ചപ്പുചവറുകൾ കത്തിക്കുന്നതിനിടെ പൊള്ളലേറ്റയാൾ മരിച്ചു

തൃശൂർ: ചപ്പുചവറുകൾ കത്തിക്കുന്നതിനിടെ തീ ദേഹത്തേക്ക് പടർന്ന് ഗുരുതരമായി പൊള്ളലേറ്റയാൾ മരിച്ചു. തൃശൂർ അയ്യന്തോൾ കോലംപറമ്പ് കാര്യാലയത്തിൽ അജയനാണ് (58) മരിച്ചത്.

ചൊവ്വാഴ്ച ഉച്ചക്ക് ഒരു മണിയോടെ വീട്ടുപറമ്പിൽ ചപ്പുചവറുകൾ പെട്രോൾ ഒഴിച്ച് തീയിടുന്നതിനിടയിൽ ദേഹത്ത് പടർന്ന് പിടിക്കുകയായിരുന്നു. 70 ശതമാനത്തോളം പൊള്ളലേറ്റതായി പൊലീസ് പറഞ്ഞു.അജയനെ ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചിവെങ്കിലും ജീവൻ രക്ഷിക്കാനായില്ല. ഭാര്യ: മീന. മക്കൾ: അമൽ, അഞ്ജന.