'റാ​ശി​ദ്​' കു​തി​ച്ചു; അ​റ​ബ്​ ലോ​ക​ത്തെ ആ​ദ്യ ചന്ദ്ര ദൗ​ത്യം

ദു​​ബൈ: അ​റ​ബ്​ ലോ​ക​ത്തി​ന്‍റെ പ്ര​തീ​ക്ഷ​ക​ളും പേ​റി യു.​എ.​ഇ​യു​ടെ ച​ന്ദ്ര​ദൗ​ത്യം 'റാ​ശി​ദ്​' റോ​വ​ർ കു​തി​പ്പ്​ തു​ട​ങ്ങി. അ​റ​ബ്​ ലോ​ക​ത്തെ ആ​ദ്യ ചന്ദ്ര​ദൗ​ത്യ​മാ​യ 'റാ​ശി​ദ്​' ഞാ​യ​റാ​ഴ്ച രാ​വി​ലെ 11.38ന്​ ​യു.​​എ​​സി​​ലെ േഫ്ലാ​​റി​​ഡ​​യി​​ലെ കെ​​ന്ന​​ഡി സ്​​​പേ​​സ്​ സെ​​ന്‍റ​​റി​​ൽ​​നി​​ന്നാ​ണ്​ വി​ക്ഷേ​പി​ച്ച​ത്. ​ദു​ബൈ​​യി​​ലെ മു​​ഹ​​മ്മ​​ദ്​ ബി​​ൻ റാ​​ശി​​ദ്​ സ്​​​പേ​​സ്​ സെ​​ന്‍റ​​റി​​ലെ എ​​ൻ​​ജി​​നീ​​യ​​ർ​​മാ​ർ നി​ർ​മി​ച്ച പേ​ട​കം 2023 ഏ​പ്രി​ലോ​ടെ വി​ജ​യ​ക​ര​മാ​യി ച​ന്ദ്ര​നി​ൽ എ​ത്തു​മെ​ന്നാ​ണ്​ പ്ര​തീ​ക്ഷ.

ചൊ​വ്വ ദൗ​ത്യം വി​ജ​യ​ക​ര​മാ​യി ന​ട​പ്പാ​ക്കി​യ​തി​നു​ പി​ന്നാ​ലെ​യാ​ണ്​ ച​രി​ത്ര​മെ​ഴു​തി റാ​ശി​ദി​ന്‍റെ കു​തി​പ്പ്. വി​ക്ഷേ​പ​ണ​ത്തി​ന്‍റെ ത​ത്സ​മ​യ വി​വ​ര​ങ്ങ​ൾ അ​റി​യാ​ൻ യു.​എ.​ഇ വൈ​സ്​​പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​​ ആ​ൽ മ​ക്​​തൂം, ദു​ബൈ കി​രീ​ടാ​വ​കാ​ശി​യും എ​ക്സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം, ദു​ബൈ ഉ​പ​ഭ​ര​ണാ​ധി​കാ​രി​യും യു.​എ.​ഇ ധ​ന​കാ​ര്യ മ​ന്ത്രി​യു​മാ​യ ശൈ​ഖ്​ മ​ക്​​തൂം ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ന്നി​വ​ർ ദു​ബൈ​യി​ലെ മു​​ഹ​​മ്മ​​ദ്​ ബി​​ൻ റാ​​ശി​​ദ്​ സ്​​​പേ​​സ്​ സെൻറ​​റി​ൽ എ​ത്തി​യി​രു​ന്നു.

ക​ഴി​ഞ്ഞ മാ​സം വി​ക്ഷേ​പി​ക്കാ​നാ​ണ്​ തീ​രു​മാ​നി​ച്ചി​രു​ന്ന​തെ​ങ്കി​ലും കാ​ലാ​വ​സ്ഥ പ്ര​ശ്നം മൂ​ലം പ​ല​ത​വ​ണ മാ​റ്റി​വെ​ച്ചി​രു​ന്നു. ഐ ​​സ്പേ​​സ്​ നി​​ർ​​മി​​ച്ച​ 'ഹ​​കു​​ട്ടോ-​​ആ​​ർ മി​​ഷ​​ൻ-1' എ​​ന്ന ജാ​​പ്പ​​നീ​​സ് ലാ​​ൻ​​ഡ​​റി​​ലാ​​ണ്​ 'റാ​​ശി​ദി'​ന്‍റെ കു​തി​പ്പ്. സ്​​പേ​സ്​ എ​ക്സ്​ ഫാ​ൽ​ക്ക​ൺ -9 റോ​ക്ക​റ്റാ​ണ്​ 'റാ​ശി​ദി​'​നെ വ​ഹി​ക്കു​ന്ന​ത്. കു​തി​പ്പ്​ തു​ട​ങ്ങി എ​ട്ടു​ മി​നി​റ്റി​ന​കം ലാ​ൻ​ഡ​റു​മാ​യി വേ​ർ​പെ​ട്ട ഫാ​ൽ​ക്ക​ൺ -9 ബൂ​സ്റ്റ​ർ സു​ര​ക്ഷി​ത​മാ​യി തി​രി​ച്ചെ​ത്തി. ഇ​തു​ വീ​ണ്ടും ഉ​പ​യോ​ഗി​ക്കാ​വു​ന്ന​താ​ണ്. അ​ഞ്ചു​ മാ​സം​കൊ​ണ്ട്​ 3,85,000 കി​ലോ​മീ​റ്റ​റാ​ണ്​ റാ​ശി​ദ്​ സ​ഞ്ച​രി​ക്കേ​ണ്ട​ത്. ച​ന്ദ്ര​ന്‍റെ വ​ട​ക്കു​കി​ഴ​ക്ക​ൻ ഭാ​ഗം പ​ര്യ​വേ​ക്ഷ​ണം ന​ട​ത്താ​നാ​ണ്​ റോ​വ​ർ ല​ക്ഷ്യ​മി​ടു​ന്ന​ത്. ച​ന്ദ്ര​ന്‍റെ മ​ണ്ണ്, ഭൂ​മി​ശാ​സ്ത്രം, പൊ​ടി​പ​ട​ലം, ഫോ​ട്ടോ ഇ​ല​ക്ട്രോ​ൺ ക​വ​ചം, ച​ന്ദ്ര​നി​ലെ ദി​വ​സം എ​ന്നി​വ ദൗ​ത്യ​ത്തി​ലൂ​ടെ പ​ഠ​ന വി​ധേ​യ​മാ​ക്കും. ദു​ബൈ മു​ൻ ഭ​ര​ണാ​ധി​കാ​രി ശൈ​ഖ്​ റാ​ശി​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മി​ന്‍റെ പേ​രാ​ണ്​ പേ​ട​ക​ത്തി​നി​ട്ടി​രി​ക്കു​ന്ന​ത്.

ദൗ​ത്യം വി​ജ​യ​മാ​യാ​ൽ യു.​എ​സി​നും സോ​വി​യ​റ്റ്​ യൂ​നി​യ​നും ചൈ​ന​ക്കും ശേ​ഷം ച​ന്ദ്ര​നി​ൽ സു​ര​ക്ഷി​ത​മാ​യി ​പേ​ട​കം ഇ​റ​ക്കു​ക​യും ദൗ​ത്യം പൂ​ർ​ത്തി​യാ​ക്കു​ക​യും ചെ​യ്യു​ന്ന നാ​ലാ​മ​ത്തെ രാ​ജ്യ​മെ​ന്ന നേ​ട്ടം യു.​എ.​ഇ​ക്ക്​ സ്വ​ന്ത​മാ​കും. ഇ​ന്ത്യ​യു​ടെ ചാ​ന്ദ്ര​യാ​ൻ വി​ക്ഷേ​പ​ണം വി​ജ​യ​ക​ര​മാ​യി​രു​ന്നെ​ങ്കി​ലും വി​ക്രം ലാ​ൻ​ഡ​ർ ച​​ന്ദ്ര​നി​ൽ ഇ​ടി​ച്ചി​റ​ക്കി​യ​തു​മൂ​ലം ച​ന്ദ്രോ​പ​രി​ത​ല​ത്തി​ൽ സ​ഞ്ച​രി​ച്ചു​ള്ള റോ​വ​റി​ന്‍റെ പ​ര്യ​വേ​ക്ഷ​ണം സാ​ധ്യ​മാ​യി​രു​ന്നി​ല്ല.