'അതേക്കുറിച്ച്​ അറിയില്ല'; വസീം ജാഫറിനെതിരായ വർഗീയ പ്രചാരണത്തിൽ രഹാനെ

ഇന്ത്യന്‍ ക്രിക്കറ്റ് ടീം മുന്‍ ഓപണറായിരുന്ന വസീം ജാഫർ ഉത്തരാഖണ്ഡ് ക്രിക്കറ്റ്​ പരിശീലക സ്ഥാനം രാജിവെച്ചതിന്​ പിന്നാലെ നേരിട്ട വര്‍ഗ്ഗീയ പ്രചരണങ്ങളുമായി ബന്ധപ്പെട്ട്​ അഭിപ്രായം വ്യക്​തമാക്കി​​ ഇന്ത്യയുടെ ഉപനായകൻ അജിൻക്യ രഹാനെ. ജാഫറിനൊപ്പം ഒരുപാട്​ ഇന്നിങ്​സുകൾ കളിച്ച രഹാനെ വിഷയത്തിൽ തനിക്ക് യാതൊരു അറിവുമി​ല്ലെന്നാണ്​ പറഞ്ഞത്​​. മാധ്യമങ്ങളോടായിരുന്നു രഹാനെയുടെ പ്രതികരണം.

'ഈ പ്രശ്നത്തെക്കുറിച്ച് എനിക്ക് യാതൊരു ധാരണയുമില്ല. എന്താണ് സംഭവിച്ചതെന്നും അറിയില്ല, അതുകൊണ്ട്​ അതുമായി ബന്ധപ്പെട്ട് ഞാൻ​ അഭിപ്രായം പറയണമെന്ന്​ എനിക്ക്​ തോന്നുന്നില്ല​.', -രഹാനെ പറഞ്ഞു. ഇംഗ്ലണ്ടിനെതിരായ രണ്ടാം ടെസ്റ്റിന്​ മുന്നോടിയായി വിഡിയോ കോൺഫറൻസിലൂടെ മാധ്യമങ്ങളോട്​ പ്രതികരിക്കുകയായിരുന്നു അദ്ദേഹം. ആഭ്യന്തര ക്രിക്കറ്റിൽ മുംബൈക്ക്​ വേണ്ടി രഹാനെയും ജാഫറും ഡ്രസ്സിങ്​ റൂം പങ്കിട്ടിട്ടുണ്ട്​.

അ​ന​ർ​ഹ​രെ തി​രു​കി​ക്ക​യ​റ്റാ​ൻ ഉ​ത്ത​രാ​ഖ​ണ്ഡ്​ ക്രി​ക്ക​റ്റ്​ അ​സോ​സി​യേ​ഷ​ൻ സ​മ്മ​ർ​ദം ചെ​ലു​ത്തി​യ​തി​നാ​ലാ​ണ്​​​ രാ​ജി​യെ​ന്ന്​ വ​സീം ജാ​ഫ​ർ വി​ശ​ദീ​ക​രി​ച്ചി​രു​ന്നു. എ​ന്നാ​ൽ, വ​സീം ജാ​ഫ​ർ ഡ്ര​സ്സി​ങ്​ റൂ​മി​നെ വ​ർ​ഗീ​യ​വ​ത്​​ക​രി​ക്കു​ക​യും മു​സ്​​ലിം താ​ര​ങ്ങ​ൾ​ക്ക്​ മു​ൻ​ഗ​ണ​ന ന​ൽ​കു​ക​യും ചെ​യ്​​തു​വെ​ന്ന്​​ ​അ​സോ​സി​യേ​ഷ​ൻ സെ​ക്ര​ട്ട​റി മാ​ഹിം വ​ർ​മ പ​റ​ഞ്ഞ​താ​ണ്​ പു​തി​യ വി​വാ​ദ​ങ്ങ​ള​ി​ലേ​ക്കെ​ത്തി​ച്ച​ത്. എന്നാൽ, മുൻ ഇന്ത്യൻ താരങ്ങളായ അനിൽ കുംബ്ലെ, ഇർഫാൻ പത്താൻ തുടങ്ങിയവർ ജാഫറിന്​ പിന്തുണയുമായി എത്തിയിരുന്നു.