ഫോര്‍സ്റ്റാര്‍ ഹോട്ടലുകള്‍ക്ക് ബാര്‍ ലൈസന്‍സ്: ഉത്തരവ് പുന:പരിശോധിക്കണമെന്ന ഹരജി തള്ളി

കൊച്ചി: ഫോ൪സ്റ്റാ൪ ഹോട്ടലുകൾക്ക് ബാ൪ ലൈസൻസ് നൽകണമെന്ന ഉത്തരവ് പുന:പരിശോധിക്കണമെന്ന ആവശ്യം ഹൈകോടതി തള്ളി. ഫോ൪സ്റ്റാ൪, ഹെറിറ്റേജ് വിഭാഗങ്ങൾക്ക് പ്രവ൪ത്തനാനുമതി നൽകിയത് റദ്ദാക്കണമെന്നാവശ്യപ്പെട്ട് കേരള കാത്തലിക് ബിഷപ്സ് കൗൺസിൽ മദ്യവിരുദ്ധസമിതി സമ൪പ്പിച്ച പുന:പരിശോധനാ ഹരജിയാണ് ജസ്റ്റിസ് കെ. സുരേന്ദ്രമോഹൻ തള്ളിയത്.

സിംഗ്ൾ ബെഞ്ച് മദ്യനയം സംബന്ധിച്ച കേസിൽ വിധി പറഞ്ഞ 2014 സെപ്റ്റംബ൪ 30ന് സ൪ക്കാ൪ നയത്തിൽ ഇടപെടാൻ കോടതിക്ക് കഴിയില്ളെന്ന ഡിവിഷൻ ബെഞ്ച് ഉത്തരവുള്ളതായി ചൂണ്ടിക്കാട്ടിയാണ് കെ.സി.ബി.സി പുന$പരിശോധനാ ഹരജിയുമായി കോടതിയെ സമീപിച്ചത്. മദ്യ ഉപഭോഗം കുറക്കാൻ നടപടിയെടുക്കണമെന്നും ദാരിദ്ര്യരേഖക്ക് താഴെയുള്ളവ൪ക്ക് റേഷൻകട മുഖേന നിയന്ത്രിതതോതിൽ മാത്രം മദ്യം ലഭ്യമാക്കാൻ നടപടി സ്വീകരിക്കണമെന്നുമാവശ്യപ്പെട്ട് നൽകിയ ഹരജിയിലാണ് ഡിവിഷൻ ബെഞ്ചിൻെറ വിധിയുണ്ടായത്. ഈ വിധി സിംഗ്ൾ ബെഞ്ച് മുമ്പാകെ ഹാജരാക്കാനായില്ല.

ഒരുപക്ഷേ, ഈ വിധിപ്പക൪പ്പ് പരിഗണിച്ചിരുന്നെങ്കിൽ ഫോ൪സ്റ്റാ൪, ഹെറിറ്റേജ് ബാറുകൾക്ക് അനുമതി നൽകിയ ഉത്തരവ് ഉണ്ടാകുമായിരുന്നില്ല. ഈ സാഹചര്യത്തിൽ ഈ വിധികൂടി കണക്കിലെടുത്ത് മുൻ ഉത്തരവ് തിരുത്തണമെന്നായിരുന്നു ഹരജിയിലെ ആവശ്യം.