പൊ​ലീ​സി​നെ​തി​രെ​യും ഫേ​ക്ക് ന്യൂ​സ്

വ്യാ​ജ​വാ​ർ​ത്ത​ക​ൾ പു​തി​യ സം​ഗ​തി​യ​ല്ല. യു​ദ്ധ​ങ്ങ​ളും അ​ട്ടി​മ​റി​ക​ളും ന​ട​ത്തു​ന്ന​തി​ന് കാ​ര​ണം സൃ​ഷ്ടി​ക്കാ​ൻ അ​ന്താ​രാ​ഷ്ട്ര മാ​ധ്യ​മ​ങ്ങ​ൾ വ​ഴി വ്യാ​ജ​വാ​ർ​ത്ത പ​ട​ച്ചു​വി​ട്ട​തി​ന്റെ സ​മീ​പ​കാ​ല ഉ​ദാ​ഹ​ര​ണ​ങ്ങ​ൾ ന​മു​ക്ക് മു​ന്നി​ലു​ണ്ട്. വാ​ണി​ജ്യ-​രാ​ഷ്ട്രീ​യ താ​ൽ​പ​ര്യാ​ർ​ഥം നി​ര​വ​ധി വ്യാ​ജ​വാ​ർ​ത്ത​ക​ൾ ന​മ്മു​ടെ ദേ​ശീ​യ മാ​ധ്യ​മ​ങ്ങ​ളു​ടെ ഒ​ന്നാം പേ​ജി​ലും ചാ​ന​ലു​ക​ളു​ടെ പ്രൈം​ടൈം ച​ർ​ച്ച​യി​ലും ഇ​ടം​പി​ടി​ക്കാ​റു​ണ്ട്. 'ന്യൂ​സ് പ്ലാ​ന്റി​ങ്' എ​ന്ന, കേ​ൾ​ക്കാ​ൻ ര​സ​മു​ള്ള പേ​രാ​ണ് ന​ൽ​കി​യി​രി​ക്കു​ന്ന​തെ​ങ്കി​ലും ശു​ദ്ധ തെ​മ്മാ​ടി​ത്ത​വും ക്രി​മി​ന​ൽ പ്ര​വ​ർ​ത്ത​ന​വു​മാ​ണി​ത്. പ്ര​ബു​ദ്ധ​മെ​ന്നും അ​തി​സാ​ക്ഷ​ര​മെ​ന്നു​മൊ​ക്കെ അ​വ​കാ​ശ​പ്പെ​ടു​ന്ന കേ​ര​ള​വും ഇ​വി​ട​ത്തെ മാ​ധ്യ​മ​ങ്ങ​ളും അ​തി​ന് അ​പ​വാ​ദ​മ​ല്ല. വ്യാ​ജ​വാ​ർ​ത്ത​ക​ളും ഊ​ഹാ​പോ​ഹ​ങ്ങ​ളും 'കേ​ശ​വമാ​മന്മാ​രു​ടെ' വാ​ട്ട്സ്ആപ് സ​ന്ദേ​ശ​ങ്ങ​ളും മാ​ത്രം നി​ര​ത്തി​വെ​ച്ച് പോ​ർ​ട്ട​ലും യൂ​ട്യൂ​ബ് ചാ​ന​ലും ന​ട​ത്തു​ന്ന​വ​ർ മാ​ത്ര​മ​ല്ല, മു​ഖ്യ​ധാ​രാ പ​ത്ര​ങ്ങ​ളും ചാ​ന​ലു​ക​ളും കു​റ്റ​ക​ര​വും നൈ​തി​ക​ത​ക്ക് നി​ര​ക്കാ​ത്ത​തു​മാ​യ ഈ ​ഏ​ർ​പ്പാ​ട് ചെ​യ്തു​കൂ​ട്ടാ​റു​ണ്ട്. വ്യാ​ജ​വാ​ർ​ത്ത​ക​ളി​ൽനി​ന്ന് വി​ട്ടു​നി​ൽ​ക്ക​ണ​മെ​ന്ന് സു​പ്രീം​കോ​ട​തി​യും പ​ത്രാ​ധി​പകൂ​ട്ടാ​യ്മ​യാ​യ എ​ഡി​റ്റേ​ഴ്സ് ഗി​ൽ​ഡും വാ​ർ​ത്താപ്ര​ക്ഷേ​പ​ക​രു​ടെ സം​ഘ​ട​ന​യാ​യ ന്യൂ​സ് ​​ബ്രോ​ഡ്കാ​സ്റ്റേ​ഴ്സ് അ​സോ​സി​യേ​ഷ​നു​മെ​ല്ലാം പ​ല​വു​രു മാ​ധ്യ​മ​ങ്ങ​ളെ ഉ​ണ​ർ​ത്തി​യി​ട്ടു​ള്ള​താ​ണ്. മ​റ്റേ​തു കു​റ്റ​കൃ​ത്യ​ത്തി​നെ​തി​രെ​യു​മെ​ന്ന​പോ​ലെ തെ​റ്റി​ദ്ധ​രി​പ്പി​ക്കു​ന്ന​തും സ​മൂ​ഹ​ത്തി​ൽ കു​ഴ​പ്പം സൃ​ഷ്ടി​ക്കു​ന്ന​തു​മാ​യ വ്യാ​ജ​വാ​ർ​ത്ത പ്ര​സി​ദ്ധീ​ക​രി​ക്കു​ന്ന​വ​ർ​ക്കെ​തി​രെ ആ​ർ​ക്കു​വേ​ണ​മെ​ങ്കി​ലും പൊ​ലീ​സി​ൽ പ​രാ​തി ന​ൽ​കാ​വു​ന്ന​താ​ണ്. എ​ന്നാ​ൽ, ക​ഴി​ഞ്ഞ ദി​വ​സം മ​ല​യാ​ള​ത്തി​ലെ ഒ​രു​പി​ടി മാ​ധ്യ​മ​ങ്ങ​ൾ വ്യാ​ജ​വാ​ർ​ത്ത​യെ​ഴു​തി​യ​ത് കേ​ര​ളപൊ​ലീ​സി​നെ​തി​രാ​യാ​ണ്-തീക്കട്ടയിൽ തന്നെ ഉറുമ്പരിച്ചു. ഇ​ക്ക​ഴി​ഞ്ഞ സെ​പ്റ്റം​ബ​ർ 28ന് ​കേ​ന്ദ്ര​സ​ർ​ക്കാ​ർ നി​രോ​ധി​ച്ച പോ​പു​ല​ർ ഫ്ര​ണ്ട് ഓ​ഫ് ഇ​ന്ത്യ എ​ന്ന സം​ഘ​ട​ന​യു​മാ​യി കേ​ര​ള പൊലീ​സി​ലെ 873 ഉ​ദ്യോ​ഗ​സ്ഥ​ർ​ക്ക് ബ​ന്ധ​മു​ണ്ടെ​ന്നു കാ​ണി​ച്ച് സം​സ്ഥാ​ന പൊ​ലീ​സ് മേ​ധാ​വി​ക്ക് എ​ൻ.​ഐ.​എ റി​പ്പോ​ർ​ട്ട് കൈ​മാ​റി എ​ന്നാ​യി​രു​ന്നു പ്ര​സ്തു​ത വാ​ർ​ത്ത. ഇ​ക്കാ​ര്യം നി​ഷേ​ധി​ച്ച് കേ​ര​ള പൊ​ലീ​സ് മീ​ഡി​യ സെ​ന്‍റ​ർ ഡെ​പ്യൂ​ട്ടി ഡ​യ​റ​ക്ട​ര്‍ വി.​പി. പ്ര​മോ​ദ് കു​മാ​ര്‍ പ​ത്ര​ക്കു​റി​പ്പി​റ​ക്കി. കേ​ര​ള പൊ​ലീ​സി​ന്റെ സ​മൂ​ഹ​മാ​ധ്യ​മപേ​ജി​ലും ഇ​ക്കാ​ര്യം പ്ര​സി​ദ്ധ​പ്പെ​ടു​ത്തി. എ​ന്നാ​ൽ, നേ​ര​ത്തേ ന​ൽ​കി​യ വാ​ർ​ത്ത തി​രുത്താ​നോ നി​ഷേ​ധ​ക്കു​റി​പ്പ് പ്ര​സി​ദ്ധീ​ക​രിക്കാ​നോ മു​ൻ​ചൊ​ന്ന മാ​ധ്യ​മ​ങ്ങ​ളി​ൽ പ​ല​തും മെ​ന​ക്കെ​ട്ടി​ല്ല. അ​ല്ലെ​ങ്കി​ൽത​ന്നെ, പ്രാ​ധാ​ന്യ​പൂ​ർ​വം വി​ന്യ​സി​ക്കു​ന്ന വ്യാ​ജ​വാ​ർ​ത്ത സ​മൂ​ഹ​ത്തി​ൽ സ​ക​ല കേ​ടു​പാ​ടു​ക​ളും വ​രു​ത്തി​വെ​ച്ചശേ​ഷം ന​ട​ത്തു​ന്ന നാ​മ​മാ​ത്ര തി​രു​ത്തും ക്ഷ​മാ​പ​ണ​വും പ​ല​പ്പോ​ഴും ജ​ന​ങ്ങ​ളു​ടെ ശ്ര​ദ്ധ​യി​ൽ​പ്പെ​ടാ​ത്ത രീ​തി​യി​ലാ​ണ് പ്ര​സി​ദ്ധീ​ക​രി​ച്ചു​വ​രാ​റ്. കേ​ര​ള​ത്തി​ലെ പൊ​ലീ​സ് സേ​ന​യു​ടെ കെ​ട്ടു​റ​പ്പി​നെ​യും ജ​ന​ങ്ങ​ൾ​ക്കി​ട​യി​ലെ വി​ശ്വാ​സ്യ​ത​യേ​യും സം​ശ​യ​നി​ഴ​ലി​ലാ​ക്കു​ന്ന ആ ​വ്യാ​ജം പ്ര​സി​ദ്ധീ​ക​രി​ച്ചവ​ർ​ക്കെ​തി​രെ പ​രാ​തി ന​ൽ​കാ​നോ നി​യ​മ​ന​ട​പ​ടി സ്വീ​ക​രി​ക്കാ​നോ ആ​രെ​ങ്കി​ലും മു​തി​രു​മോ എ​ന്നും നി​ശ്ച​യ​മി​ല്ല.

വ്യാ​ജ​വാ​ർ​ത്ത തയാ​റാ​ക്കി വി​ത​ര​ണം ചെ​യ്ത​ത് ആ​രാ​ണെ​ങ്കി​ലും അ​ത് പ്ര​സി​ദ്ധീ​ക​രി​ക്കു​ന്ന​തി​ന് മാ​ധ്യ​മ​ങ്ങ​ൾ​ക്ക് മ​ടി​യി​ല്ലാ​താ​ക്കി​യ​തി​ൽ കേ​ര​ള പൊ​ലീ​സി​ലെ ചി​ല കേ​ന്ദ്ര​ങ്ങ​ൾ​ക്കു​ള്ള പ​ങ്ക് നി​ഷേ​ധി​ക്കാ​നാ​വി​ല്ല. പ​ല പ്ര​ധാ​ന കേ​സ​ന്വേ​ഷ​ണവേ​ള​ക​ളി​ലും, കൃ​ത്യ​മാ​യി പ​റ​ഞ്ഞാ​ൽ തീ​വ്ര​വാ​ദ​ബ​ന്ധം ആ​രോ​പി​ക്ക​പ്പെ​ടു​ന്ന കേ​സു​ക​ളി​ൽ എ​മ്പാ​ടും വ്യാ​ജ​വാ​ർ​ത്ത​ക​ൾ മാ​ധ്യ​മ​ങ്ങ​ളി​ൽ വ​രാ​റു​ണ്ട്. മു​ൻ​വി​ധി​ക​ൾ​ക്ക​നു​സൃ​ത​മാ​യി കേ​സ് നീ​ങ്ങാ​നു​ത​കുംവി​ധ​ത്തി​ൽ ആ​ഖ്യാ​നം ച​മ​ക്കു​വാ​നും അ​തി​ന​നു​സൃ​ത​മാ​യ പൊ​തു​ബോ​ധം സൃ​ഷ്ടി​ക്കു​വാ​നു​മാ​ണ് ഇ​ത്ത​രം വാ​ർ​ത്ത​ക​ൾ നി​ര​ത്തു​ന്ന​ത്. അ​തി​നു പി​ന്നി​ൽ സ്ഥാ​പി​തതാ​ൽ​പ​ര്യ​ക്കാ​രാ​യ ചി​ല സം​ഘ​ങ്ങ​ളു​ണ്ട്; പ​ല​പ്പോ​ഴും പൊ​ലീ​സ് ഉ​ദ്യോ​ഗ​സ്ഥ​രു​മു​ണ്ട്. മുൻകാലങ്ങളിൽ കെട്ടിച്ചമക്കപ്പെട്ട ഇത്തരം കള്ളക്കഥകൾമൂലം നിരവധി മനുഷ്യരുടെ ജീവിതം ദുരിതപൂർണമായിട്ടുണ്ട്. വിഷ​യം രാ​ജ്യ​ര​ക്ഷ​യും തീ​വ്ര​വാ​ദ​വു​മാ​കു​മ്പോ​ൾ വാ​ർ​ത്ത​യു​ടെ വി​ശ്വാ​സ്യ​ത ​േചാദ്യംചെയ്യാൻപോലും ജനം മടിക്കും, സംഘടനകൾ ഭയക്കും. ആ മടിയും ഭയവും നിശ്ശബ്ദതയുമാണ് പ്ലാന്റ് ചെയ്യുന്ന വ്യാജവാർത്തക്ക് വളമായി മാറുന്നതും തഴച്ചു വളരാൻ വഴിവെക്കുന്നതും. പൊലീസ് വൃത്തങ്ങളെ ഉദ്ധരിച്ച് എന്ന ​പേരിൽ മുൻകാലങ്ങളിൽ പ്രസിദ്ധീകരിക്കപ്പെട്ട വ്യാജവാർത്തകൾ നിഷേധിക്കാനോ കള്ളവാർത്തകൾക്കുപിന്നിൽ പ്രവർത്തിച്ചതാരെന്ന് കണ്ടെത്താനോ നമ്മുടെ സേനയൊട്ട് ശ്രമിക്കാറുമില്ല.

രാജ്യത്തെ പല രാഷ്ട്രീയ-മനുഷ്യാവകാശ നേതാക്കളും മുന്നറിയിപ്പ് നൽകിയതുപോലെ പി.എഫ്.ഐ നിരോധനം മറയാക്കി ഒരു സമുദായത്തിലെ ഉദ്യോഗസ്ഥരെയും സംഘടനകളെയും പൊതുപ്രവർത്തകരെയുമെല്ലാം സംശയനിഴലിൽ നിർത്താൻ ലക്ഷ്യമിട്ടുള്ള ലക്ഷണമൊത്ത തിരക്കഥകൾ പലതും അണിയറയിൽ ഒരുങ്ങുന്നുണ്ട് എന്നു തന്നെയാണ് തീക്കട്ടയിലെ ഉറുമ്പരിക്കൽ നൽകുന്ന സൂചന. അതിനു തടയിടാൻ കേരള പൊലീസും ആഭ്യന്തര വകുപ്പും എന്തു നടപടി സ്വീകരിക്കുമെന്ന് കണ്ടുതന്നെയറിയാം.