നാഗൽസ്മാന്റെ കരാർ നീട്ടി ജർമനി

ബർലിൻ: ജർമനിയുടെ ഫുട്ബാൾ ടീം കോച്ച് ജൂലിയൻ നാഗൽസ്മാന്റെ കരാർ 2026 ലോകകപ്പ് വരെ നീട്ടി. ബയേൺ മ്യൂണികിലേക്ക് നാഗൽസ്മാൻ മടങ്ങിവരുമെന്ന അഭ്യൂഹത്തിനിടെയാണ് കരാർ നീട്ടിയത്. ഈ സീസൺ അവസാനത്തോടെ തോമസ് ടുഹലുമായി പിരിയാൻ തീരുമാനിച്ചതിന് ശേഷം അടുത്ത സീസണിലേക്ക് ബയേൺ പുതിയ പരിശീലകനെ തേടുകയാണ്.

ഹാൻസി ഫ്ലിക്കിന്റെ കീഴിൽ ജർമനിയുടെ പ്രകടനം മോശമായതിനെ തുടർന്നാണ് കഴിഞ്ഞ സെപ്റ്റംബറിൽ താൽക്കാലികമായി നാഗൽസ്മാനെ നിയമിച്ചത്. നാഗൽസ്മാൻ ചുമതലയേറ്റശേഷം ആറ് കളികളിൽ മൂന്ന് ജയവും രണ്ട് തോൽവിയും ഒരു സമനിലയുമാണ് ജർമനി നേടിയത്.