ഏഷ്യാ കപ്പിൽ പാകിസ്താൻ വീണു; ഇന്ത്യ-ലങ്ക ഫൈനൽ

കൊ​ളം​ബോ: ഏഷ്യാ കപ്പിൽ ആവേശം മുറ്റിയ മത്സരത്തിൽ പാകിസ്താനെ തോൽപിച്ച് ശ്രീലങ്ക ഫൈനലിൽ. ഞായാഴ്ച ഇന്ത്യയുമായാണ് ഫൈനൽ. ഡെ​ക്ക് വ​ർ​ത്ത്-​ലൂ​യി​സ് നി​യ​മ​പ്ര​കാ​രം (ഡി.എൽ.എസ്) പുനർനിർണയിച്ച 252 എന്ന വിജയലക്ഷ്യം ശ്രീലങ്ക അവസാന പന്തിൽ മറികടക്കുകയായിരുന്നു.

മഴ മൂലം 42 ഓവറായിരുന്നു മത്സരം. 91 റൺസെടുത്ത കുശൽ മെൻഡിസ്, അവസാന ഓവർ വരെ പൊരുതി വിജയതീരത്ത് അടുപ്പിച്ച ചരിത് അസലങ്ക (49 നോട്ടൗട്ട്) എന്നിവരാണ് ലങ്കൻ വിജയശിൽപികൾ. ആ​ദ്യം ബാ​റ്റ് ചെ​യ്ത് പാ​കി​സ്താ​ൻ നി​ശ്ചി​ത ഓ​വ​റി​ൽ ഏ​ഴ് വി​ക്ക​റ്റി​ന് 252 റ​ൺ​സെ​ടു​ത്തു. തു​ട​ർ​ന്ന് ഡെ​ക്ക് വ​ർ​ത്ത്-​ലൂ​യി​സ് നി​യ​മ​പ്ര​കാ​രം ആ​തി​ഥേ​യ​രു​ടെ ല​ക്ഷ്യം 252 ആ​ക്കി പു​ന​ർ നി​ശ്ച​യി​ക്കു​ക​യാ​യി​രു​ന്നു. 73 പ​ന്തി​ൽ 86 റ​ൺ​സെ​ടു​ത്ത് പു​റ​ത്താ​വാ​തെ​നി​ന്ന മു​ഹ​മ്മ​ദ് റി​സ് വാ​നാ​ണ് പാ​ക് ടോ​പ് സ്കോ​റ​ർ. ഓ​പ​ണ​ർ അ​ബ്ദു​ല്ല ഷ​ഫീ​ഖും (52) അ​ർ​ധ ശ​ത​കം നേ​ടി.

ടോ​സ് നേ​ടി​യ പാ​കി​സ്താ​ൻ ബാ​റ്റി​ങ് തെ​ര​ഞ്ഞെ​ടു​ത്തെ​ങ്കി​ലും അ​ത്ര ന​ല്ല​താ​യി​രു​ന്നി​ല്ല തു​ട​ക്കം. അ​ഞ്ചാം ഓ​വ​റി​ൽ ഓ​പ​ണ​ർ ഫ​ഖ​ർ സ​മാ​ൻ (4) പു​റ​ത്താ​വു​മ്പോ​ൾ സ്കോ​ർ ബോ​ർ​ഡി​ൽ ഒ​മ്പ​ത് റ​ൺ​സ് മാ​ത്രം. ഷ​ഫീ​ഖും ക്യാ​പ്റ്റ​ൻ ബാ​ബ​ർ അ​അ്സ​വും ചേ​ർ​ന്നാ​ണ് ടീ​മി​നെ ക​ര​ക​യ​റ്റി​യ​ത്. 29 റ​ൺ​സെ​ടു​ത്ത് ബാ​ബ​ർ മ​ട​ങ്ങി. അ​ർ​ധ ശ​ത​കം തി​ക​ച്ച​തി​ന് പി​ന്നാ​ലെ ഷ​ഫീ​ഖും തു​ട​ർ​ന്ന് മു​ഹ​മ്മ​ദ് ഹാ​രി​സും (3) മു​ഹ​മ്മ​ദ് ന​വാ​സും (12) മ​ട​ങ്ങി​യ​തോ​ടെ അ​ഞ്ചി​ന് 130ലേ​ക്ക് പ​ത​റി.