നജീബ് സാക്ഷ്യപ്പെടുത്തും സമാനതകളില്ലാത്ത ഒരുക്കം

മു​ൻ ലോ​ക​ക​പ്പു​ക​ളെ വെ​ല്ലു​ന്ന രീ​തി​യി​ലാ​ണ് ഖ​ത്ത​ർ വി​ശ്വ​മേ​ള​ക്കു​ള്ള ഒ​രു​ക്കം ന​ട​ക്കു​ന്ന​തെ​ന്ന് കോ​ഴി​ക്കോ​ട് കാ​ര​പ്പ​റ​മ്പ് സ്വ​ദേ​ശി ചി​റ​ക്ക​ൽ അ​ഹ്മ​ദ് ന​ജീ​ബ്. ന​ജീ​ബ് ഇ​ത് വെ​റു​തെ പ​റ​യു​ന്ന​ത​ല്ല. നാ​ലു ലോ​ക​ക​പ്പു​ക​ൾ​ക്ക് സം​ഘാ​ട​ക​നാ​യി സാ​ക്ഷ്യം വ​ഹി​ച്ച അ​നു​ഭ​വ​സ​മ്പ​ത്തി​ൽ​നി​ന്നാ​ണ് ഈ ​മ​ല​യാ​ളി​യു​ടെ വി​ല​യി​രു​ത്ത​ൽ. ''മു​മ്പ് ലോ​ക​ക​പ്പ് അ​ര​ങ്ങേ​റി​യ വേ​ദി​ക​ളി​ൽ നി​ല​വി​ലെ അ​ടി​സ്ഥാ​ന സൗ​ക​ര്യ​ങ്ങ​ളി​ൽ പ​രി​ഷ്കാ​രം വ​രു​ത്തി​യും ഒ​ന്നോ ര​ണ്ടോ സ്റ്റേ​ഡി​യ​ങ്ങ​ൾ പോ​ലെ അ​ത്യാ​വ​ശ്യം വേ​ണ്ട​വ കൂ​ട്ടി​ച്ചേ​ർ​ത്തും ലോ​ക​ക​പ്പി​നെ വ​ര​വേ​ൽ​ക്കു​ക​യാ​യി​രു​ന്നു. എ​ന്നാ​ൽ, ഖ​ത്ത​ർ അ​ങ്ങ​നെ​യ​ല്ല. മ​റ്റു​ള്ള ഒ​രു രാ​ജ്യ​ത്തും കാ​ണാ​ത്ത​ത്ര ഒ​രു​ക്ക​മാ​ണ് ഖ​ത്ത​റി​ൽ. എ​ല്ലാം ന​വീ​ന​മാ​യ രീ​തി​യി​ൽ, പ​ടു​ത്തു​യ​ർ​ത്തു​ക​യാ​ണ് ഇ​വി​ടെ ചെ​യ്ത​ത്. ഖ​ത്ത​ർ ചെ​യ്ത​തു​പോ​ലെ എ​വി​ടെ​യും ക​ണ്ടി​ട്ടി​ല്ല. ലു​സൈ​ൽ എ​ന്ന ന​ഗ​രം ത​ന്നെ ഖ​ത്ത​ർ ലോ​ക​ക​പ്പി​നാ​യി രൂ​പ​ക​ൽ​പ​ന ചെ​യ്ത് സാ​ക്ഷാ​ത്ക​രി​ച്ചു'' -40 വ​ർ​ഷ​മാ​യി ഖ​ത്ത​റി​ൽ ജീ​വി​ക്കു​ന്ന ന​ജീ​ബ് ചൂ​ണ്ടി​ക്കാ​ട്ടു​ന്നു.

1998ൽ ​ഫ്രാ​ൻ​സ്, 2002ൽ ​ജ​പ്പാ​ൻ-​ദ.​കൊ​റി​യ, 2006ൽ ​ജ​ർ​മ​നി, 2010ൽ ​ദ​ക്ഷി​ണാ​ഫ്രി​ക്ക ലോ​ക​ക​പ്പു​ക​ളി​ലാ​ണ് മു​മ്പ് ന​ജീ​ബ് അ​ണി​യ​റ​യി​ൽ പ്ര​വ​ർ​ത്തി​ച്ച​ത്. ഏ​ഷ്യ​ൻ കോ​ൺ​ഫെ​ഡ​റേ​ഷ​നി​ലും ഫി​ഫ​യി​ലും ജോ​ലി ചെ​യ്യു​ന്ന സ​മ​യ​ത്താ​ണ് ലോ​ക​ക​പ്പു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ച്ച​ത്. ''ദ​ക്ഷി​ണാ​ഫ്രി​ക്ക​ൻ ലോ​ക​ക​പ്പി​ലാ​ണ് കൂ​ടു​ത​ൽ ക​ളി ക​ണ്ട​ത്. അ​ന്ന് അ​വി​ട​ത്തെ എ​ല്ലാ വേ​ദി​ക​ളി​ലും പോ​യി​രു​ന്നു. ഫൈ​ന​ലി​ൽ സ്പെ​യി​ൻ ജേ​താ​ക്ക​ളാ​വു​മ്പോ​ൾ ഞാ​ൻ സ്റ്റേ​ഡി​യ​ത്തി​ലു​ണ്ടാ​യി​രു​ന്നു. '98ലെ ​ഫ്രാ​ൻ​സ് ലോ​ക​ക​പ്പി​ൽ ബ്ര​സീ​ൽ-​ഫ്രാ​ൻ​സ് ഫൈ​ന​ൽ മ​ത്സ​ര​മാ​ണ് മ​ന​സ്സി​ൽ ത​ങ്ങി​നി​ൽ​ക്കു​ന്ന പോ​രാ​ട്ടം. സി​ന​ദി​ൻ സി​ദാ​ന്റെ മാ​ജി​ക്കി​ൽ ഫ്രാ​ൻ​സ് ജ​യി​ച്ച​ത് ഇ​ന്നും അ​തേ​പോ​ലെ മ​ന​സ്സി​ലു​ണ്ട്. ഓ​രോ ലോ​ക​ക​പ്പി​നെ​ത്തു​മ്പോ​ഴും, ക​ളി​ക്ക​മ്പ​ക്കാ​ര​നെ​ന്ന നി​ല​യി​ൽ കൂ​ടു​ത​ൽ മ​ത്സ​ര​ങ്ങ​ൾ കാ​ണ​ണ​മെ​ന്ന് ആ​ഗ്ര​ഹി​ക്കു​മ്പോ​ഴും ഔ​ദ്യോ​ഗി​ക തി​ര​ക്കു​ക​ൾ വി​ല​ങ്ങു​ത​ടി​യാ​വാ​റു​ണ്ട്.''

ഖ​ത്ത​റി​ൽ ലോ​ക​ക​പ്പ് വ​ൻ വി​ജ​യ​മാ​കു​മെ​ന്നാ​ണ് ന​ജീ​ബി​ന്റെ പ​ക്ഷം. മ​റ്റു ലോ​ക​ക​പ്പു​ക​ൾ​ക്കാ​യി ചെ​ല​വി​ട്ട​തി​ന്റെ എ​ത്ര​യോ ഇ​ര​ട്ടി തു​ക​യാ​ണ് ഖ​ത്ത​ർ അ​ധി​കൃ​ത​ർ ലോ​ക​ക​പ്പി​ന്റെ വി​ജ​യ​ത്തി​നാ​യി ചെ​ല​വ​ഴി​ക്കു​ന്ന​ത്. ദ​ക്ഷി​ണാ​ഫ്രി​ക്ക​യി​ലൊ​ക്കെ ആ​ളു​ക​ൾ ഏ​റെ ആ​വേ​ശ​ത്തി​ൽ ലോ​ക​ക​പ്പി​നെ വ​ര​വേ​റ്റി​രു​ന്നു. എ​ല്ലാ വീ​ടു​ക​ളും കൊ​ടി​തോ​ര​ണ​ങ്ങ​ളു​മൊ​ക്കെ​യാ​യി അ​ല​ങ്ക​രി​ച്ചി​രു​ന്നു. ഖ​ത്ത​റി​ൽ മ​ല​യാ​ളി​ക​ൾ എ​ത്ര​യോ ആ​വേ​ശ​ത്തോ​ടെ​യാ​ണ് ലോ​ക​ക​പ്പി​നെ വ​ര​വേ​ൽ​ക്കു​ന്ന​ത്. ക​ളി കാ​ണാ​നെ​ത്തു​ന്ന​വ​ർ ഖ​ത്ത​റി​ന്റെ സം​സ്കാ​ര​ത്തെ​യും പാ​ര​മ്പ​ര്യ​ത്തെ​യും വി​ല​മ​തി​ക്ക​ണ​മെ​ന്നാ​ണ് ന​ജീ​ബി​ന്റെ അ​ഭി​പ്രാ​യം.

മു​ൻ ഏ​ഷ്യ​ൻ ഫു​ട്ബാ​ൾ കോ​ൺ​ഫെ​ഡ​റേ​ഷ​ൻ പ്ര​സി​ഡ​ന്റ് മു​ഹ​മ്മ​ദ് ബി​ൻ ഹ​മ്മാ​മി​ന്റെ കൂ​ടെ എ.​എ​ഫ്.​സി​യി​ലും ഫി​ഫ​യി​ലും ഓ​ഫി​സ് മാ​നേ​ജ​റാ​യി​രു​ന്നു. ഇ​പ്പോ​ൾ ആ​സ്പ​യ​റി​ൽ ജോ​ലി ചെ​യ്യു​ന്നു. ഭാ​ര്യ: ര​ഹ്ന ന​ജീ​ബ്. മ​ക​ൾ ലു​ബ്ന ന​ജീ​ബ് ലോ​ക​ക​പ്പി​ന്റെ ഓ​ഫി​സി​ൽ ജോ​ലി ചെ​യ്യു​ന്നു. മ​ക​ൻ ന​വീ​ദ് ന​ജീ​ബ് അ​ക്കൗ​ണ്ട​ന്റാ​ണ്. ബ്ര​സീ​ലി​ന്റെ ക​ടു​ത്ത ആ​രാ​ധ​ക​നാ​യ ന​ജീ​ബ് മ​ഞ്ഞ​പ്പ​ട ഖ​ത്ത​റി​ൽ ക​പ്പു​യ​ർ​ത്ത​ണ​മെ​ന്ന ആ​ഗ്ര​ഹ​ത്തി​ലാ​ണി​പ്പോ​ൾ.