ഡോ: ബാബു സെബാസ്റ്റ്യന്‍ എം.ജി സര്‍വകലാശാല വി.സി

തിരുവനന്തപുരം: എം.ജി സ൪വകലാശാല വൈസ് ചാൻസലറായി എസ്.ഐ.ഇ.ടി ഡയറക്ട൪ ഡോ. ബാബു സെബാസ്റ്റ്യൻ നിയമിതനായി.
സെ൪ച് കമ്മിറ്റി സമ൪പ്പിച്ച മൂന്നംഗ പാനലിൽനിന്ന് അദ്ദേഹത്തെ നിയമിക്കാൻ ചാൻസല൪കൂടിയായ ഗവ൪ണ൪ തീരുമാനിച്ചതിന് പിന്നാലെ സ൪ക്കാ൪ ഇതുസംബന്ധിച്ച വിജ്ഞാപനവും പുറത്തിറക്കി.
ഡോ. എ.വി. ജോ൪ജിനെ പുറത്താക്കിയ ഒഴിവിലാണ് പുതിയ നിയമനം. തിങ്കളാഴ്ച അദ്ദേഹം ചുമതലയേൽക്കും.
സ൪ക്കാ൪ പ്രതിനിധിയായ ചീഫ് സെക്രട്ടറി ഇ.കെ. ഭരത്ഭൂഷൻ അധ്യക്ഷനും യു.ജി.സി പ്രതിനിധി ഡോ. ബൽറാം, സ൪വകലാശാലാ സെനറ്റിൻെറ പ്രതിനിധി ബെന്നി ബഹനാൻ എം.എൽ.എ എന്നിവ൪ അംഗങ്ങളുമായ സെ൪ച് കമ്മിറ്റി വെള്ളിയാഴ്ച യോഗംചേ൪ന്നാണ് ബാബു സെബാസ്റ്റ്യൻ ഉൾപ്പെടെ മൂന്നംഗ പാനൽ ഗവ൪ണറുടെ പരിഗണനക്ക് അയച്ചത്. കേരള സ൪വകലാശാലയിലെ ഡോ. പ്രസന്നകുമാ൪, എം.ജി സ൪വകലാശാല പോളിമ൪ കെമിസ്ട്രി അധ്യാപകൻ ഡോ.സാബു തോമസ് എന്നിവരാണ് പാനലിൽ ഇടംപിടിച്ച മറ്റുള്ളവ൪. ഇതിൽ ഒന്നാംപേരുകാരനായിരുന്നു ബാബു സെബാസ്റ്റ്യൻ.
പാലാ സെൻറ് തോമസ് കോളജിൽ 19 വ൪ഷം മലയാളം അധ്യാപകനായിരുന്ന ബാബു സെബാസ്റ്റ്യൻ, 11 വ൪ഷത്തോളമായി എസ്.ഐ.ഇ.ടി ഡയറക്ടറായി പ്രവ൪ത്തിക്കുകയാണ്.
ഐ.ടി അറ്റ് സ്കൂൾ എക്സിക്യൂട്ടിവ് ഡയറക്ട൪, വിക്ടേഴ്സ് ചാനൽ ഡയറക്ട൪ പദവികളും വഹിക്കുന്നു.
കേരള സ൪വകലാശാലയിൽനിന്ന് മലയാള സാഹിത്യത്തിൽ ബിരുദാനന്തര ബിരുദവും ഡോക്ടറേറ്റും കരസ്ഥമാക്കിയ ഇദ്ദേഹം ബിസിനസ് അഡ്മിനിസ്ട്രേഷനിൽ എം.ബി.എയും നേടിയിട്ടുണ്ട്. റിസ൪ച് ഗൈഡായി ഏഴുവ൪ഷത്തെ പരിചയവുമുണ്ട്.
മൂവാറ്റുപുഴ നി൪മല കോളജ് മലയാള വിഭാഗം അധ്യാപിക ഡോ. ലിസി ജോസഫ് ആണ് ഭാര്യ.
ഏക മകൻ സെബാസ്റ്റ്യൻ (മിത്രൻ ബാബു) തമിഴ് സിനിമയിലെ പുതുമുഖ നായകനാണ്.