നീ​ല​ക്കു​പ്പാ​യ​ത്തി​ൽ ഛേത്രി​ക്ക് നാ​ളെ 150

ഗു​വാ​ഹ​തി: ഇ​ന്ത്യ​ൻ ഫു​ട്ബാ​ൾ ടീം ​നാ​യ​ക​ൻ സു​നി​ൽ ഛേത്രി ​ചൊ​വ്വാ​ഴ്ച ഇ​റ​ങ്ങു​ന്ന​ത് 150ാം അ​ന്താ​രാ​ഷ്ട്ര മ​ത്സ​ര​ത്തി​ന്. ചൊ​വ്വാ​ഴ്ച ഇ​ന്ദി​രാ​ഗാ​ന്ധി സ്റ്റേ​ഡി​യ​ത്തി​ൽ അ​ഫ്ഗാ​നി​സ്താ​നെ​തി​രെ ന​ട​ക്കു​ന്ന ലോ​ക​ക​പ്പ് യോ​ഗ്യ​ത മ​ത്സ​ര​ത്തി​ലാ​ണ് 39കാ​ര​ൻ മ​റ്റൊ​രു നാ​ഴി​ക​ക്ക​ല്ല് പി​ന്നി​ടു​ന്ന​ത്. സീ​നി​യ​ർ ജ​ഴ്സി​യി​ൽ 150ാം ത​വ​ണ​യെ​ത്തു​ന്ന താ​ര​ത്തെ അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ ആ​ദ​രി​ക്കും. ഇ​ന്ത്യ​ക്കു​വേ​ണ്ടി ഏ​റ്റ​വു​മ​ധി​കം മ​ത്സ​ര​ങ്ങ​ൾ ക​ളി​ച്ച​യാ​ളെ​ന്ന റെ​ക്കോ​ഡ് വ​ർ​ഷ​ങ്ങ​ൾ​ക്ക് മു​മ്പേ ഛേത്രി ​സ്വ​ന്ത​മാ​ക്കി​യി​ട്ടു​ണ്ട്.

149 മ​ത്സ​ര​ങ്ങ​ളി​ൽ 93 ഗോ​ളു​ക​ളാ​ണ് ഛേത്രി​യു​ടെ പേ​രി​ലു​ള്ള​ത്. ക്രി​സ്റ്റ്യാ​നോ റൊ​ണാ​ൾ​ഡോ (128), ല​യ​ണ​ൽ മെ​സ്സി (106) എ​ന്നി​വ​ർ​ക്ക് തൊ​ട്ടു​താ​ഴെ നി​ല​വി​ൽ അ​ന്താ​രാ​ഷ്ട്ര ഫു​ട്ബാ​ളി​ൽ ഏ​റ്റ​വും കൂ​ടു​ത​ൽ സ​ജീ​വ​മാ​യ​വ​രി​ൽ മൂ​ന്നാം സ്ഥാ​ന​ക്കാ​ര​നാ​ണ് ഇ​ന്ത്യ​ൻ നാ‍യ​ക​ൻ. ത​ന്റെ 25, 50, 75, 100, 125 മ​ത്സ​ര​ങ്ങ​ളി​ൽ കു​റ​ഞ്ഞ​ത് ഒ​രു ഗോ​ളെ​ങ്കി​ലും നേ​ടി​യ​തി​ന്റെ അ​തു​ല്യ റെ​ക്കോ​ഡും ഛേത്രി​യു​ടെ പേ​രി​ലു​ണ്ട്. 2005 ജൂ​ൺ 12ന് ​ക്വ​റ്റ​യി​ൽ പാ​കി​സ്താ​നെ​തി​രെ ന​ട​ന്ന സൗ​ഹൃ​ദ മ​ത്സ​ര​ത്തി​ലാ​ണ് ഛേത്രി ​ആ​ദ്യ​മാ​യി സീ​നി​യ​ർ ദേ​ശീ​യ ടീ​മി​ന്റെ ജ​ഴ്സി അ​ണി​ഞ്ഞ​ത്. 1-1ന് ​സ​മ​നി​ല​യി​ലാ​യ മ​ത്സ​ര​ത്തി​ൽ ഛേത്രി ​സ്‌​കോ​ർ ചെ​യ്തി​രു​ന്നു.

‘‘2005 മു​ത​ൽ ന​മു​ക്കെ​ല്ലാ​വ​ർ​ക്കും സാ​ക്ഷ്യം​വ​ഹി​ക്കാ​ൻ ഭാ​ഗ്യം ല​ഭി​ച്ച വി​സ്മ​യ​ക​ര​വും അ​മ്പ​ര​പ്പി​ക്കു​ന്ന​തു​മാ​യ ഒ​രു യാ​ത്ര​യാ​ണി​ത്. ഛേത്രി 150ാം ​അ​ന്താ​രാ​ഷ്ട്ര മ​ത്സ​രം ക​ളി​ക്കു​ന്ന​ത് അ​സാ​ധാ​ര​ണ​മാ​യ ഒ​രു നേ​ട്ട​മാ​ണ്. ഇ​ന്ത്യ​ൻ ഫു​ട്ബാ​ൾ പ​താ​ക ഉ​യ​ര​ത്തി​ൽ പാ​റി​പ്പ​റ​ക്കു​ന്ന​തി​ൽ അ​ദ്ദേ​ഹം ഏ​റെ പ​ങ്കു​വ​ഹി​ക്കു​ന്നു’’ -എ.​ഐ.​എ​ഫ്.​എ​ഫ് പ്ര​സി​ഡ​ന്റ് ക​ല്യാ​ൺ ചൗ​ബേ പ​റ​ഞ്ഞു. സൗ​ദി​യി​ൽ ന​ട​ന്ന എ​വേ മ​ത്സ​ര​ത്തി​ൽ ക​ഴി​ഞ്ഞ​യാ​ഴ്ച അ​ഫ്ഗാ​നോ​ട് സ​മ​നി​ല വ​ഴ​ങ്ങി​യ ശേ​ഷ​മാ​ണ് ഇ​ന്ത്യ ഹോം ​മാ​ച്ചി​നി​റ​ങ്ങു​ന്ന​ത്. 2027ലെ ​എ.​എ​ഫ്‌.​സി ഏ​ഷ്യ​ൻ ക​പ്പി​നു​ള്ള പ്രാ​ഥ​മി​ക യോ​ഗ്യ​ത​യു​ടെ ര​ണ്ടാം റൗ​ണ്ട് കൂ​ടി​യാ​ണി​ത്.