എന്തു​കൊണ്ട്​ ഞങ്ങൾ കപ്പ്​ നേടും...

കാ​ൽ​പ​ന്തു​ക​ളി​യു​ടെ ലോ​ക മാ​മാ​ങ്ക​ത്തി​ന്​ ഇ​ന്ന്​ വൈ​കീ​ട്ട്​ ഖ​ത്ത​റി​ന്‍റെ മൊ​ഞ്ചു​ള്ള മൈ​താ​ന​ത്ത്​ പ​ന്തു​രു​ളു​മ്പോ​ൾ ആ​വേ​ശ​ത്തി​ന്‍റെ അ​ർ​മാ​ദി​പ്പി​ലാ​ണ്​ മ​ല​പ്പു​റ​വും. ത​ങ്ങ​ളു​ടെ പ്രി​യ ടീ​മി​നാ​യി ക​ട്ടൗ​ട്ടു​ക​ളും ബോ​ർ​ഡു​ക​ളും അ​ല​ങ്കാ​ര​ങ്ങ​ളും ഒ​രു​ക്കി കാത്തിരിക്കുകയാണവർ. ക​ളിമി​ക​വി​ന്‍റെ അ​ട​വു​ക​ളോ​രോ​ന്നും മ​ല​പ്പു​റ​ത്തെ ആ​രാ​ധ​ക​ർ​ക്ക്​ മ​നഃ​പാ​ഠ​മാ​ണ്. ലോ​ക​ക​പ്പി​ൽ അ​ങ്ക​ത്തി​നി​റ​ങ്ങു​ന്ന പ്ര​ധാ​ന​പ്പെ​ട്ട എ​ട്ടു ടീ​മു​ക​ളു​ടെ വി​ജ​യ​സാ​ധ്യ​ത​ക​ൾ വി​ല​യി​രു​ത്തു​ക​യാ​ണ്​ ഓ​രോ ടീ​മി​ന്‍റെ​യും ആ​രാ​ധ​ക​ർ.

അ​ർ​ജ​ന്‍റീ​ന​ൻ ആ​രാ​ധ​ക​രേ ശാ​ന്ത​രാ​കു​വി​ൻ...

തി​രൂ​ർ: ഒ​രു​പ​ക്ഷേ, ഫു​ട്ബാ​ൾ ഇ​തി​ഹാ​സം ല​യ​ണ​ൽ മെ​സ്സി​യു​ടെ അ​വ​സാ​ന ലോ​ക​ക​പ്പാ​വും ഖ​ത്ത​റി​ലേ​ത്. ലോ​ക​ത്തും പ്ര​ത്യേ​കി​ച്ച് മ​ല​യാ​ളി​ക​ൾ​ക്കി​ട​യി​ലും ഏ​റ്റ​വും കൂ​ടു​ത​ൽ ആ​രാ​ധ​ക​രു​ള്ള​ത് അ​ർ​ജ​ന്റീ​ന​ക്കൊ​പ്പ​മാ​ണ്. കോ​പ്പ അ​മേ​രി​ക്ക​യി​ലൂ​ടെ ഇ​തി​ഹാ​സം ര​ചി​ച്ച മെ​സ്സി ഇ​ത്ത​വ​ണ ഖ​ത്ത​ർ ലോ​ക​ക​പ്പ് കി​രീ​ട നേ​ട്ട​ത്തി​ലൂ​ടെ ഫു​ട്​​ബാ​ൾ ക​രി​യ​ർ പൂ​ർ​ണ​മാ​ക്കു​മെ​ന്ന്​ പ്ര​തീ​ക്ഷി​ക്കു​ന്ന​വ​ർ ഏ​റെ​യാ​ണ്. ക്രി​ക്ക​റ്റ് ഇ​തി​ഹാ​സം സ​ചി​ൻ ടെ​ണ്ടു​ൽ​ക​ർ ത​ന്‍റെ ക​രി​യ​റി​ലെ അ​വ​സാ​ന ലോ​ക​ക​പ്പി​ലാ​ണ് കി​ട്ടാ​ക്ക​നി​യാ​യ ലോ​ക​കി​രീ​ടം ചൂ​ടി ക്രി​ക്ക​റ്റ് ജീ​വി​ത​ത്തോ​ട് വി​ട​പ​റ​ഞ്ഞ​ത്. ഫു​ട്​​ബാ​ളി​ലെ മി​ശി​ഹ​യാ​യ മെ​സ്സി​യും ഖ​ത്ത​ർ ലോ​ക​ക​പ്പി​ലൂ​ടെ ച​രി​ത്രം കു​റി​ക്കു​മെ​ന്നാ​ണ്​ അ​വ​രു​ടെ പ്ര​ത്യാ​ശ. ഖ​ത്ത​റി​ൽ അ​ർ​ജ​ന്‍റീ​ന​യു​ടെ ചു​ണ​ക്കു​ട്ടി​ക​ൾ കി​രീ​ടം ഉ​യ​ർ​ത്തു​മെ​ന്ന്​ അ​വ​ർ ഉ​റ​ച്ചു​വി​ശ്വ​സി​ക്കു​ന്നു. കാ​ര​ണം, ഇ​തി​ഹാ​സ​താ​രം മ​റ​ഡോ​ണ​ക്കു ശേ​ഷം അ​ർ​ജ​ന്‍റീ​ന ആ​രാ​ധ​ക​ർ അ​ത്ര​മേ​ൽ സ്വ​പ്നം കാ​ണു​ന്നു ഖ​ത്ത​ർ ലോ​ക കി​രീ​ടം.

റൊ​ണാ​ൾ​ഡോ​യി​ൽ പ്ര​തീ​ക്ഷ​യ​ർ​പ്പി​ച്ച്​...

മ​ഞ്ചേ​രി: ഇ​ത്ത​വ​ണ ക​പ്പി​ല്ലെ​ങ്കി​ൽ പി​ന്നെ ഇ​ല്ല എ​ന്നാ​ണ് പാ​ല​ക്കു​ള​ത്തെ പോ​ർ​ചു​ഗ​ൽ ആ​രാ​ധ​ക​ർ പ​റ​യു​ന്ന​ത്. കാ​ര​ണം മ​റ്റൊ​ന്നു​മ​ല്ല, മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് മി​ക​ച്ച ടീ​മാ​ണ് ഇ​ത്ത​വ​ണ ഖ​ത്ത​റി​ലെ​ത്തി​യ​ത്. സൂ​പ്പ​ർ താ​രം റൊ​ണാ​ൾ​ഡോ​യു​ടെ അ​വ​സാ​ന ലോ​ക​ക​പ്പ് കൂ​ടി​യാ​ണ്. അ​തു​കൊ​ണ്ടു​ത​ന്നെ അ​ദ്ദേ​ഹം മി​ക​ച്ച പ്ര​ക​ട​നം ന​ട​ത്തു​മെ​ന്നാ​ണ് ആ​രാ​ധ​ക​രും പ്ര​തീ​ക്ഷി​ക്കു​ന്ന​ത്. മ​ധ്യ​നി​ര​യി​ൽ ബ്രൂ​ണോ ഫെ​ർ​ണാ​ണ്ട​സും മി​ക​ച്ച ഫോ​മി​ലാ​ണ്. അ​വ​സാ​ന സൗ​ഹൃ​ദ മ​ത്സ​ര​ത്തി​ൽ നൈ​ജീ​രി​യ​യെ എ​തി​രി​ല്ലാ​ത്ത നാ​ല് ഗോ​ളു​ക​ൾ​ക്കാ​ണ് ടീം ​പ​രാ​ജ​യ​പ്പെ​ടു​ത്തി​യ​ത്. ലോ​ക​ക​പ്പി​ന് ഒ​രു​ങ്ങി​യെ​ന്ന സ​ന്ദേ​ശ​മാ​ണ് ഇ​തി​ലൂ​ടെ ന​ൽ​കി​യ​ത്. ഗ്രൂ​പ് 'എ​ച്ചി'​ൽ പോ​ർ​ചു​ഗ​ലി​ന് പു​റ​മെ ഘാ​ന, ഉ​റു​ഗ്വാ​യ്, ദ​ക്ഷി​ണ കൊ​റി​യ ടീ​മു​ക​ളാ​ണ് ഉ​ള്ള​ത്. ചാ​മ്പ്യ​ന്മാ​രാ​യി​ത്ത​ന്നെ അ​ടു​ത്ത റൗ​ണ്ടി​ലേ​ക്ക് ക​ട​ക്കു​മെ​ന്നും ഇ​വ​ർ വി​ശ്വ​സി​ക്കു​ന്നു. വി.​കെ. അ​മീ​ർ, വി.​കെ. അ​ന​സ്, പി. ​ഷ​ഫീ​ഖ്, സി.​പി. റ​ഷീ​ദ്, വി. ​ഷി​റി​ൻ, പി. ​നൗ​ഷി​ബ്, എം. ​ഫാ​യി​സ്, എം. ​ല​ത്തീ​ഫ് തു​ട​ങ്ങി​യ​വ​രാ​ണ് പോ​ർ​ചു​ഗ​ലി​ന് വേ​ണ്ടി ആ​ർ​പ്പു​വി​ളി​ക്കാ​നു​ള്ള​ത്.

ജെ​റെ​മി ഡോ​ക്കി​ൽ വി​ശ്വാ​സ​ം അർപ്പി​ച്ച്​ 'ബെ​ൽ​ജി​യം​കാ​ർ'

എ​ട​പ്പാ​ൾ: 'വ​ൻ പു​ലി​ക​ൾ വാ​ഴു​ന്ന കാ​ട്ടി​ൽ ഒ​രു ന​രി​യെ​ങ്കി​ലും ആ​വാ​തെ ത​ര​മി​ല്ല​ല്ലോ...' എ​ന്ന സി​നി​മ ഡ​യ​ലോ​ഗാ​ണ് ബെ​ൽ​ജി​യം ആ​രാ​ധ​ക​ർ പ​റ​യു​ന്ന​ത്. വെ​ളി​യ​ങ്കോ​ട് പ​ഴ​ഞ്ഞി​പ്പാ​ല​ത്ത് 18ഉം 20​ഉം അ​ടി ഉ​യ​ര​മു​ള്ള മെ​സ്സി​യു​ടെ​യും നെ​യ്മ​റി​ന്‍റെ ക​ട്ടൗ​ട്ടി​നി​ട​യി​ൽ ബെ​ൽ​ജി​യം ആ​രാ​ധ​ക​രും അ​ല​ങ്കാ​ര​ങ്ങ​ൾ മേ​ശ​മാ​ക്കി​യി​ട്ടി​ല്ല. കെ​വി​ൻ ഡി​ബ്രു​യി​നെ​യാ​ണ് ബെ​ൽ​ജി​യ​ത്തി​ന്റെ പ്ര​തീ​ക്ഷ. ഇ​തി​നൊ​പ്പം അ​റ്റാ​ക്കി​ങ് മീ​ഡ് ഫീ​ൽ​ഡ​റാ​യ 21കാ​ര​ൻ ജെ​റെ​മി ഡോ​ക്കു കൂ​ടി അ​ണി​നി​ര​ക്കു​ന്ന​ത്തോ​ടെ ടീം ​വേ​റെ ലെ​വ​ൽ ആ​കു​മെ​ന്ന് ആ​രാ​ധ​ക​ർ പ​റ​യു​ന്നു. ഡോ​ക്കു ഇ​ട​ത് റൈ​റ്റ് മി​ഡാ​യും ലെ​ഫ്റ്റ് മി​ഡാ​യും ക​ളി​ക്കാ​ൻ അ​നു​യോ​ജ്യ​നാ​ണ്. മു​ൻ​നി​ര​യി​ലെ ലി​യാ​ൻ​ഡ്രോ ട്രൊ​സാ​ർ​ഡ്, ഹ​സാ​ർ​ഡ്​ എ​ന്നി​വ​ർ​​ക്കൊ​പ്പം പ്ര​മു​ഖ താ​രം ലു​ക്കാ​ക്കു​വി​ന്‍റെ പ്ര​ക​ട​ന​വും നി​ർ​ണാ​യ​ക​മാ​ണ്. പ​രി​ക്ക് വേ​ട്ട​യാ​ടി​യി​രു​ന്ന ലു​ക്കാ​ക്കു ലോ​ക​ക​പ്പി​ൽ മ​ത്സ​ര​ങ്ങ​ളി​ൽ തി​രി​ച്ചു​വ​രും. യാ​ൻ വെ​ർ​ട്ടോം​ഗ​നും ടോ​ബി ആ​ൽ​ഡെ​ർ​വെ​യ്റെ​ൾ​ഡും പ്ര​തി​രോ​ധ​ത്തി​ൽ അ​ണി​നി​ര​ക്കു​ന്ന​തോ​ടെ ബെ​ൽ​ജി​യം മ​റ്റു ടീ​മു​ക​ളു​ടെ പേ​ടി​സ്വ​പ്ന​മാ​യി മാ​റും. തി​ബൗ കു​ർ​ട്വ​യു​ടെ ചോ​രാ​ത്ത കൈ​ക​ൾ ബെ​ൽ​ജി​യം ഗോ​ൾ​വ​ല​ക്ക് ശ​ക്തി​പ​ക​രു​മെ​ന്നും അ​വ​ർ പ്ര​തീ​ക്ഷി​ക്കു​ന്നു. ഗ്രൂ​പ് എ​ഫി​ലാ​ണ് ബെ​ൽ​ജി​യം ഉ​ള്ള​ത്. കാ​ന​ഡ, മൊ​റോ​കോ, ക്രൊ​യേ​ഷ്യ എ​ന്നീ ടീ​മു​ക​ളാ​ണ് എ​തി​രാ​ളി​ക​ൾ.

ബ്ര​സീ​ൽ ആ​റാം കി​രീ​ട​ത്തി​ൽ മു​ത്ത​മി​ടും

നി​ല​മ്പൂ​ർ: ഖ​ത്ത​ർ വേ​ൾ​ഡ് ക​പ്പി​ൽ ബ്ര​സീ​ൽ ആ​റാം കി​രീ​ടം ചൂ​ടു​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് നി​ല​മ്പൂ​ർ താ​ഴെ ച​ന്ത​ക്കു​ന്നി​ലെ ചെ​സ് ക്ല​ബ് ബ്ര​സീ​ൽ ഫാ​ൻ​സ്. കേ​ര​ള​ത്തി​ലെ ഏ​റ്റ​വും നീ​ളം കൂ​ടി​യ ബാ​ന​റു​ക​ളി​ലൊ​ന്ന്​ സ്ഥാ​പി​ച്ചാ​ണ് ലോ​ക​ക​പ്പി​ൽ ആ​റാം ത​വ​ണ​യും നെ​യ്മ​റും ടീ​മും മു​ത്ത​മി​ടു​മെ​ന്ന് ക്ല​ബ് ഭാ​ര​വാ​ഹി​ക​ൾ ആ​ണ​യി​ടു​ന്ന​ത്. ലോ​ക​ത്തെ ഏ​റ്റ​വും മി​ക​ച്ച ക്ല​ബു​ക​ളി​ൽ ഒ​ന്നാം നി​ര​യി​ലു​ള്ള ക​ളി​ക്കാ​രാ​ണ് ഞ​ങ്ങ​ളു​ടേ​ത്. ക​ളി​യു​ടെ സ​ർ​വ മേ​ഖ​ല​യി​ലും മി​ക​വു​ണ്ട്. അ​തു​കൊ​ണ്ടു​ത​ന്നെ ഖ​ത്ത​റി​ൽ ബ്ര​സീ​ൽ ക​പ്പ് അ​ടി​ക്കു​ക​ത​ന്നെ ചെ​യ്യു​മെ​ന്നാ​ണ്​ ഇ​വ​ർ പ​റ​യു​ന്ന​ത്. പി. ​രാ​ജ​ൻ, കെ.​പി. അ​ർ​ഷ​ദ്, സി.​ടി. ബാ​സി​ത്ത്, കെ.​പി. അം​ജ​ദ്, പി.​ടി. നി​ഷാ​ദ്, എം.​കെ. നൗ​ഫ​ൽ, എം. ​ഷി​ബി​ൽ, എ. ​റം​ഷി റെ​മോ, പി.​ടി. ഫാ​സി​ൽ, സി.​കെ. ജി​ൽ​ഷാ​ദ്, എ.​കെ. സ​ജീ​ർ തു​ട​ങ്ങി ചെ​സ് ക്ല​ബി​നെ ന​യി​ക്കു​ന്ന പ​ട ഉ​റ​ച്ച ആ​ത്മ​വി​ശ്വാ​സ​ത്തി​ലാ​ണ്.

സ്പാ​നി​ഷ്​ കാ​ത്തി​രി​പ്പി​ന്​ ഇ​ത്ത​വ​ണ വി​രാ​മ​മാ​കും

പൊ​ന്നാ​നി: 12 വ​ർ​ഷ​ത്തെ കാ​ത്തി​രി​പ്പി​ന് ഖ​ത്ത​റി​ൽ വി​രാ​മ​മാ​കു​മെ​ന്നാ​ണ് മാ​റ​ഞ്ചേ​രി​യി​ലെ സ്പെ​യി​ൻ ആ​രാ​ധ​ക​രു​ടെ പ​ക്ഷം. യു​വ​ര​ക്ത​ങ്ങ​ളു​ടെ ശ​ക്തി​യി​ൽ ഇ​ത്ത​വ​ണ സ്പാ​നി​ഷ് പ​ട ക​പ്പ​ടി​ക്കു​മെ​ന്നാ​ണ് ഈ ​യു​വാ​ക്ക​ൾ പ​റ​യു​ന്ന​ത്. പ​രി​ച​യ​സ​മ്പ​ന്ന​രാ​യ സെ​ർ​ജി​യോ റാ​മോ​സും തി​യാ​ഗോ അ​ൽ​ക​ൻ​റാ​ര​യു​മി​ല്ലെ​ങ്കി​ലും പെ​ഡ്രി, ഗാ​വി എ​ന്നി​വ​രു​ൾ​പ്പെ​ടെ​യു​ള്ള യു​വ താ​ര​ങ്ങ​ളെ​യാ​ണ് സ്പെ​യി​ൻ കോ​ച്ച് ലൂ​യി​സ് എ​ൻ​റി​ഖ് ലോ​ക​ക​പ്പി​ന്‍റെ ആ​വേ​ശ​പ്പോ​രാ​ട്ട​ത്തി​നി​റ​ക്കു​ന്ന​ത്. സെ​ന്‍റ​ര്‍ മി​ഡ്ഫീ​ല്‍ഡി​ലാ​ണ് സ്ഥാ​ന​മെ​ങ്കി​ലും പെ​ഡ്രി​യെ ഇ​ട​തു വി​ങ്ങി​ലും വ​ല​തു വി​ങ്ങി​ലും പ്ര​തീ​ക്ഷി​ക്കാം. മു​ന്നേ​റ്റ നി​ര​ക്ക് പ​ന്തെ​ത്തി​ച്ച് ന​ല്‍കു​ന്ന​തി​നൊ​പ്പം പി​ന്നി​ലേ​ക്ക് ഇ​റ​ങ്ങി​വ​ന്ന് പ​ന്ത് ശേ​ഖ​രി​ച്ച് മു​ന്നേ​റു​ന്ന​തും പെ​ഡ്രി​യു​ടെ ശീ​ല​മാ​ണ്.

ഗോ​ൾ വ​ല കാ​ക്കാ​ൻ പ​രി​ച​യ സ​മ്പ​ന്ന​നാ​യ ഉ​ന​യ് സി​മോ​ൺ ഉ​ണ്ടെ​ന്ന​തും പ്ര​തീ​ക്ഷ​ക്ക് വ​ക ന​ൽ​കു​ന്നു​ണ്ട്. ഡാ​നി കാ​ർ​വ​ഹാ​ൽ, സീ​സ​ർ അ​സ്പി​ലി​ക്കേ​റ്റ, എ​റി​ക് ഗാ​ർ​ഷ്യ, ടോ​റ​സ്, ഹ്യ​ഗോ ഗ​ലി​മ​ൻ, ല​പോ​ർ​ട്ട, ജോ​ർ​ദി ആ​ൽ​ബ, ജോ​സ് ഗ​യ എ​ന്നി​വ​രാ​ണ് പ്ര​തി​രോ​ധ നി​ര​ക്കാ​ർ. ബാ​ഴ്‌​സി​ലോ​ണ​യു​ടെ 'എ​ൻ​ജി​നാ​യ' സെ​ർ​ജി ബു​സ്‌​ക്വ​റ്റ്‌​സ്, റോ​ഡ്രി, ഗാ​വി, കാ​ർ​ലോ​സ് സോ​ളെ​ർ, മാ​ർ​ക്കോ​സ് ലോ​റെ​ന്‍റെ, പെ​ഡ്രി, കൊ​കെ എ​ന്നി​വ​ർ മ​ധ്യ​നി​ര​യി​ൽ ക​ളി​ക്കും. യെ​റേ​മി പി​നോ, ഫെ​റാ​ൻ ടോ​റ​സ്, നി​കോ വി​ല്യം​സ്, അ​ൽ​വാ​രോ മൊ​റാ​ട്ട, മാ​ർ​കോ അ​സ​ൻ​ഷ്യോ, പ​ബ്ലോ സെ​റാ​ബി​യ, ഡാ​നി ഒ​ൽ​മോ, അ​ൻ​സു ഫാ​റ്റി എ​ന്നി​വ​രാ​ണ് മു​ന്നേ​റ്റ​നി​ര​യി​ൽ അ​ണി​നി​ര​ക്കു​ക.

ഇം​ഗ്ലീ​ഷ് പാ​സാ​കും

മ​ല​പ്പു​റം: ലോ​ക​ക​പ്പി​ൽ ഇ​ത്ത​വ​ണ ഇം​ഗ്ലീ​ഷ് ക്ലാ​സ് പാ​സാ​കു​മെ​ന്ന് ആ​രാ​ധ​ക​ർ. ഗോ​ൾ വ​ല മു​ത​ൽ മു​ന്നേ​റ്റം വ​രെ ശ​ക്ത​മാ​യ ടീ​മാ​ണ് ഇം​ഗ്ല​ണ്ടി​നു​ള്ള​ത്. കോ​ച്ച് ഗാ​രേ​ത് സൗ​ത്ത് ഗേ​റ്റി​ന്‍റെ കൂ​ടി ത​ന്ത്ര​ങ്ങ​ളാ​കു​മ്പോ​ൾ മി​ക​ച്ച പ്ര​ക​ട​നം ന​ട​ത്തും. യൂ​റോ ക​പ്പി​ൽ ഫൈ​ന​ലി​ൽ ഇ​റ്റ​ലി​യോ​ട് കാ​ലി​ട​റി​യെ​ങ്കി​ലും ലോ​ക​ക​പ്പി​ൽ പി​ഴ​വു​ക​ളെ​ല്ലാം തി​രു​ത്തി ടീം ​ക​രു​ത്ത​റി​യി​ക്കു​മെ​ന്നാ​ണ് പ്ര​തീ​ക്ഷ. മു​ന്നേ​റ്റ നി​ര​യി​ൽ ഹാ​രി​കെ​യ്നും റ​ഹീം സ്റ്റെ​ൽ​ലി​ങ്ങും മാ​ർ​ക്ക​സ് റാ​ഷ്ഫോ​ഡും അ​ട​ക്കം ന​ല്ല ഫോ​മി​ലു​ള്ള താ​ര​ങ്ങ​ളാ​ണ്. മ​ധ്യ​നി​ര​യി​ലെ മേ​സ​ൻ മൗ​ണ്ട്, ജാ​ക് ഗ്രീ​ലി​ഷ്, ഫി​ലി​പ് ഫോ​ഡ​ൻ, സാ​ക്ക, ജെ​യിം​സ് മാ​ഡി​സ​ൺ താ​ര​ങ്ങ​ളും മു​ന്നേ​റ്റ​ത്തി​ന് പ​ന്തെ​ത്തി​ക്കാ​ൻ ക​ള​ത്തി​ൽ നി​റ​യും. പ്ര​തി​രോ​ധ​ത്തി​ൽ ഹാ​രി മ​ഗ്വെ​ർ, കീ​റ​ർ ട്രി​പ്പെ​ർ, എ​റി​ക് ഡ​യ​ർ, ജോ​ൺ സ്റ്റോ​ൺ​സ്, കെ​യി​ൽ വാ​ക്ക​ർ അ​ട​ക്ക​മു​ള്ള​വ​ർ ക​രു​ത്ത് കാ​ണി​ക്കും. വ​ല കാ​ക്കാ​ൻ ജോ​ർ​ഡ​ൻ ഫി​ക്ഫോ​ഡു​മു​ണ്ടാ​കും. ഇം​ഗ്ലീ​ഷ് പ്രീ​മി​യ​ർ ലീ​ഗി​ലെ മു​ൻ​നി​ര ക്ല​ബു​ക​ളി​ലെ താ​ര​ങ്ങ​ളാ​ണ് ടീ​മി​ലു​ള്ള​വ​ർ. 2018 ലോ​ക​ക​പ്പി​ൽ സെ​മി​യി​ൽ ക്രൊ​യേ​ഷ്യ​യോ​ട് 2 -1ന് ​പ​രാ​ജ​യ​പ്പെ​ട്ടാ​ണ് ടീം ​പു​റ​ത്തു പോ​യ​ത്. ഇ​ത്ത​വ​ണ ക​പ്പ് നേ​ടാ​ൻ ക​ഴി​യ​ട്ടെ എ​ന്ന് കോ​ഡൂ​ർ വ​ലി​യാ​ടി​ലെ ആ​രാ​ധ​ക​രാ​യ പി.​ടി. റം​ഷാ​ദ് അ​ലി, വി.​പി. മു​നീ​ർ, പി.​ടി. ബാ​സി​ത്ത് അ​ലി, പി.​പി. റി​യാ​സ്, ശ​ഫീ​ഖ് ഊ​രോ​തൊ​ടി, വി.​ടി. റാ​ഫി, പി. ​സൈ​ഫു​ല്ല, മു​നീ​ർ ക​ട​മ്പോ​ട്ട്, വി. ​ഫി​റോ​സ് എ​ന്നി​വ​ർ പ​റ​ഞ്ഞു. ഗ്രൂ​പ് ബി​യി​ലാ​ണ് ഇം​ഗ്ല​ണ്ട്. എ​തി​രാ​ളി​ക​ളാ​യി അ​മേ​രി​ക്ക, ഇ​റാ​ൻ, വെ​യ്സ് എ​ന്നി​വ​രു​മു​ണ്ട്.

എം​ബാ​പ്പെ​യു​ടെ ഫ്ര​ഞ്ച് പ​ട ക​പ്പു​യ​ര്‍ത്തും

കൊ​ണ്ടോ​ട്ടി: ഖ​ത്ത​ര്‍ ലോ​ക​ക​പ്പി​ല്‍ ക​പ്പു​യ​ര്‍ത്തു​ന്ന ടീം ​ഫ്ര​ഞ്ച് പ​ട ത​ന്നെ​യെ​ന്ന് ആ​രാ​ധ​ക​ര്‍. ലോ​ക​ത്തി​ലെ അ​പ​ക​ട​കാ​രി​ക​ളാ​യ മൂ​ന്ന് സ്‌​ട്രൈ​ക്ക​ര്‍മാ​രു​ള്ള ടീം ​വേ​റെ​യി​ല്ലെ​ന്നാ​ണ് ഇ​വ​രു​ടെ പ​ക്ഷം. ഏ​ത് പ്ര​തി​രോ​ധ​വും ത​ക​ര്‍ക്കാ​ന്‍ കെ​ല്‍പു​ള്ള എം​ബാ​പ്പെ, ബെ​ൻസേമ, ഗ്രീ​സ്മാ​ന്‍ തു​ട​ങ്ങി​യ സം​ഘ​ത്തി​ലാ​ണ് ഫ്രാ​ന്‍സ് ആ​രാ​ധ​ക​രു​ടെ പ്ര​തീ​ക്ഷ. പോ​ഗ്ബ, കാ​ന്‍റെ എ​ന്നി​വ​രു​ടെ അ​ഭാ​വം നി​ക​ത്താ​ൻ ക​മ​വി​ങ്ക, ചൗ​മേ​നി, റാ​ബി​യോ​ട്ട് തു​ട​ങ്ങി​യ​വ​ര്‍ അ​ണി​നി​ര​ക്കു​ന്ന ഫ്ര​ഞ്ച് മ​ധ്യ​നി​ര​ക്ക് ക​ഴി​യു​മെ​ന്ന് ഫ്ര​ഞ്ച് ഫു​ട്‌​ബാ​ള്‍ ഫാ​ന്‍സ് ക്ല​ബ് ഇ​ന്ത്യ പ്ര​തി​നി​ധി മൂ​സ വി​ല​യി​രു​ത്തി. പ​രി​ച​യ​സ​മ്പ​ന്ന​നാ​യ ക്യാ​പ്റ്റ​ന്‍ ലോ​റി​സി​ന്‍റെ കീ​ഴി​ല്‍ ഇ​റ​ങ്ങു​ന്ന ഫ്ര​ഞ്ച് പ​ട​ക്ക് ഖ​ത്ത​ര്‍ കീ​ഴ​ട​ക്കാ​നു​ള്ള മി​ക​ച്ച പ​ട​യാ​ളി​ക​ള്‍ ഉ​ണ്ട്. ഭാ​ഗ്യ​വും​കൂ​ടി തു​ണ​ച്ചാ​ല്‍ ഫ്ര​ഞ്ച് വി​പ്ല​വം കാ​ണാ​മെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് ആ​രാ​ധ​ക​ർ. ഫ്ര​ഞ്ച് പ​ട​ക്ക് തു​ണ​യ​ര്‍പ്പി​ച്ച് ബോ​ര്‍ഡു​ക​ളും ബാ​ന​റു​ക​ളു​മാ​യി ഫാ​ന്‍സ് അ​സോ​സി​യേ​ഷ​ന്‍ മ​ല​ബാ​റി​ല്‍ സ​ജീ​വ​മാ​ണ്.

പ്ര​തീ​ക്ഷ തോ​മ​സ്​ മു​ള്ള​റി​ലും ജ​ർ​മ​ൻ ക​രു​ത്തി​ലും

പെ​രി​ന്ത​ൽ​മ​ണ്ണ: എ​ട്ടു​ത​വ​ണ ഫൈ​ന​ലി​ലെ​ത്തു​ക​യും നാ​ലു​ത​വ​ണ ക​പ്പ​ടി​ക്കു​ക​യും ചെ​യ്ത ജ​ർ​മ​ൻ പ​ട​ക്കാ​ണ് ഇ​ത്ത​വ​ണ വേ​ൾ​ഡ് ക​പ്പി​ൽ മു​ത്ത​മി​ടാ​നു​ള്ള ഭാ​ഗ്യ​മു​ണ്ടാ​വു​ക​യെ​ന്നാ​ണ് ക​രു​വാ​ര​കു​ണ്ട് ക​ക്ക​റ​യി​ലെ യ​ങ്സ്റ്റാ​ർ ക്ല​ബ് അം​ഗ​ങ്ങ​ൾ കൂ​ടി​യാ​യ ജ​ർ​മ​ൻ ഫാ​ൻ​സി​ന്‍റെ ഉ​റ​ച്ച വി​ശ്വാ​സം. അ​തി​നു നി​ര​ത്തു​ന്ന കാ​ര​ണ​ങ്ങ​ളും പ​ല​താ​ണ്. ക്യാ​പ്റ്റ​ൻ കി​മ്മി​ച്ചി​നോ​ടൊ​പ്പം പ്ര​ധാ​ന സ്ട്രൈ​ക്ക​ർ തോ​മ​സ് മു​ള്ള​റും ഗ​ന​ബ​റി​യും ഹ​വാ​ട്ട​സും സെ​ന​യും ഗോ​ൾ​കീ​പ്പ​ർ മാ​നു​വ​ൽ​നൂ​യ​റും അ​ട​ക്കം എ​ടു​ത്തു​പ​റ​യാ​വു​ന്ന താ​ര​നി​ര​യാ​ണ് ടീ​മി​ന്‍റെ ക​രു​ത്ത്. ക​ക്ക​റ​യി​ലെ നി​ധി​ൻ, സി.​പി. ഡാ​നി​ഷ്, അ​ഫ്സ​ൽ മു​ഹ​മ്മ​ദ്, എം. ​സ​ഫ​റു​ദ്ദീ​ൻ, ഉ​മ്മ​ർ, ഖാ​ദ​ർ, ബെ​ന്നി, വി​ദേ​ശ​ത്തു​ള്ള ഹ​ർ​ഷ​ദ് ഹാ​രി​ഫ് തു​ട​ങ്ങി​യ​വ​ർ ചേ​ർ​ന്ന്​ ടീ​മി​നു വേ​ണ്ടി ഇ​വ​ർ കൂ​റ്റ​ൻ ഫ്ല​ക്സും സ്ഥാ​പി​ച്ചി​ട്ടു​ണ്ട്. ബ​യേ​ൺ മ്യൂ​ണി​ക്കി​ലും ചെ​ൽ​സി​യി​ലും ക​ളി​ക്കു​ന്ന​വ​രാ​ണ് ജ​ർ​മ​നി​യു​ടെ പ്ര​ധാ​ന ക​ളി​ക്കാ​ർ. യൂ​റോ ക​പ്പ് ക​ഴി​ഞ്ഞ ശേ​ഷം ജ​ർ​മ​ൻ ടീ​മി​ന്‍റെ പ​രി​ശീ​ല​ന​മേ​റ്റെ​ടു​ത്ത ഹാ​ൻ​സി ഫ്ലി​ക്കി​ന്‍റെ ത​ന്ത്ര​ങ്ങ​ളും ഇ​ത്ത​വ​ണ കാ​ണാം. കൊ​റി​യ​യോ​ടാ​ണ് ജ​ർ​മ​നി​യു​ടെ ആ​ദ്യ​മ​ത്സ​രം. ഈ​സി വാ​ക്ക് ഓ​വ​റാ​ണ് പ്ര​തീ​ക്ഷ. ക​രു​വാ​ര​കു​ണ്ട് ക​ക്ക​റ​യി​ലെ 80ഓ​ളം പേ​രു​ള്ള യ​ങ്സ്റ്റാ​ർ ക്ല​ബി​ൽ അ​ർ​ജ​ന്‍റീ​ന, ബ്ര​സീ​ൽ, പോ​ർ​ചു​ഗ​ൽ ടീ​മു​ക​ൾ​ക്കാ​ണ് ആ​രാ​ധ​ക​രേ​റെ. പ​ക്ഷേ, ജ​ർ​മ​ൻ ടീ​മി​ലു​ള്ള വി​ശ്വാ​സ​മാ​ണ് ഫാ​ൻ​സി​ന്‍റെ ക​രു​ത്തെ​ന്ന് ഫു​ട്​​ബാ​ൾ ക​ളി​ക്കാ​ര​ൻ കൂ​ടി​യാ​യ എം. ​സ​ഫ​റു​ദ്ദീ​ൻ പ​റ​യു​ന്നു.