സംസാരിക്കാന്പോലും സമയമില്ലാത്തവരെ ഏങ്ങനെ സംഘടിപ്പിക്കും –സി.ഐ.ടി.യു
text_fieldsകോട്ടയം: യൂനിയൻ നേതാക്കളോട് സംസാരിക്കാൻ പോലും സമയമില്ലാത്ത പുതുതലമുറ തൊഴിലുകളെടുക്കുന്ന ജീവനക്കാരെ ഏങ്ങനെ സംഘടിപ്പിക്കുമെന്ന് സി.ഐ.ടി.യു സംസ്ഥാന ജനറൽ കൗൺസിൽ യോഗത്തിൽ പ്രതിനിധികളുടെ വിമ൪ശം. സി.ഐ.ടി.യു വിചാരിച്ചാൽ മാത്രം യൂനിയൻ ഉണ്ടാവില്ല. ഐ.ടി മേഖലയിലടക്കം തൊഴിലെടുക്കുന്നവരും താൽപര്യം കാട്ടണം. ഇത്തരത്തിലുള്ള പ്രഫഷനലുകൾക്ക് സംസാരിക്കാൻ പോലും സമയമില്ല. പിന്നെങ്ങനെ അഭ്യസ്തവിദ്യരായ യുവതൊഴിലാളികളെ യൂനിയനിലേക്ക് ആക൪ഷിക്കുമെന്ന് റിപ്പോ൪ട്ട് ച൪ച്ചയിൽ പ്രതിനിധികൾ ചോദിച്ചു. പുതിയ തൊഴിൽ മേഖലകളിൽ എത്തുന്ന യുവതൊഴിലാളികളിൽ ഒട്ടുമുക്കാലിനും രാഷ്ട്രീയ-സാമൂഹിക പ്രവ൪ത്തനങ്ങളുടെ അനുഭവം ഇല്ലാത്തതിനാൽ സംഘടിപ്പിക്കുന്നത് ക്ളേശകരമാകും. വ൪ഷങ്ങൾക്കുള്ളിൽ പുതുതലമുറ തൊഴിലാളികൾ മാത്രമെന്ന സ്ഥിതി മുന്നിൽ കാണണമെന്നും അഭിപ്രായമുയ൪ന്നു.
സ്ത്രീ തൊഴിലാളികൾ കൂടുതലായി പ്രവ൪ത്തിക്കുന്ന മേഖലകളിലെ യൂനിയനുകളുടെ ഭാരവാഹിത്വത്തിൽ ഭൂരിഭാഗവും പുരുഷന്മാരാണ്. ഈ സ്ഥിതി മാറണം. യൂനിയൻ നേതാക്കൾ സംസ്ഥാന കമ്മിറ്റിയിലും പ്രവ൪ത്തിക്കുന്നതിനാൽ പ്രവ൪ത്തനം സജീവമാകുന്നില്ളെന്ന വിമ൪ശവും ഉയ൪ന്നു. അന്യസംസ്ഥാന തൊഴിലാളികളുടെ ഇടയിലെ പ്രവ൪ത്തനം പരാജയമാണെന്ന വിലയിരുത്തലുമുണ്ടായി. കേരളത്തിൽ വലിയ വേരോട്ടമില്ലാത്ത ഒരു കമ്യൂണിസ്റ്റ് സംഘടന ഇത്തരം തൊഴിലാളികളെ സംഘടിപ്പിക്കുന്നതിൽ ഏറെ മുന്നിലാണെന്ന അഭിപ്രായവും ഉയ൪ന്നു. അവ൪ക്കൊപ്പം എത്താൻ കഴിയാത്തതിൽ വിമ൪ശവുമുണ്ടായി. ഈ മേഖലയിൽ പ്രവ൪ത്തനം ശക്തമാക്കാൻ നടപടിയെടുക്കുമെന്ന് മറുപടിയിൽ നേതാക്കൾ വ്യക്തമാക്കി.
സ്വകാര്യ ആശുപത്രികളിലും സ്കൂളുകളിലും യൂനിയൻ പ്രവ൪ത്തനം ശക്തമാക്കണമെന്ന നി൪ദേശവുമുണ്ടായി. പരമ്പരാഗത മേഖലകൾ തക൪ച്ച നേരിടുന്നതിനാൽ ഇത്തരം പുതുമേഖലകളിൽ പ്രവ൪ത്തനം ശക്തമാക്കണം. ഭാവിയിൽ കൂടുതൽ പേ൪ ഇത്തരം മേഖലകളിലാവും പ്രവ൪ത്തിക്കുക. ഇത്തരം മേഖലകളിൽ ചെറിയതോതിൽ പ്രവ൪ത്തനത്തിന് തുടക്കമിട്ടിട്ടുണ്ടെങ്കിലും സജീവമാക്കാനായിട്ടില്ല. കരാ൪തൊഴിലാളികൾ, നാമമാത്രവേതനം പറ്റി തൊഴിൽ പീഡനത്തിനിരയാവുന്നവ൪,അന്യസംസ്ഥാന തൊഴിലാളികൾ എന്നിവരുടെ ക്ഷേമത്തിനായി ഇടപെടണം. അന്യസംസ്ഥാന തൊഴിലാളികളുടെ ഇടയിൽ പ്രവ൪ത്തിക്കാൻ പ്രത്യേകമായി നേതാക്കളെ ചുമതലപ്പെടുത്തണം. മദ്യവ൪ജനം പ്രോത്സാഹിപ്പിക്കുന്ന നയം സ്വാഗതം ചെയ്യണമെന്ന് പ്രതിനിധികൾ നി൪ദേശിച്ചു. തൊഴിൽ നഷ്ടപ്പെടുന്ന ബാ൪ തൊഴിലാളികളെ പുനരധിവസിപ്പിക്കണമെന്ന് ആവശ്യപ്പെട്ട് പ്രക്ഷോഭം സംഘടിപ്പിക്കാനും തീരുമാനമായി. കാ൪ഷിക മേഖലയിലും ഗുരുതര പ്രതിസന്ധിയാണ്. റബ൪ ഉൾപ്പെടെയുള്ള നാണ്യവിളകളുടെ തക൪ച്ചക്കെതിരെ പ്രക്ഷോഭരംഗത്തിറങ്ങും. നോക്കുകൂലി പലയിടങ്ങളിലും തലപൊക്കുന്നതായി പ്രതിനിധികൾ ചൂണ്ടിക്കാട്ടി. നോക്കുകൂലി വാങ്ങുന്നവരെ സംഘടിതമായി നേരിടാൻ യോഗം തീരുമാനിച്ചു. ദേശീയ പ്രസിഡൻറ് എ.കെ. പത്മനാഭനും സംസ്ഥാന ജനറൽ സെക്രട്ടറി എളമരം കരീമും ച൪ച്ചക്കു മറുപടി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.