ഉ​റ​പ്പ് ന​ഷ്ട​പ്പെ​ട്ട വ​​ജ്രം: സു​പ്രീം​കോ​ട​തി 75 ലേ​ക്ക്

പ്ര​യാ​സ​മേ​റി​യ കൂ​ടി​യാ​ലോ​ച​ന​ക​ൾ ജു​ഡീ​ഷ്യ​റി തു​ട​ങ്ങേ​ണ്ടി​യി​രി​ക്കു​ന്നു എ​ന്ന് ഇ​ന്ത്യ​യു​ടെ ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് തു​റ​ന്നു​പ​റ​ഞ്ഞി​രി​ക്കു​ന്നു. 1950 ജ​നു​വ​രി 28ന് ​സ്ഥാ​പി​ക്ക​പ്പെ​ട്ട സു​പ്രീം​കോ​ട​തി​യു​ടെ വ​ജ്ര​ജൂ​ബി​ലി വ​ർ​ഷ​ത്തി​ന് ആ​​രം​ഭം കു​റി​ച്ചു​കൊ​ണ്ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ജു​ഡീ​ഷ്യ​റി​യെ ബാ​ധി​ച്ച ദോ​ഷ​ങ്ങ​ൾ​ക്ക് നി​വാ​ര​ണം ക​ണ്ടെ​ത്ത​ണ​മെ​ന്ന് അ​ദ്ദേ​ഹം പ​റ​ഞ്ഞു. ആ ​ദോ​ഷ​ങ്ങ​ളു​ടെ ചി​ല ഉ​ദാ​ഹ​ര​ണ​ങ്ങ​ൾ അ​ദ്ദേ​ഹം നി​ര​ത്തി​യ​തി​ൽ, കേ​സു​ക​ൾ കെ​ട്ടി​ക്കി​ട​ക്കു​ന്ന​ത്, നീ​ട്ടി​വെ​ക്ക​ൽ പ​തി​വാ​യി​പ്പോ​യ​ത്, നീ​ണ്ട അ​വ​ധി​ക​ൾ, ന​ട​പ​ടി​ക്ര​മ​ങ്ങ​ളി​ലെ സ​ങ്കീ​ർ​ണ​ത​ക​ൾ, വി​വി​ധ വി​ഭാ​ഗ​ങ്ങ​ൾ​ക്ക് പ്രാ​തി​നി​ധ്യ​മി​ല്ലാ​ത്ത​ത്, ഘ​ട​നാ​പ​ര​മാ​യ മ​റ്റ് പോ​രാ​യ്മ​ക​ൾ തു​ട​ങ്ങി​യ​വ ഉ​ൾ​പ്പെ​ടും.

എ​ന്നാ​ൽ, ജു​ഡീ​ഷ്യ​റി​യെ ബാ​ധി​ച്ച കാ​ത​ലാ​യ രോ​ഗ​ത്തെ​പ്പ​റ്റി അ​ദ്ദേ​ഹം പ​രാ​മ​ർ​ശി​ച്ചു​ക​ണ്ടി​ല്ല. അ​തു​കൊ​ണ്ടു​ത​ന്നെ, താ​ൻ പ​റ​ഞ്ഞ കാ​ര്യ​ങ്ങ​ൾ ശ​രി​യാ​ക്കി​യാ​ൽ ജു​ഡീ​ഷ്യ​റി​ക്ക് ന​ഷ്‍ട​പ്പെ​ട്ടു​കൊ​ണ്ടി​രി​ക്കു​ന്ന പ്ര​സ​ക്തി വീ​​​​ണ്ടെ​ടു​ക്കാ​നാ​കു​മെ​ന്ന ചീ​ഫ് ജ​സ്റ്റി​സി​ന്റെ പ്ര​തീ​ക്ഷ അ​സ്ഥാ​ന​ത്താ​ണെ​ന്ന് ക​രു​തു​ന്ന​വ​ർ കു​റേ​യു​ണ്ട്. യ​ഥാ​ർ​ഥ രോ​ഗ​നി​ർ​ണ​യ​വും ഉ​ശി​രു​ള്ള പ​രി​ഹാ​ര​ശ്ര​മ​ങ്ങ​ളു​മാ​ണ് വേ​​ണ്ട​തെ​ന്നും ഭാ​ഗി​ക​മാ​യ തി​രു​ത്ത​ലു​ക​ൾ കൊ​ണ്ട് മാ​ത്രം വി​ശ്വാ​സ്യ​ത വീ​ണ്ടെ​ടു​ക്കാ​നാ​കി​ല്ലെ​ന്നും ആ ​വി​മ​ർ​ശ​ക​ർ ചൂ​ണ്ടി​ക്കാ​ട്ടു​ന്നു. സു​പ്രീം​കോ​ട​തി വ​ജ്ര​ജൂ​ബി​ലി​യോ​ട​ടു​ക്കു​ന്ന ഈ ​വേ​ള​യി​ൽ ഇ​ന്ത്യ​ൻ ജു​ഡീ​ഷ്യ​റി അ​തി​ന്റെ ച​രി​ത്ര​ത്തി​ലെ ഏ​റ്റ​വും ദു​ർ​ബ​ല​മാ​യ അ​വ​സ്ഥ​യി​ലാ​ണെ​ന്ന് മു​തി​ർ​ന്ന അ​ഭി​ഭാ​ഷ​ക​ൻ ദു​ഷ്യ​ന്ത് ദ​വെ ഒ​രു അ​ഭി​മു​ഖ​ത്തി​ൽ ഈ​യി​ടെ അ​ഭി​പ്രാ​യ​പ്പെ​ട്ടു. ജു​ഡീ​ഷ്യ​റി അ​തി​ന്റെ ക​ട​മ നി​റ​വേ​റ്റു​ന്ന​തി​ൽ പ​രാ​ജ​യ​പ്പെ​ടു​ന്നു​വെ​ന്നും ജു​ഡീ​ഷ്യ​റി​യി​ൽ സാ​ധാ​ര​ണ​ക്കാ​ര​നു​ണ്ടാ​യി​രു​ന്ന വി​ശ്വാ​സം ഗ​ണ്യ​മാ​യി കു​റ​ഞ്ഞു​വെ​ന്നും സു​പ്രീം​കോ​ട​തി​യി​ലെ സി​റ്റി​ങ് ജ​ഡ്ജി അ​ഭ​യ് ഓ​ക്ക് ഈ​യി​ടെ ഒ​രു സെ​മി​നാ​റി​ൽ തു​റ​ന്ന​ടി​ച്ച​തും രാ​ജ്യം കേ​ട്ടു. കോ​മ​ൺ​വെ​ൽ​ത്ത് രാ​ജ്യ​ങ്ങ​ളി​ലെ ഉ​ന്ന​ത നി​യ​മ​കാ​ര്യ ക​ർ​ത്താ​ക്ക​ളു​ടെ യോ​ഗ​ത്തി​ൽ ചീ​ഫ് ജ​സ്റ്റി​സ് ച​ന്ദ്ര​ചൂ​ഡ് പ​റ​ഞ്ഞ​തും ജു​ഡീ​ഷ്യ​റി​യി​ൽ പ​രി​ഷ്‍ക​ര​ണ​ങ്ങ​ൾ വേ​ണ​മെ​ന്നു​ത​ന്നെ.

പ​ക്ഷേ, ആ​രാ​ണ് അ​ത് ചെ​യ്യേ​ണ്ട​ത്? ജു​ഡീ​ഷ്യ​റി​യു​ടെ വി​ശ്വാ​സ്യ​ത​ക്ക് എ​വി​ടെ​യെ​ല്ലാ​മാ​ണ് ക്ഷ​ത​മേ​റ്റി​ട്ടു​ള്ള​ത്? രാ​ജ്യ​ത്തെ സെ​ക്യു​ല​റി​സ​ത്തെ നി​ര​ർ​ഥ​ക​മാ​ക്കു​മാ​റ് ജു​ഡീ​ഷ്യ​റി ഭൂ​രി​പ​ക്ഷ​വാ​ദം ഏ​റ്റെ​ടു​ക്കു​ന്ന​വ​രാ​യി (majoritarian judiciary) എ​ന്ന് ദ​വെ തു​റ​ന്ന​ടി​ക്കു​ന്ന​ത് വ​ർ​ത്ത​മാ​ന​കാ​ല സം​ഭ​വ​ങ്ങ​ളു​ടെ ബ​ല​ത്തി​ലാ​ണ്. സ​ർ​ക്കാ​റു​മാ​യി ഏ​റ്റു​മു​ട്ടേ​ണ്ടി​വ​രു​ന്ന കേ​സു​ക​ളി​ൽ സ​ർ​ക്കാ​റി​ന്റെ നി​യ​മ​വി​രു​ദ്ധ ശാ​ഠ്യ​ങ്ങ​ൾ​ക്കു​പോ​ലും കോ​ട​തി​ക​ൾ വ​ഴ​ങ്ങു​ന്ന അ​വ​സ്ഥ​യു​ണ്ട്. 370ാം വ​കു​പ്പ് എ​ടു​ത്തു​ക​ള​ഞ്ഞ​തി​ലും ഇ​ല​ക്ട​റ​ൽ ബോ​ണ്ട് കേ​സി​ലും (ഇ​തി​ൽ ഇ​പ്പോ​ഴും തീ​ർ​പ്പു​വ​ന്നി​ട്ടി​ല്ല) ചി​ല കേ​സു​ക​ൾ ബെ​ഞ്ച് മാ​റ്റി​ക്കൊ​ടു​ക്കു​ന്ന​തി​ലും ജ​ഡ്ജി നി​യ​മ​ന​ങ്ങ​ളി​ലു​മ​ട​ക്കം അ​നേ​കം കാ​ര്യ​ങ്ങ​ളി​ൽ നീ​തി​ന്യാ​യ​ത്തി​ന്റെ​യും നി​യ​മ​ത്തി​ന്റെ​യും അ​ലം​ഘ​നീ​യ​ത ഉ​റ​പ്പു​വ​രു​ത്തു​ന്ന​തി​ൽ സു​പ്രീം​കോ​ട​തി അ​ട​ക്കം പ​രാ​ജ​യ​പ്പെ​ടു​ന്നു. നി​യ​മം കാ​റ്റി​ൽ​പ​റ​ത്തി ബു​ൾ​ഡോ​സ​ർ വാ​ഴു​മ്പോ​ൾ ഒ​ന്നു​മ​റി​യാ​ത്ത​പോ​ലെ ഇ​രി​ക്കു​ന്ന ജു​ഡീ​ഷ്യ​റി, ഉ​ന്ന​ത ഉ​ദ്യോ​ഗ​സ്ഥ​ന് വീ​ണ്ടും വീ​ണ്ടും നി​യ​മ​വി​രു​ദ്ധ​മാ​യി നി​യ​മ​ന കാ​ലാ​വ​ധി നീ​ട്ടി​ക്കൊ​ടു​ക്കു​ന്നു. നി​യ​മ​വാ​ഴ്ച​യും നീ​തി​നി​ർ​വ​ഹ​ണ​വും ത​ക​രു​മ്പോ​ൾ സാ​ധാ​ര​ണ പൗ​ര​ന്മാ​രാ​ണ് ഇ​ര​യാ​കു​ന്ന​ത് - ദ​വെ ചൂ​ണ്ടി​ക്കാ​ട്ടു​ന്നു.

സു​പ്രീം​കോ​ട​തി സ്വ​ന്തം തീ​ർ​പ്പു​ക​ൾ​പോ​ലും ലം​ഘി​ക്കു​ന്ന​തി​ന്റെ ചി​ല ഉ​ദാ​ഹ​ര​ണ​ങ്ങ​ൾ സ​ഞ്ജ​യ് ഹെ​ഗ്ഡെ ചൂ​ണ്ടി​ക്കാ​ട്ടു​ന്നു​ണ്ട്. ഡ​ൽ​ഹി​യി​ൽ കെ​ജ്രി​വാ​ൾ സ​ർ​ക്കാ​റി​ന് ത​ല​വേ​ദ​ന​യാ​യ ചീ​ഫ് സെ​ക്ര​ട്ട​റി​ക്ക് റി​ട്ട​യ​ർ​മെ​ന്റി​നു​ശേ​ഷ​വും കാ​ലാ​വ​ധി നീ​ട്ടി​ക്കൊ​ടു​ക്കാ​നു​ള്ള കേ​ന്ദ്ര സ​മ്മ​ർ​ദ​ത്തി​ന് സു​പ്രീം​കോ​ട​തി വ​ഴ​ങ്ങി​യ​ത് അ​​ദ്ദേ​ഹം ഉ​ദാ​ഹ​ര​ണ​മാ​യി ചൂ​ണ്ടി​ക്കാ​ട്ടു​ന്നു. ആ​രാ​ധ​നാ​ല​യ സം​ര​ക്ഷ​ണ നി​യ​മ​ത്തെ കൃ​ത്യ​പ്പെ​ടു​ത്തി​ക്കൊ​ണ്ട് സു​പ്രീം​കോ​ട​തി ന​ൽ​കി​യ വി​ധി ഇ​ന്ന് വി​വി​ധ പ​ള്ളി​ക​ളു​ടെ കാ​ര്യ​ത്തി​ൽ കോ​ട​തി​ക​ൾ​ത​ന്നെ ലം​ഘി​ക്കു​ന്നു; അ​ത് സു​പ്രീം​കോ​ട​തി നി​ഷ്ക്രി​യ​മാ​യി ക​ണ്ടു​നി​ൽ​ക്കു​ന്നു. വ​ർ​ഗീ​യ പ്ര​സ്താ​വ​ന​ക​ൾ​ക്ക് പേ​രെ​ടു​ത്തി​രു​ന്ന വ്യ​ക്തി​യെ ഹൈ​കോ​ട​തി ജ​ഡ്ജി​യാ​ക്കി​യ​തി​ന് ന്യാ​യ​മാ​യി, യോ​ഗ്യ​ത​യും (eligibility) അ​നു​യോ​ജ്യ​ത​യും (suitability) ര​ണ്ടാ​ണെ​ന്നും അ​നു​യോ​ജ്യ​ത നോ​ക്കാ​ൻ ത​ങ്ങ​ൾ​ക്കാ​വി​ല്ലെ​ന്നും പ​റ​ഞ്ഞ​തും സു​പ്രീം​കോ​ട​തി ത​ന്നെ.

ച​ങ്ങാ​ത്ത മു​ത​ലാ​ളി​ത്ത​വും ച​ങ്ങാ​ത്ത ജേ​ണ​ലി​സ​വും പോ​ലെ ഒ​രു ച​ങ്ങാ​ത്ത ജു​ഡീ​ഷ്യ​റി​യും ഇ​വി​ടെ നി​ല​വി​ൽ​വ​ന്നു​വോ? പ​ള്ളി പൊ​ളി​ച്ച് ക്ഷേ​ത്രം നി​ർ​മി​ക്കാ​ൻ പ​ടി​പ​ടി​യാ​യി ഒ​പ്പം​നി​ന്ന ജു​ഡീ​ഷ്യ​റി​യി​ലെ ജ​ഡ്ജി​മാ​രെ പ്രാ​ണ​പ്ര​തി​ഷ്ഠ​ക്ക് ക്ഷ​ണി​ക്കാ​ൻ ത​യാ​റു​ള്ള എ​ക്സി​ക്യൂ​ട്ടി​വ് ഇ​ന്ന് ഏ​ത് കോ​ട​തി​യെ​യാ​ണ് ഭ​യ​ക്കു​ന്ന​ത്? 1999നു​ശേ​ഷം റി​ട്ട​യ​ർ ചെ​യ്ത 103 സു​പ്രീം​കോ​ട​തി ജ​ഡ്ജി​മാ​രി​ൽ 73 പേ​ർ (70 ശ​ത​മാ​നം) സ​ർ​ക്കാ​ർ ത​സ്തി​ക പി​ന്നീ​ട് സ്വീ​ക​രി​ച്ച​താ​യി ഒ​രു പ​ഠ​നം കാ​ണി​ക്കു​ന്നു. ആ​റു​മാ​സ​ത്തി​നു​ള്ളി​ൽ ഭ​ര​ണ​ക​ക്ഷി​യു​ടെ നോ​മി​നി​യാ​യി രാ​ജ്യ​സ​ഭ​യി​ലെ​ത്തി​യ ര​ഞ്ജ​ൻ ഗൊ​ഗോ​യി​യും ഗ​വ​ർ​ണ​റു​ദ്യോ​ഗം സ്വീ​ക​രി​ച്ച അ​യോ​ധ്യ ബെ​ഞ്ചി​ലെ ജ​ഡ്ജി അ​ബ്ദു​ൽ ന​സീ​റും അ​ക്കൂ​ട്ട​ത്തി​ലു​ണ്ട്.

മ​റു​വ​ശ​ത്ത്, സ​ർ​ക്കാ​ർ​ വെ​ച്ചു​നീ​ട്ടു​ന്ന ജോ​ലി വേ​ണ്ടെ​ന്നു​വെ​ച്ചു​കൊ​ണ്ട് ഉ​ജ്ജ്വ​ല മാ​തൃ​ക കാ​ണി​ച്ച ജ​സ്റ്റി​സു​മാ​ർ ച​ല​മേ​ശ്വ​ർ, ജെ.​എ​സ്. കെ​ഹാ​ർ, ആ​ർ.​എം. ലോ​ധ, എ​സ്.​എ​ച്ച്. ക​പാ​ഡി​യ തു​ട​ങ്ങി​യ​വ​രു​മു​ണ്ട്. ഒ​രു കാ​ര്യം ശ​രി​യാ​ണ്: ഇ​ന്ത്യ​ൻ ജു​ഡീ​ഷ്യ​റി​യു​ടെ നി​ല​വാ​ര​വും നി​ഷ്പ​ക്ഷ​ത​യും വി​ശ്വാ​സ്യ​ത​യും കു​റ​ഞ്ഞി​രി​ക്കു​ന്നു. അ​ത് പ​രി​ഹ​രി​ച്ചേ പ​റ്റൂ. അ​തി​ന് കൂ​ടി​യാ​ലോ​ച​ന​ക​ളും പ​രി​ഷ്‍കാ​ര​ങ്ങ​ളു​മൊ​ക്കെ വേ​ണ്ടി​വ​രാം. ഒ​പ്പം, തീ​ർ​ച്ച​യാ​യും ആ​വ​ശ്യ​മാ​യ ഒ​ന്നു​ണ്ട് - ന​ട്ടെ​ല്ല്.