നാലു പേർകൂടി അന്താരാഷ്ട്ര ബഹിരാകാശ നിലയത്തിലേക്ക് പുറപ്പെട്ടു

ന്യൂ​യോ​ർ​ക്: സ്​​പേ​സ് എ​ക്സി​ന്റെ ഡ്രാ​ഗ​ൺ ബ​ഹി​രാ​കാ​ശ പേ​ട​ക​ത്തി​ൽ നാ​ലു പേ​ർ​കൂ​ടി അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ലേ​ക്ക് പു​റ​പ്പെ​ട്ടു. യു.​എ​സ് പൗ​രി ജാ​സ്മി​ൻ മൊ​ഗ്ബെ​ലി, ഡെ​ന്മാ​ർ​ക് പൗ​ര​ൻ ആ​ൻ​ഡ്രി​യാ​സ് മോ​ഗെ​ൻ​സെ​ൻ, ജ​പ്പാ​നി​ൽ​നി​ന്നു​ള്ള സ​തോ​ഷി ഫു​രു​കാ​വ, റ​ഷ്യ​യി​ൽ​നി​ന്നു​ള്ള കോ​ൺ​സ്റ്റാ​ന്റി​ൻ ബോ​റി​സോ​വ് എ​ന്നി​വ​രാ​ണ് പുറപ്പെട്ടത്.

ഫാൽക്കൺ9 റോക്കറ്റിലേറിയാണ്​ സ്​പേസ്​ എക്സ്​ പേടകം പറന്നുയർന്നത്. ഏതാണ്ട്​ 30 മണിക്കൂർ ആണ്​ യാത്രാ സമയം. ശ​നി​യാ​ഴ്ച പു​ല​ർ​ച്ച റോക്കറ്റ് വി​ക്ഷേ​പ​ണം കാ​ണാ​ൻ ഫ്ലോ​റി​ഡ​യി​ലെ ​നാ​സ​യു​ടെ കെ​ന്ന​ഡി സ്​​പേ​സ് സെ​ന്റ​റി​ൽ 10,000ത്തോ​ളം പേ​ർ ഒ​ത്തു​കൂ​ടി​യി​രു​ന്നു. ആറുമാസം സംഘം ബഹിരാകാശത്ത് പരീക്ഷണ, ഗവേഷണങ്ങളിൽ ഏർപ്പെടും. അന്താരാഷ്ട്ര ബഹിരാകാശ നിലയത്തിന്‍റെ അറ്റകുറ്റപ്പണികളും സംഘം ഏറ്റെടുക്കും.

ന​മ്മു​ടെ മ​നോ​ഹ​ര​മാ​യ ഗ്ര​ഹ​ത്തി​ലേ​ക്ക് തി​രി​ഞ്ഞു​നോ​ക്കു​ന്ന​താ​ണ് ത​ന്നെ ആ​വേ​ശ​ഭ​രി​ത​യാ​ക്കു​ന്ന​തെ​ന്ന് 40കാ​രി​യാ​യ ജാ​സ്മി​ൻ മൊ​ഗ്ബെ​ലി പ്ര​തി​ക​രി​ച്ചു. യു.എ.ഇ പൗരൻ സുൽത്താൻ അൽ നിയാദി, നാസയുടെ മിഷൻ കമാൻഡർ സ്റ്റീഫൻ ബോവൻ, പൈലറ്റ് വാറൻ ഹോബർഗ്, റഷ്യൻ ബഹിരാകാശ യാത്രികൻ ആൻഡ്രേ ഫെഡ് യാവേവ് എന്നിവർ സെപ്റ്റംബർ ഒന്നിന് ബഹിരാകാശ നിലയത്തിൽനിന്ന് ഭൂ​മി​യി​ലേ​ക്ക് തി​രി​ക്കും.

മാർച്ച്​ മൂന്നിനാണ്​ അറബ് ലോകത്ത് നിന്നുള്ള ആദ്യ ദീർഘകാല ബഹിരാകാശ സഞ്ചാരിയായ സുൽത്താൻ അൽ നിയാദി ഉൾപ്പെടുന്ന സംഘം ബഹിരാകാശ നിലയത്തിൽ എത്തിയത്​.