വൻകരയുടെ പട്ടാഭിഷേകം ലുസൈലിൽ

ദോ​ഹ: ല​യ​ണ​ൽ മെ​സ്സി​യും സം​ഘ​വും ലോ​ക​കി​രീ​ട​മു​യ​ർ​ത്തി​യ ലു​സൈ​ലി​ന്റെ മ​ണ്ണി​ൽ നി​ന്നു​ത​ന്നെ വ​ൻ​ക​ര​യു​ടെ ചാ​മ്പ്യ​ന്മാ​രും ഉ​ദി​ച്ചു​യ​രും. ജ​നു​വ​രി-​ഫെ​ബ്രു​വ​രി മാ​സ​ങ്ങ​ളി​ലാ​യി ഖ​ത്ത​ർ വേ​ദി​യാ​കു​ന്ന ഏ​ഷ്യ​ൻ ക​പ്പ്​ ഫു​ട്​​ബാ​ളി​ന്റെ ഉ​ദ്​​ഘാ​ട​ന, ഫൈ​ന​ൽ മ​ത്സ​ര​ങ്ങ​ൾ​ക്ക്​ ലു​സൈ​ൽ സ്​​റ്റേ​ഡി​യം വേ​ദി​യാ​കു​മെ​ന്ന്​ സം​ഘാ​ട​ക​ർ പ്ര​ഖ്യാ​പി​ച്ചു.

നേ​ര​ത്തേ പ്ര​ഖ്യാ​പി​ച്ച എ​ട്ടു വേ​ദി​ക​ളി​ൽ ലു​സൈ​ൽ സ്​​റ്റേ​ഡി​യ​മി​ല്ലാ​യി​രു​ന്നു. പ​രി​ഷ്​​ക​രി​ച്ച പു​തി​യ മ​ത്സ​ര ഫി​ക്​​സ്​​ച​റു​ക​ളി​ൽ ലു​സൈ​ലി​നെ​യും ഉ​ൾ​പ്പെ​ടു​ത്തി​യാ​ണ്​ പു​തി​യ വേ​ദി​ക​ൾ ​തി​ങ്ക​ളാ​ഴ്​​ച പ്ര​ഖ്യാ​പി​ച്ച​ത്. ലോ​ക​ക​പ്പ്​ വേ​ദി​ക​ളാ​യ അ​ൽ ബെ​യ്​​ത്​ സ്​​റ്റേ​ഡി​യം, അ​ൽ ജ​നൂ​ബ്, അ​ൽ തു​മാ​മ, അ​ഹ​മ്മ​ദ്​ ബി​ൻ​അ​ലി, എ​ജു​ക്കേ​ഷ​ൻ സി​റ്റി, ഖ​ലീ​ഫ ഇ​ൻ​റ​ർ​നാ​ഷ​ന​ൽ എ​ന്നീ സ്​​റ്റേ​ഡി​യ​ങ്ങ​ളും ഏ​ഷ്യ​ൻ ക​പ്പി​ന്​ വേ​ദി​യാ​കും.

ഇ​വ​ക്കു പു​റ​മെ, അ​ൽ സ​ദ്ദി​ന്റെ ഹോം ​ഗ്രൗ​ണ്ടാ​യ ജാ​സിം ബി​ൻ ഹ​മ​ദ്, അ​ൽ ദു​ഹൈ​ലി​ന്റെ ഹോം ​ഗ്രൗ​ണ്ടാ​യ അ​ബ്​​ദു​ല്ല ബി​ൻ ഖ​ലീ​ഫ സ്​​റ്റേ​ഡി​യ​ങ്ങ​ളും ഏ​ഷ്യ​ൻ ക​പ്പ്​ മ​ത്സ​ര​ങ്ങ​ൾ​ക്ക്​ സാ​ക്ഷി​യാ​കും. ആ​കെ ഒ​മ്പ​തു​ വേ​ദി​ക​ളി​ലാ​യാ​ണ്​ 24 ടീ​മു​ക​ളു​ടെ ഉ​ശി​ര​ൻ പോ​രാ​ട്ട​ങ്ങ​ൾ ന​ട​ക്കു​ന്ന​ത്.

നാ​ലു​ ടീ​മു​ക​ൾ വീ​ത​മു​ള്ള ആ​റു​ ഗ്രൂ​പ്പു​ക​ളാ​യാ​വും ആ​ദ്യ ഘ​ട്ട​ങ്ങ​ളി​ലെ മ​ത്സ​ര​ങ്ങ​ൾ. ആ​തി​ഥേ​യ​രാ​യ ഖ​ത്ത​റും ല​ബ​നാ​നും ത​മ്മി​ലാ​ണ്​ ഉ​ദ്​​ഘാ​ട​ന മ​ത്സ​രം.

കി​ക്കോ​ഫ്:​ ഖ​ത്ത​ർ x ല​ബ​നാ​ൻ

2024 ജ​നു​വ​രി 12ന്​ ​ലു​സൈ​ൽ സ്​​റ്റേ​ഡി​യ​ത്തി​ൽ ആ​തി​ഥേ​യ​രാ​യ ഖ​ത്ത​റും ല​ബ​നാ​നും ത​മ്മി​ലെ മ​ത്സ​ര​ത്തോ​ടെ വ​ൻ​ക​ര​യു​ടെ അ​ങ്ക​ത്തി​ന്​ കി​ക്കോ​ഫ്​ കു​റി​ക്കും. നേ​ര​ത്തേ അ​ൽ ബെ​യ്​​തി​ൽ ഉ​ദ്​​ഘാ​ട​ന മ​ത്സ​രം ന​ട​ത്തു​മെ​ന്നാ​യി​രു​ന്നു അ​റി​യി​പ്പ്. 88,000ത്തി​ലേ​റെ കാ​ണി​ക​ൾ​ക്ക്​ ഇ​രി​പ്പി​ട​ശേ​ഷി​യു​ള്ള ലു​സൈ​ൽ സ്​​റ്റേ​ഡി​യം വേ​ദി​യാ​കു​ന്ന​തോ​ടെ ഏ​ഷ്യ​ൻ ക​പ്പ്​ ച​രി​ത്ര​ത്തി​ൽ​ത​ന്നെ ഏ​റ്റ​വും വ​ലി​യ ആ​രാ​ധ​ക​രെ സാ​ക്ഷി​യാ​ക്കി​യു​ള്ള ഉ​ദ്​​ഘാ​ട​ന, ഫൈ​ന​ൽ മ​ത്സ​ര​ങ്ങ​ൾ​ക്കാ​വും ഇ​ത്ത​വ​ണ വേ​ദി​യാ​കു​ന്ന​ത്.

ജ​നു​വ​രി 12​ന്റെ ​ഉ​ദ്​​ഘാ​ട​ന​മ​ത്സ​ര​ത്തി​നും ഫെ​ബ്രു​വ​രി 10ന്റെ ​ഫൈ​ന​ൽ മ​ത്സ​ര​ത്തി​നും മാ​ത്ര​മാ​ണ്​ ലു​സൈ​ൽ വേ​ദി​യാ​കു​ന്ന​ത്. ഗ്രൂ​പ്​ ‘ബി’​യി​ൽ മ​ത്സ​രി​ക്കു​ന്ന ഇ​ന്ത്യ​യു​ടെ ആ​ദ്യ മ​ത്സ​രം ജ​നു​വ​രി 13ന്​ ​ആ​സ്​​ട്രേ​ലി​യ​ക്കെ​തി​രെ അ​ഹ​മ്മ​ദ്​ ബി​ൻ​അ​ലി സ്​​റ്റേ​ഡി​യ​ത്തി​ലാ​ണ്. ലോ​ക​ക​പ്പി​നു​ശേ​ഷം, ഖ​ത്ത​റി​ലെ ക​ളി​മു​റ്റ​ങ്ങ​ൾ വീ​ണ്ടും ആ​വേ​ശ​​പ്പോ​രാ​ട്ട​ത്തി​ന്​ വേ​ദി​യാ​കാ​ൻ ഒ​രു​ങ്ങു​ക​യാ​ണെ​ന്ന്​ ഏ​ഷ്യ​ൻ ക​പ്പ്​ പ്രാ​ദേ​ശി​ക സം​ഘാ​ട​ക സ​മി​തി സി.​ഇ.​ഒ ജാ​സിം അ​ൽ ജാ​സിം പ​റ​ഞ്ഞു.

‘ഗാ​ല​റി​ക​ൾ വീ​ണ്ടും ഉ​ണ​രാ​ൻ ഒ​രു​ങ്ങു​ക​യാ​ണ്. വ​ൻ​ക​ര​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള ഫു​ട്​​ബാ​ൾ ആ​രാ​ധ​ക​ർ ഒ​ന്നി​ക്കും. ഏ​റ്റ​വും മി​ക​ച്ച ഫു​ട്​​ബാ​ൾ ടൂ​ർ​ണ​മെ​ന്റി​ന്​ മൂ​ന്നാം ത​വ​ണ​യും ആ​തി​ഥേ​യ​രാ​വാ​നു​ള്ള ഒ​രു​ക്ക​ത്തി​ലാ​ണ്​ ഖ​ത്ത​ർ’ -​അ​ദ്ദേ​ഹം പ​റ​ഞ്ഞു.

1988ലും 2011​ലു​മാ​യി​രു​ന്നു നേ​ര​ത്തേ ഖ​ത്ത​ർ വേ​ദി​യാ​യ​ത്. 2019ൽ ​യു.​എ.​ഇ​യി​ൽ ന​ട​ന്ന ഏ​ഷ്യ​ൻ ക​പ്പി​ൽ കി​രീ​ട​മു​യ​ർ​ത്തി നി​ല​വി​ലെ ജേ​താ​ക്ക​ൾ എ​ന്ന പെ​രു​മ​യു​മാ​യാ​ണ്​ ഖ​ത്ത​ർ വ​ൻ​ക​ര​യു​ടെ അ​ങ്ക​ത്തി​ന്​ വേ​ദി​യൊ​രു​ക്കു​ന്ന​ത്. ഗ്രൂ​പ് ‘എ’​യി​ൽ ചൈ​ന, താ​ജി​കി​സ്​​താ​ൻ, ല​ബ​നാ​ൻ എ​ന്നി​വ​ർ​ക്കൊ​പ്പ​മാ​ണ്​ ഖ​ത്ത​ർ. ഉ​ദ്​​ഘാ​ട​ന​മ​ത്സ​രം രാ​ത്രി ഏ​ഴി​നും ജ​നു​വ​രി 14ന്​ 5.30​ന്​ താ​ജി​കി​സ്​​താ​നെ​തി​രെ​യും 25ന്​ ​ആ​റി​ന്​ ചൈ​ന​ക്കെ​തി​രെ​യു​മാ​ണ്​ മ​ത്സ​ര​ങ്ങ​ൾ.