്പ്​ ബ്രസീലിന്​; അർജൻറീനയെ ആസ്​​ത്രേലിയ അട്ടിമറിക്കും; ഖത്തർ ക്വാർട്ടറിൽ -ടിം കാഹിലിൻെറ പ്രവചനം

ദോഹ: അഞ്ചു നാൾ അപ്പുറം കിക്കോഫ്​ കുറിക്കുന്ന ലോകകപ്പ് ടൂർണമെൻറിൽ ജേതാക്കളായി ബ്രസീൽ തങ്ങളുടെ ആറാം ലോക കിരീടം സ്വന്തമാക്കുമെന്ന് ആസ്​േത്രലിയൻ ഇതിഹാസം ടിം കാഹിൽ.

ഫൈനലിൽ ബെൽജിയത്തെ പരാജയപ്പെടുത്തിയായിരിക്കും ബ്രസീൽ സ്വർണകപ്പിൽ മുത്തമിടുകയെന്നും അതോടൊപ്പം സോക്കറൂസ്​ എന്ന അപരനാമത്തിലറിയപ്പെടുന്ന ആസ്​േത്രലിയ ഈ ലോകകപ്പിൽ ക്വാർട്ടർ ഫൈനലിലെത്തി പുതുചരിതം രചിക്കുമെന്നും കാഹിൽ പ്രവചിക്കുന്നു. സുപ്രീം കമ്മിറ്റി ഫോർ ഡെലിവറി ആൻഡ് ലെഗസിക്ക് അനുവദിച്ച ലോകകപ്പ് പ്രവചനത്തിലാണ് കാഹിലിെൻറ വിശദീകരണം.

രണ്ടാം റൗണ്ടിൽ അർജൻറീനയെ അട്ടിമറിച്ചായിരിക്കും ആസ്​േത്രലിയയുടെ ക്വാർട്ടർ ഫൈനൽ പ്രവേശമെന്നും അദ്ദേഹം ചൂണ്ടിക്കാട്ടി.

'ലയണൽ മെസിയെ തടഞ്ഞ് നിർത്തിയാൽ അർജൻറീനയെ പരാജയപ്പെടുത്താം. ഖത്തറിൽ ഇത്തവണ ആഫ്രിക്കൻ ടീമുകൾ മികച്ച പ്രകടനം കാഴ്ചവെക്കും. നിലവിലെ ആഫ്രിക്കൻ നേഷൻസ്​ കപ്പ് ചാമ്പ്യന്മാരായ സെനഗാൾ അവസാന നാലിലെത്തുകയും സെമിയിൽ ബ്രസീലിന് മുന്നിൽ അടിയറവ് പറയുകയും ചെയ്യും' - കാഹിൽ പ്രവചിക്കുന്നു.

ലോകത്തിലെ ഏറ്റവും വലിയ ലീഗുകളിൽ കളിക്കുന്ന താരങ്ങളാണ് കാമറൂണിനും ഘാനക്കും സെനഗാളിനുമായി ലോകകപ്പിലിറങ്ങുന്നതെന്നും അവർ നിരന്തര പ്രതിഭകളെ സൃഷ്​ടിക്കുന്നുണ്ടെന്നും കാഹിൽ വ്യക്തമാക്കി.

'ഞാൻ ഇംഗ്ലണ്ടിൽ കളിച്ചിട്ടുണ്ട്, അതോടൊപ്പം ഇപ്പോൾ ഖത്തറിലാണ് ഞാൻ താമസിക്കുന്നത്. ആസ്​പയർ അക്കാദമിയിലാണ് ജോലി ചെയ്യുന്നതും. അതിനാൽ ഇത് വൈകാരികമായ ഒരു തെരഞ്ഞെടുപ്പാണ് - എവർട്ടൻ മുൻതാരം വ്യക്തമാക്കി.

ഡിസംബർ 18ന് ലുസൈലിലെ 80,000 കാണികളെ സാക്ഷികളാക്കി കലാശപ്പോരിൽ ബെൽജിയവും ബ്രസീലും ഏറ്റുമുട്ടുമെന്നും കാഹിൽ പ്രതീക്ഷിക്കുന്നു.

'ഞാൻ ബെൽജിയത്തിെൻറ വലിയ ആരാധകനാണ്,അവരുടെ സ്​ക്വാഡിലും മാനേജ്മെൻറിലും വിശ്വാസമുണ്ട്​. ബ്രസീലിനെതിരെ വരുമ്പോൾ അവർ ഒരുപക്ഷേ ലോകത്തിലെ ഏറ്റവും ശക്തമായ ടീമായി മാറിയിരിക്കും. ഈ ലോകകപ്പ് നേടാൻ ഏറ്റവും വലിയ സാധ്യതയും അവർക്കായിരിക്കും' -താരം പറഞ്ഞു.

പ്രീക്വാർട്ടറിൽ അമേരിക്കയെ പരാജയപ്പെടുത്തി സെനഗാളും അർജൻറീനയെ അട്ടിമറിച്ച് ആസേട്രേലിയയും െക്രായേഷ്യയെ കീഴടക്കി ജർമനിയും ഘാനയെ മറികടന്ന് ബ്രസീലും ക്വാർട്ടറിൽ പ്രവേശിക്കും. മറുവശത്ത് ഖത്തർ ഇംഗ്ലണ്ടിനെ അട്ടിമറിക്കുമ്പോൾ സൗദി അറേബ്യയുടെ തേരോട്ടം ഫ്രാൻസിന് മുന്നിൽ അവസാനിക്കും. സ്​പെയിനിനെ ബെൽജിയവും പോർച്ചുഗലിനെ കാമറൂണും പരാജയപ്പെടുത്തും.

അവസാന എട്ടിൽ ആസേത്രലിയയെ സെഗനാളും ജർമനിയെ ബ്രസീലും ഖത്തറിനെ ഫ്രാൻസും കാമറൂണിനെ ബെൽജിയവും പരാജയപ്പെടുത്തും. കരുത്തരുടെ സെമിയിൽ ഫ്രഞ്ച് പടയെ തകർത്ത് ബെൽജിയം ഈ ലോകകപ്പിെൻറ ഫൈനലിലേക്ക് യോഗ്യത നേടുമെന്നും സെനഗാളിനെ കീഴടക്കി 20 വർഷങ്ങൾക്കിപ്പുറും ബ്രസീൽ വീണ്ടും ലോകകപ്പ് ഫൈനലിലെത്തുമെന്നും കാഹിൽ കണക്ക് കൂട്ടുന്നു. ബെൽജിയത്തെ കീഴടക്കി ബ്രസീൽ കാനറികളുടെ ആറാം കിരീടം ഷോക്കേസിലെത്തിക്കുമെന്നും സോക്കറൂസ്​ ഇതിഹാസം പ്രവചിക്കുന്നു.

ഖത്തർ ക്വാർട്ടറിലെത്തും

മിഡിലീസ്​റ്റിനെയും അറബ് ലോകത്തെയും പ്രതിനിധീകരിച്ച് ഈ ലോകകപ്പിൽ ആതിഥേയരായ ഖത്തറും സൗദി അറേബ്യയും നോക്കൗണ്ട് റൗണ്ടിലെത്തുമെന്ന്​ കാഹിലിൻെറ പ്രവചനം. ഖത്തർ കളിക്കുന്ന ​ഗ്രൂപ്്​ 'എ'യിൽ നിന്നും കരുത്തരായ നെതർലൻഡ്സ്​ പുറത്താവും. സെനഗാളും ഖത്തറും ഒന്നും രണ്ടും സ്​ഥാനക്കാരായ പ്രീക്വാർട്ടറിൽ പ്രവേശിക്കും. ബിയിലെ ചാമ്പ്യന്മാരായ ഇംഗ്ലണ്ടിനെ പ്രീക്വാർട്ടറിൽ അട്ടിമറിച്ച് ഖത്തർ ക്വാർട്ടർ ടിക്കറ്റുറപ്പിക്കും -വർഷങ്ങളായി ഖത്തർ ടീമിനെ അരികെ നിന്നു കാണുന്ന കാഹിലിൻെറ പ്രവചനം ​െപാന്നാവ​ട്ടെ എന്ന്​ ആശിക്കുന്നവർ ചില്ലറയല്ല. ക്വാർട്ടറിൽ ​നിലവിലെ ജേതാക്കളായ ഫ്രാൻസിനോട്​ പൊരുതിയാവും ​ആരാധകരുടെ വീഴ്​ചയെന്ന്​ കാഹിൽ പറയുന്നു.

ഗ്രൂപ്പിൽ നിന്നും മുന്നേറുന്നർ
-ഗ്രൂപ്പ്​ 'എ': സെനഗാൾ, ഖത്തർ.
'ഗൂപ്പ്​ ബി' : ഇംഗ്ലണ്ട്​, അമേരിക്ക
ഗ്രൂപ്പ്​ സി: അർജൻറീന, സൗദി അറേബ്യ
ഗ്രൂപ്പ്​ ഡി: ​ഫ്രാൻസ്​, ആസ്​ട്രേലിയ.
ഗ്രൂപ്പ്​ ഇ: ജർമനി, സ്​പെയിൻ
ഗ്രൂപ്പ്​ എഫ്​: ബെൽജിയം, ക്രൊയേഷ്യ
ഗ്രൂപ്പ്​ ജി: ബ്രസീൽ, കാമറൂൺ
ഗ്രൂപ്പ്​ എച്ച്​: പോർച്ചുഗൽ, ഘാന.