കളത്തിൽ അച്ഛൻെറ ഗോളാഘോഷം; ഗാലറിയിൽ മകൻെറ മറുപടി

ദോഹ: ശനിയാഴ്​ച പകൽ അൽ ജനൂബ്​ സ്​റ്റേഡിയത്തിൽ ​സോക്കറൂസിനായി പിറന്നത്​ പതിറ്റാണ്ടു കാലമായി രാജ്യം കൊതിച്ച വിജയത്തിലേക്കുള്ള ഗോളായിരുന്നു. തുനീഷ്യക്കെതിരെ കളിയുടെ 23ാം മിനിറ്റിൽ മിച്ചൽ ഡ്യുക്​ ഹെഡ്​ർ ഗോളിലൂടെ വലുകുലുക്കിയപ്പോൾ ഒരു ഗോളിൽ സോക്കറൂസ്​ ജയിച്ചു കയറി. തുടർന്നുള്ള ആഘോഷത്തിൽ ഗലാറിയിലേക്ക്​ നോക്കി കൈവിരൽ കൊണ്ട്​ 'ജെ' എന്ന്​ കുറിച്ചായിരുന്നു ഓട്ടം.

​അപ്പോൾ ബിഗ്​ സ്​ക്രീനിൽ തെളിഞ്ഞത്​ ഗാലറിയിലുരന്ന്​ മകൻ ജാക്​സനും 'ജെ' എന്ന്​ മറുപടി നൽകി ആഘോഷത്തിൽ പങ്കുചേർന്നു. ഗാലറിയിൽ മകൻ ഇരുന്ന കോർണറിലേക്ക്​ ഓടിയെത്തിയായിരുന്നു മിച്ചൽ ഡ്യൂകിൻെറ ആഘോഷം. കുടുംബവും സുഹൃത്തുക്കളും എപ്പോഴും നൽകിയ പിന്തുണക്കുള്ള നന്ദി പ്രകടനമായിരുന്നു തൻെറ ഗോൾ ആഘോഷമെന്ന്​ മിച്ചൽ ഡ്യൂക്ക്​ പറയുന്നു.