ഏഷ്യ​ൻ ഗെ​യിം​സ് ടെ​ന്നി​സ്: രാംകുമാർ-മെയ്നേനി സഖ്യത്തിന് വെള്ളി

ഹാ​ങ്ചോ: ഏ​ഷ്യ​ൻ ഗെ​യിം​സ് ടെ​ന്നി​സി​ൽ പു​രു​ഷ ഡ​ബ്ൾ​സി​ൽ ഇ​ന്ത്യ​യു​ടെ രാം​കു​മാ​ർ രാ​മ​നാ​ഥ​നും സ​കേ​ത് മെ​യ്നേ​നി​യും ചേ​ർ​ന്ന സ​ഖ്യ​ത്തി​ന് വെ​ള്ളി. വെ​ള്ളി​യാ​ഴ്ച ന​ട​ന്ന ഫൈ​ന​ലി​ൽ സീ​ഡ്​ ചെ​യ്യ​പ്പെ​ടാ​തെ വ​ന്ന ചൈ​നീ​സ് താ​യ്പേ​യി​യു​ടെ സു ​യു സി​യോ-​ജാ​സ​ൺ ജ​ങ് സ​ഖ്യം ര​ണ്ടാം സീ​ഡാ​യ ഇ​ന്ത്യ​ക്കാ​രു​ടെ സു​വ​ർ​ണ പ്ര​തീ​ക്ഷ​ക​ൾ നേ​രി​ട്ടു​ള്ള സെ​റ്റു​ക​ളി​ൽ അ​വ​സാ​നി​പ്പി​ച്ചു.

സ്കോ​ർ: 6-4, 6-4. അ​തേ​സ​മ​യം, മി​ക്സ​ഡ് ഡ​ബ്ൾ​സി​ൽ റു​ത്ജ ബൊ​സാ​ലെ​ക്കൊ​പ്പം ഇ​ന്ത്യ​യു​ടെ വെ​റ്റ​റ​ൻ താ​രം രോ​ഹ​ൻ ബൊ​പ്പ​ണ്ണ ഫൈ​ന​ലി​ൽ ക​ട​ന്നു. സെ​മി​യി​ൽ അ​വ​ർ 6-1, 3-6, 10-4 എ​ന്ന സ്കോ​റി​ന് ചൈ​നീ​സ് താ​യ്പേ​യി​യു​ടെ ചാ​ൻ ഹാ​വോ ചി​ങ്-​സു യു ​സി​യോ ജോ​ടി​യെ തോ​ൽ​പി​ച്ചു. സിം​ഗ്ൾ​സ് റാ​ങ്കി​ങ്ങി​ൽ മു​ൻ​നി​ര​ക്കാ​രാ​യ താ​യ്പേ​യി​ക്കാ​ർ മ​ത്സ​ര​ത്തി​ലൊ​രി​ക്ക​ലും ഇ​ന്ത്യ​ൻ ജോ​ടി​ക്ക് കൂ​ടു​ത​ൽ അ​വ​സ​ര​ങ്ങ​ൾ ന​ൽ​കി​യി​ല്ല. നി​ർ​ണാ​യ​ക ഘ​ട്ട​ത്തി​ൽ ഇ​ന്ത്യ​ക്കാ​രു​ടെ സെ​ർ​വ് ഭേ​ദി​ച്ച് അ​വ​ർ ജ​യി​ച്ചു​ക​യ​റു​ക​യും ചെ​യ്തു.

ഏ​ഷ്യ​ൻ ഗെ​യിം​സി​ൽ രാം​കു​മാ​റി​ന്റെ ആ​ദ്യ മെ​ഡ​ലാ​ണി​ത്. മെ​യ്നേ​നി​യു​ടെ മൂ​ന്നാ​മ​ത്തേ​തും. ഇ​ഞ്ചി​യോ​ണി​ൽ മി​ക്സ​ഡ് ഡ​ബ്ൾ​സി​ൽ സാ​നി​യ​ക്കൊ​പ്പം സ്വ​ർ​ണം നേ​ടി​യ മെ​യ്നേ​നി പു​രു​ഷ ഡ​ബ്ൾ​സി​ൽ സ​നം സി​ങ്ങി​നൊ​പ്പം വെ​ള്ളി​യും നേ​ടി​യി​രു​ന്നു.

രാ​ജ്യ​ത്തി​നു​വേ​ണ്ടി നേ​ടാ​ൻ കൊ​തി​ച്ച, ഏ​റെ കാ​ത്തി​രു​ന്ന മെ​ഡ​ൽ കി​ട്ടി​യ​തി​ൽ ഏ​റെ സ​ന്തോ​ഷ​വാ​നാ​ണെ​ന്ന് രാം​കു​മാ​ർ പ​റ​ഞ്ഞു. ഒ​രാ​ഴ്ച ന​ന്നാ​യി ക​ളി​ക്കാ​നാ​യെ​ന്നും എ​തി​രാ​ളി​ക​ൾ സ്വ​ർ​ണം അ​ർ​ഹി​ച്ചി​രു​ന്നു​വെ​ന്നു​മാ​യി​രു​ന്നു മെ​യ്നേ​നി​യു​ടെ പ്ര​തി​ക​ര​ണം.