സ്റ്റി​മാ​ക്കി​ന് ര​ണ്ടു മ​ത്സ​ര​ങ്ങ​ളി​ൽ വി​ല​ക്കും 41,000 രൂ​പ പി​ഴ​യും

ബം​ഗ​ളൂ​രു: സാ​ഫ് ഫു​ട്ബാ​ൾ ചാ​മ്പ്യ​ൻ​ഷി​പ്പി​നി​ടെ വീ​ണ്ട് ചു​വ​പ്പ് കാ​ർ​ഡ് ക​ണ്ട് പു​റ​ത്താ​യ ഇ​ന്ത്യ​ൻ പ​രി​ശീ​ല​ക​ൻ ഇ​ഗോ​ർ സ്റ്റി​മാ​ക്കി​നെ​തി​രെ ക​ടു​ത്ത ന​ട​പ​ടി. സ്റ്റി​മാ​ക്കി​ന് ര​ണ്ടു മ​ത്സ​ര​ങ്ങ​ളി​ൽ വി​ല​ക്കും 500 യു.​എ​സ് ഡോ​ള​ർ (ഏ​ക​ദേ​ശം 41,000 രൂ​പ) പി​ഴ​യും ചു​മ​ത്തി. സാ​ഫ് അ​ച്ച​ട​ക്ക സ​മി​തി​യു​ടേ​താ​ണ് ന​ട​പ​ടി. ചാ​മ്പ്യ​ൻ​ഷി​പ്പി​ൽ ഇ​ന്ത്യ ആ​ദ്യ മ​ത്സ​ര​ത്തി​ൽ പാ​കി​സ്താ​നെ നേ​രി​ടു​മ്പോ​ൾ സ്റ്റി​മാ​ക്കി​ന് റ​ഫ​റി ചു​വ​പ്പ് കാ​ർ​ഡ് കാ​ണി​ച്ചി​രു​ന്നു. തു​ട​ർ​ന്ന് നേ​പ്പാ​ളി​നെ​തി​രാ​യ ക​ളി​യി​ൽ​നി​ന്ന് വി​ട്ടു​നി​ൽ​ക്കേ​ണ്ടി​വ​ന്നു. മൂ​ന്നാം മ​ത്സ​ര​ത്തി​ൽ ഇ​ന്ത്യ കു​വൈ​ത്തി​നെ​തി​രെ ക​ളി​ക്കു​മ്പോ​ഴാ​ണ് പെ​രു​മാ​റ്റ​ത്തി​ന്റെ പേ​രി​ൽ പ​രി​ശീ​ല​ക​നെ ഒ​രി​ക്ക​ൽ​ക്കൂ​ടി പു​റ​ത്താ​ക്കു​ന്ന​ത്.

‘‘ആ​ദ്യ സം​ഭ​വ​ത്തി​ൽ​നി​ന്ന് വ്യ​ത്യ​സ്ത​മാ​യി ഗു​രു​ത​ര​മാ​യ കു​റ്റ​മാ​യ​തി​നാ​ൽ വി​ഷ​യം സാ​ഫ് അ​ച്ച​ട​ക്ക​സ​മി​തി​യി​ൽ എ​ത്തി. റെ​ഡ് കാ​ർ​ഡ് കാ​ണി​ച്ച​തി​നു​ശേ​ഷം ഗ്രൗ​ണ്ടി​ന് പു​റ​ത്തു പോ​കു​മ്പോ​ൾ ഉ​ദ്യോ​ഗ​സ്ഥ​ർ​ക്കെ​തി​രെ സ്റ്റി​മാ​ക് അ​ധി​ക്ഷേ​പ​ക​ര​മാ​യ ഭാ​ഷ ഉ​പ​യോ​ഗി​ച്ചു. അ​ദ്ദേ​ഹ​ത്തി​ന് ര​ണ്ടു മ​ത്സ​ര വി​ല​ക്കും 500 യു.​എ​സ് ഡോ​ള​ർ പി​ഴ​യും ചു​മ​ത്തി​യി​ട്ടു​ണ്ട്’’ -സാ​ഫ് ജ​ന​റ​ൽ സെ​ക്ര​ട്ട​റി ജ​ന​റ​ൽ അ​ൻ​വാ​റു​ൽ ഹ​ഖ് അ​റി​യി​ച്ചു. ര​ണ്ടു മ​ത്സ​ര വി​ല​ക്ക് വ​ന്ന​തോ​ടെ, ഇ​ന്ത്യ​ൻ ടീം ​ഫൈ​ന​ലി​ൽ എ​ത്തി​യാ​ൽ സ്റ്റി​മാ​ക് ചു​മ​ത​ല​യി​ൽ ഉ​ണ്ടാ​കി​ല്ലെ​ന്ന് ഉ​റ​പ്പാ​യി. സ​ഹ​പ​രി​ശീ​ല​ക​ൻ മ​ഹേ​ഷ് ഗാ​വ്‌​ലി​ക്ക് സ്ഥാ​നം ഏ​റ്റെ​ടു​ക്കേ​ണ്ടി​വ​രും.