വൻ ലീഡുമായി ഇന്ത്യ; ല​ങ്കക്ക് 447 റ​ൺ​സ് വി​ജ​യ​ല​ക്ഷ്യം

ബം​ഗ​ളൂ​രു: ഇ​ന്ത്യ​യു​ടെ പു​തു​നാ​യ​ക​ൻ രോ​ഹി​ത് ശ​ർ​മ​ക്കും നൂ​റു ശ​ത​മാ​നം വി​ജ​യ​ത്തി​നു​മി​ട​യി​ൽ ഒ​മ്പ​തു വി​ക്ക​റ്റി​ന്റെ ദൂ​രം. ശ്രീ​ല​ങ്ക​ക്കു​മു​ന്നി​ൽ ജ​യി​ക്കാ​ൻ 447 റ​ൺ​സി​ന്റെ കൂ​റ്റ​ൻ ല​ക്ഷ്യ​മു​യ​ർ​ത്തി​യ ഇ​ന്ത്യ ര​ണ്ടാം ടെ​സ്റ്റി​ൽ വ്യ​ക്ത​മാ​യ മു​ൻ​തൂ​ക്കം ക​ര​സ്ഥ​മാ​ക്കി. ഒ​ന്നി​ന് 28 എ​ന്ന നി​ല​യി​ൽ ര​ണ്ടാം ക​ളി അ​വ​സാ​നി​പ്പി​ച്ച ല​ങ്ക​ക്ക് മൂ​ന്നു ദി​വ​സ​വും ഒ​മ്പ​ത് വി​ക്ക​റ്റും ശേ​ഷി​ക്കെ തോ​ൽ​വി ഒ​ഴി​വാ​ക്കാ​ൻ 418 റ​ൺ​സ് കൂ​ടി വേ​ണം.

ഇ​ന്ത്യ​യു​ടെ ആ​ദ്യ ഇ​ന്നി​ങ്സ് സ്കോ​റാ​യ 252നെ​തി​രെ ആ​റി​ന് 86 എ​ന്ന നി​ല​യി​ൽ ര​ണ്ടാം ദി​നം ക​ളി പു​ന​രാ​രം​ഭി​ച്ച ല​ങ്ക​യെ അ​ഞ്ചു വി​ക്ക​റ്റ് വീ​ഴ്ത്തി​യ പേ​സ​ർ ജ​സ്പ്രീ​ത് ബും​റ​യു​ടെ ക​രു​ത്തി​ൽ ഇ​ന്ത്യ 109 റ​ൺ​സി​ന് പു​റ​ത്താ​ക്കു​ക​യാ​യി​രു​ന്നു. 10 ഓ​വ​റി​ൽ 24 റ​ൺ​സി​ന് പി​ഴു​ത അ​ഞ്ചു വി​ക്ക​റ്റ് ബും​റ​യു​ടെ ഇ​ന്ത്യ​ൻ മ​ണ്ണി​ലെ ആ​ദ്യ അ​ഞ്ചു വി​ക്ക​റ്റ് നേ​ട്ട​മാ​യി​രു​ന്നു. മു​ഹ​മ്മ​ദ് ഷ​മി​യും ര​വി​ച​ന്ദ്ര​ൻ അ​ശ്വി​നും ര​ണ്ടു വി​ക്ക​റ്റ് വീ​ത​വും അ​ക്സ​ർ പ​ട്ടേ​ൽ ഒ​രു വി​ക്ക​റ്റും നേ​ടി. 43 റ​ൺ​സെ​ടു​ത്ത എ​യ്ഞ്ച​ലോ മാ​ത്യൂ​സ് ആ​യി​രു​ന്നു ല​ങ്ക​യു​ടെ ടോ​പ്സ്കോ​റ​ർ. ര​ണ്ടാം വ​ട്ടം ബാ​റ്റി​ങ് തു​ട​ങ്ങി​യ ഇ​ന്ത്യ ഒ​മ്പ​തി​ന് 303 റ​ൺ​സെ​ടു​ത്ത് ഡി​ക്ല​യ​ർ ചെ​യ്യു​ക​യാ​യി​രു​ന്നു.

അ​ർ​ധ സെ​ഞ്ച്വ​റി നേ​ടി​യ ശ്രേ​യ​സ് അ​യ്യ​രും (67) ഋ​ഷ​ഭ് പ​ന്തും (50) നാ​യ​ക​ൻ രോ​ഹി​ത് ശ​ർ​മ​യും (46) ഹ​നു​മ വി​ഹാ​രി​യും (35) ആ​ണ് ഇ​ന്ത്യ​ൻ നി​ര​യി​ൽ തി​ള​ങ്ങി​യ​ത്. വി​രാ​ട് കോ​ഹ്‍ലി (13) ഒ​രി​ക്ക​ൽ കൂ​ടി നി​രാ​ശ​പ്പെ​ടു​ത്തി.

അ​തി​വേ​ഗ അ​ർ​ധ സെ​ഞ്ച്വ​റി; പ​ന്തി​ന് റെ​ക്കോ​ഡ്

ബം​ഗ​ളൂ​രു: ടെ​സ്റ്റി​ലെ ഇ​ന്ത്യ​ക്കാ​ര​ന്റെ അ​തി​വേ​ഗ അ​ർ​ധ സെ​ഞ്ച്വ​റി ഇ​നി ഋ​ഷ​ഭ് പ​ന്തി​ന്റെ പേ​രി​ൽ. 28 പ​ന്തി​ൽ 50 തി​ക​ച്ച പ​ന്ത് 40 വ​ർ​ഷം മു​മ്പ് ക​പി​ൽ ദേ​വ് കു​റി​ച്ച 30 പ​ന്തി​ലെ റെ​ക്കോ​ഡാ​ണ് മ​റി​ക​ട​ന്ന​ത്.1982​ൽ പാ​കി​സ്താ​നെ​തി​രെ​യാ​യി​രു​ന്നു ക​പി​ലി​ന്റെ റെ​ക്കോ​ഡ്.