ച​രി​ത്രം ര​ചി​ക്കാ​ൻ ഇ​ന്തോ​നേ​ഷ്യ; ജ​പ്പാ​ന് അ​ഗ്നി​പ​രീ​ക്ഷ

ദോ​ഹ: ഗ്രൂ​പ് ഡി​യി​ൽ ഇ​ന്ന് നി​ർ​ണാ​യ​ക മ​ത്സ​ര​ങ്ങ​ൾ. ആ​ദ്യ ര​ണ്ടു മ​ത്സ​ര​ങ്ങ​ൾ ജ​യി​ച്ച് നോ​ക്കൗ​ട്ടി​ൽ ഇ​ടം​നേ​ടി​യ ഇ​റാ​ഖ് താ​ര​ത​മ്യേ​ന ദു​ർ​ബ​ല​രാ​യ വി​യ​റ്റ്‌​നാ​മി​നെ നേ​രി​ടും. അ​തേ​സ​മ​യം, കി​രീ​ട ഫേ​വ​റി​റ്റു​ക​ളി​ൽ മു​ൻ​പ​ന്തി​യി​ൽ നി​ൽ​ക്കു​ന്ന ജ​പ്പാ​ന് നേ​രി​ടാ​നു​ള്ള​ത് ഒ​ന്നും ന​ഷ്ട​പ്പെ​ടാ​നി​ല്ലാ​ത്ത ഇ​ന്തോ​നേ​ഷ്യ​യെ​യാ​ണ്. ഇ​റാ​ഖി​നെ​തി​രാ​യ തോ​ൽ​വി​യു​ടെ ഞെ​ട്ട​ലി​ൽ​നി​ന്ന് മാ​റാ​തെ​യാ​ണ് ജ​പ്പാ​ൻ ക​ള​ത്തി​ലി​റ​ങ്ങു​ന്ന​തെ​ങ്കി​ൽ വി​യ​റ്റ്‌​നാ​മി​നെ​തി​രെ ത​ങ്ങ​ളു​ടെ ആ​ദ്യ ജ​യം സ്വ​ന്ത​മാ​ക്കി നോ​ക്കൗ​ട്ട് പ്ര​തീ​ക്ഷ​ക​ളു​മാ​യാ​ണ് ഇ​ന്തോ​നേ​ഷ്യ ബൂ​ട്ടു​കെ​ട്ടു​ന്ന​ത്. ഇ​ന്ന് വൈ​കീ​ട്ട് 2.30ന് ​അ​ൽ തു​മാ​മ സ്‌​റ്റേ​ഡി​യ​ത്തി​ലാ​ണ് ജ​പ്പാ​ൻ-​ഇ​ന്തോ​നേ​ഷ്യ മ​ത്സ​രം ന​ട​ക്കു​ന്ന​ത്.

മ​റ്റൊ​രു മ​ത്സ​ര​ത്തി​ൽ ഇ​റാ​ഖ് വി​യ​റ്റ്‌​നാ​മി​നെ നേ​രി​ടും. സ​ദ്ദി​ലെ ജാ​സിം ബി​ൻ ഹ​മ​ദ് സ്റ്റേ​ഡി​യ​ത്തി​ൽ 2.30നാ​ണ് കി​ക്കോ​ഫ്. ആ​ദ്യ ര​ണ്ടു മ​ത്സ​ര​ങ്ങ​ളും ജ​യി​ച്ച് നേ​ര​ത്തേ​ത​ന്നെ നോ​ക്കൗ​ണ്ട് റൗ​ണ്ട് ഉ​റ​പ്പി​ച്ചാ​ണ് ഇ​റാ​ഖ് വ​രു​ന്ന​ത്.

അ​തേ​സ​മ​യം, ര​ണ്ടു മ​ത്സ​ര​ങ്ങ​ളും പ​രാ​ജ​യ​പ്പെ​ട്ട ഫി​ലി​പ് ട്രൗ​സി​യ​റി​ന്റെ വി​യ​റ്റ്‌​നാം ഇ​തി​ന​കം ടൂ​ർ​ണ​മെ​ന്റി​ൽ​നി​ന്ന് പു​റ​ത്തു​പോ​യി​ട്ടു​ണ്ട്. ജ​പ്പാ​നെ​തി​രെ ര​ണ്ടി​നെ​തി​രെ നാ​ലു ഗോ​ളു​ക​ൾ​ക്കും ഇ​ന്തോ​നേ​ഷ്യ​യോ​ട് ഏ​ക​പ​ക്ഷീ​യ​മാ​യ ഒ​രു ഗോ​ളി​നു​മാ​ണ് വി​യ​റ്റ്‌​നാം പ​രാ​ജ​യ​പ്പെ​ട്ട​ത്.