പതിവുപോലെ തോറ്റ് തുടങ്ങി മുംബൈ; കാ​പി​റ്റ​ൽ​സി​ന് നാ​ല് വി​ക്ക​റ്റ് ജ​യം

മും​ബൈ: ഐ.​പി.​എ​ല്ലി​ൽ ആ​ദ്യ ക​ളി​യി​ൽ ​തോ​ൽ​ക്കു​ന്ന 10 വ​ർ​ഷ​മാ​യു​ള്ള പ​തി​വ് മും​ബൈ ഇ​ന്ത്യ​ൻ​സ് തെ​റ്റി​ച്ചി​ല്ല. അ​തി​ന് ഡ​ൽ​ഹി കാ​പി​റ്റ​ൽ​സ് അ​നു​വ​ദി​ച്ചി​ല്ല എ​ന്ന് പ​റ​യു​ന്ന​താ​വും ശ​രി. കൈ​വി​ട്ടെ​ന്ന് തോ​ന്നി​ച്ച ക​ളി​യി​ൽ അ​വ​സാ​ന​ഘ​ട്ട​ത്തി​ൽ ആ​ഞ്ഞ​ടി​ച്ച ല​ളി​ത് യാ​ദ​വും (38 പ​ന്തി​ൽ 48 നോ​ട്ടൗ​ട്ട്) അ​ക്സ​ർ പ​ട്ടേ​ലും (17 പ​ന്തി​ൽ 38 നോ​ട്ടൗ​ട്ട്) ചേ​ർ​ന്നാ​ണ് ഡ​ൽ​ഹി​ക്ക് അ​വി​ശ്വ​സ​നീ​യ ജ​യം ​സ​മ്മാ​നി​ച്ച​ത്.

നാ​ല് വി​ക്ക​റ്റി​നാ​യി​രു​ന്നു ഡ​ൽ​ഹി​യു​ടെ വി​ജ​യം. ആ​ദ്യം ബാ​റ്റു​ചെ​യ്ത മും​ബൈ അ​ഞ്ചി​ന് 177 റ​ൺ​സെ​ടു​ത്ത​പ്പോ​ൾ 10 പ​ന്ത് ബാ​ക്കി​യി​രി​ക്കെ ആ​റ് വി​ക്ക​റ്റ് ന​ഷ്ട​ത്തി​ലാ​ണ് ഡ​ൽ​ഹി ജ​യ​ത്തി​ലെ​ത്തി​യ​ത്. 13.2 ഓ​വ​റി​ൽ ആ​റി​ന് 104 എ​ന്ന നി​ല​യി​ൽ പ​രാ​ജ​യ​ത്തി​ലേ​ക്ക് നീ​ങ്ങു​ക​യാ​യി​രു​ന്ന ഡ​ൽ​ഹി​യെ ല​ളി​തി​ന്റെ​യും അ​ക്സ​റി​ന്റെ​യും ബാ​റ്റി​ങ് ജ​യ​ത്തി​ലെ​ത്തി​ക്കു​ക​യാ​യി​രു​ന്നു. 30 പ​ന്തി​ൽ ജ​യി​ക്കാ​ൻ വേ​ണ്ടി 56 റ​ൺ​സ് ല​ളി​ത് യാ​ദ​വും അ​ക്സ​ർ പ​ട്ടേ​ലും ചേ​ർ​ന്ന് 20 പ​ന്തി​ൽ അ​ടി​ച്ചെ​ടു​ത്തു.

24 പ​ന്തി​ൽ 41 റ​ൺ​സ് വേ​ണ്ടി​യി​രി​ക്കെ നാ​ലാം ഓ​വ​ർ എ​റി​യാ​നെ​ത്തി​യ മ​ല​യാ​ളി പേ​സ​ർ ബേ​സി​ൽ ത​മ്പി​യു​ടെ ആ​ദ്യ പ​ന്തി​ൽ അ​ക്സ​റി​നെ ലോ​ങ്ഓ​ണി​ൽ ടിം ​ഡേ​വി​ഡ് അ​വി​ശ്വ​സ​നീ​യ​മാ​യി കൈ​വി​ട്ട​ത് മും​ബൈ​ക്ക് തി​രി​ച്ച​ടി​യാ​യി. മൂ​ന്നു ഓ​വ​റി​ൽ 22 റ​ൺ​സ് മാ​ത്രം വ​ഴ​ങ്ങി മൂ​ന്ന് വി​ക്ക​റ്റ് വീ​ഴ്ത്തി​യി​രു​ന്ന ത​മ്പി​ക്ക് നാ​ലാം വി​ക്ക​റ്റ് നേ​ടാ​നു​ള്ള അ​വ​സ​ര​വും അ​തോ​ടെ ന​ഷ്ട​മാ​യി. ശേ​ഷി​ച്ച അ​ഞ്ച് പ​ന്തി​ൽ ത​മ്പി 13 റ​ൺ​സ് വ​ഴ​ങ്ങി​യ​തി​നു​പി​ന്നാ​ലെ ജ​സ്പ്രീ​ത് ബും​റ​യും ഡാ​നി​യ​ൽ സാം​സും അ​ടി വാ​ങ്ങി​യ​പ്പോ​ൾ ഡ​ൽ​ഹി അ​തി​വേ​ഗം ജ​യ​ത്തി​ലെ​ത്തി. സാം​സ് എ​റി​ഞ്ഞ 18ാം ഓ​വ​റി​ൽ ല​ളി​തും അ​ക്സ​റും ചേ​ർ​ന്ന് 24 റ​ൺ​സെ​ടു​ത്തു. പൃ​ഥ്വി ഷാ (24 ​പ​ന്തി​ൽ 34) ഡ​ൽ​ഹി നി​ര​യി​ൽ തി​ള​ങ്ങി​യ മ​റ്റൊ​രു ബാ​റ്റ​ർ. ത​മ്പി 35 റ​ൺ​സി​ന് മൂ​ന്നു വി​ക്ക​റ്റ് വീ​ഴ്ത്തി​യ​പ്പോ​ൾ സ്പി​ന്ന​ർ മു​രു​ക​ൻ അ​ശ്വി​ൻ 14 റ​ൺ​സി​ന് ര​ണ്ടു​പേ​രെ പു​റ​ത്താ​ക്കി.

നേ​ര​ത്തേ, 48 പ​ന്തി​ൽ 81 റ​ൺ​സു​മാ​യി പു​റ​ത്താ​വാ​തെ​നി​ന്ന ഇ​ഷാ​ൻ കി​ഷ​ന്റെ ബാ​റ്റി​ങ്ങാ​ണ് മും​ബൈ​ക്ക് മി​ക​ച്ച സ്കോ​ർ ന​ൽ​കി​യ​ത്. നാ​യ​ക​ൻ രോ​ഹി​ത് ശ​ർ​മ 32 പ​ന്തി​ൽ 41 റ​ൺ​സെ​ടു​ത്തു. തി​ല​ക് വ​ർ​മ (22), ടിം ​ഡേ​വി​ഡ് (12), അ​ൻ​മോ​ൽ​​പ്രീ​ത് സി​ങ് (8), കീ​റ​ൺ പൊ​ള്ളാ​ർ​ഡ് (3) എ​ന്നി​ങ്ങ​നെ​യാ​ണ് മ​റ്റു​ള്ള​വ​രു​ടെ സ്കോ​ർ.

18 റ​ൺ​സ് മാ​ത്രം വ​ഴ​ങ്ങി മൂ​ന്നു വി​ക്ക​റ്റ് വീ​ഴ്ത്തി​യ ചൈ​ന​മാ​ൻ ബൗ​ള​ർ കു​ൽ​ദീ​പ് യാ​ദ​വ് ആ​ണ് ഡ​ൽ​ഹി നി​ര​യി​ൽ തി​ള​ങ്ങി​യ​ത്. ഖ​ലീ​ൽ അ​ഹ്മ​ദ് ര​ണ്ട് വി​ക്ക​റ്റെ​ടു​ത്തു. പ​രി​ക്കും ടീ​മി​നൊ​പ്പം ചേ​രാ​ത്ത​തും കാ​ര​ണം ര​ണ്ടു വി​ദേ​ശ താ​ര​ങ്ങ​ളെ മാ​ത്രം (ടീം ​സൈ​ഫ​ർ​ട്ടും റോ​വ്മാ​ൻ പ​വ​ലും) ഉ​ൾ​പ്പെ​ടു​ത്തി​യാ​ണ് ഡ​ൽ​ഹി ഇ​റ​ങ്ങി​യ​ത്.