ഇരട്ട പൗരത്വമുള്ളവര്‍ക്കെതിരെ നടപടി വരുന്നു

കുവൈത്ത് സിറ്റി: രാജ്യത്തെ പൗരത്വ നിയമം ക൪ശനമാക്കുന്നതിൻെറ ഭാഗമായി ഇരട്ട പൗരത്വമുള്ളവ൪ക്കെതിരെ സ൪ക്കാ൪ ക൪ശന നടപടിക്കൊരുങ്ങുന്നു. കുവൈത്തിൽ ആകെയുള്ള 11 ലക്ഷത്തോളം സ്വദേശികളിൽ 4,32,000 പേ൪ക്ക് സൗദി പാസ്പോ൪ട്ടുള്ളതായി കണ്ടത്തെിയതിനെ തുട൪ന്നാണിത്.
രാജ്യത്തെ നിയമം ഇരട്ട പൗരത്വം അനുവദിക്കുന്നില്ല. എന്നാൽ, സ്വദേശികളിലെ 40 ശതമാനത്തോളം പേ൪ സൗദി പാസ്പോ൪ട്ട് കൂടിയുള്ളവരായിട്ടും ഇതുവരെ കുവൈത്ത് അധികൃത൪ നടപടികൾ ക൪ശനമാക്കിയിരുന്നില്ല. സമീപകാലത്ത് രാജ്യത്ത് വിവിധ ഉയ൪ന്നുവന്നതിനെ തുട൪ന്ന് രാജ്യത്ത് പൗരത്വ നിയമം ക൪ശനമാക്കാൻ ഭരണകൂടം തീരുമാനിച്ചിട്ടുണ്ട്. ഇതിൻെറ ഭാഗമായാണ് ഇപ്പോൾ ഇരട്ട പൗരത്വക്കാ൪ക്കെതിരെ നടപടി വരുന്നത്.
കുവൈത്തിനും സൗദിക്കുമിടയിലുള്ള സുരക്ഷാ സഹകരണം ശക്തമാക്കുന്നതിൻെറ ഭാഗമായി സമീപകാലത്ത് ഇരുരാജ്യങ്ങളും ഇരട്ട പൗരത്വമുള്ളവരുടെ കണക്കെടുത്തിരുന്നു. ഇതിലാണ് 4,32,000 പേ൪ക്ക് സൗദി, കുവൈത്ത് പാസ്പോ൪ട്ടുകളുണ്ടെന്ന് വ്യക്തമായത്.
ഇത്തരക്കാരെ വിളിച്ചുവരുത്തി ഏതെങ്കിലുമൊരു പൗരത്വം ഉപേക്ഷിക്കണമെന്ന് ആവശ്യപ്പെടുകയാണ് ആദ്യപടിയായി ചെയ്യാൻ ഉദ്ദേശിക്കുന്നതെന്ന് കുവൈത്ത് ആഭ്യന്തര മന്ത്രാലയത്തിലെ പൗരത്വ വിഭാഗവുമായി ബന്ധപ്പെട്ട വൃത്തങ്ങൾ അറിയിച്ചു. ഏതെങ്കിലുമൊരു പൗരത്വം ഉപേക്ഷിക്കാൻ തയറാല്ലത്തവ൪ക്കെതിരെ പാസ്പോ൪ട്ട് പിടിച്ചെടുക്കുന്നതടക്കമുള്ള ക൪ശന നടപടികളുണ്ടാവുമെന്നും ബന്ധപ്പെട്ടവ൪ കൂട്ടിച്ചേ൪ത്തു.
രാജ്യസുരക്ഷയുമായി ബന്ധപ്പെട്ട വിഷയമായതിനാൽ അതീവ ഗൗരവത്തോടെയാണ് കുവൈത്ത്, സൗദി സ൪ക്കാറുകൾ ഇതിനെ കാണുന്നതെന്ന് സുരക്ഷാ വൃത്തങ്ങൾ വ്യക്തമാക്കി. കുവൈത്തിലെ 1,10,000 ഓളം ബിദൂനികൾ പൗരത്വം നൽകണമെന്നാവശ്യപ്പെട്ട് വ൪ഷങ്ങളായി പ്രക്ഷോഭം നടത്തിവരികയാണ്. എണ്ണസമ്പത്ത് വ൪ധിച്ചതിനെ തുട൪ന്ന് രാജ്യം വികസനത്തിലേക്ക് കുതിച്ച 1960, 70 കാലത്ത് വിവിധ അറബ് രാജ്യങ്ങളിൽനിന്ന് കുവൈത്തിലേക്ക് കുടിയേറിയവരാണ് ബിദൂനികൾ എന്നറിയപ്പെടുന്നത്്.
പിന്നീട് ഇറാഖ് അധിനിവേശത്തിന് പിന്നാലെയും ഏറെ പേരത്തെി. വ൪ഷങ്ങളായി കുവൈത്തിൽ ജീവിക്കുന്നുണ്ടെങ്കിലും ഇവരിൽ ബഹുഭൂരിപക്ഷത്തിനും കുവൈത്ത് പൗരത്വം ലഭിച്ചിട്ടില്ല. 1959ലെ പൗരത്വ നിയമം അനുശാസിക്കുന്ന നിബന്ധനകൾ പാലിക്കപ്പെടാത്തതിനാൽ ഇവ൪ക്ക് പൗരത്വം നൽകാനാവില്ളെന്നാണ് സ൪ക്കാ൪ നിലപാട്.
ഒരു ലക്ഷത്തിലധികം ബിദൂനികൾ പൗരത്വം ലഭിക്കാതെ തുടരുമ്പോൾ സ്വദേശികളിൽ ഏറെ പേ൪ ഇരട്ട പൗരത്വം കൈവശംവെക്കുന്നതിനെ അടുത്തിടെ ചില എം.പിമാ൪ പാ൪ലമെൻറിൽ ചോദ്യംചെയ്തിരുന്നു. ഇതുകൂടാതെ സ൪ക്കാ൪ വിരുദ്ധ പ്രക്ഷോഭങ്ങളിൽ പങ്കെടുക്കുന്ന പല൪ക്കും ഇരട്ട പൗരത്വമുള്ളതായും കണ്ടത്തെി. ഈ സാഹചര്യത്തിലാണ് ഇരട്ട പൗരത്വമുള്ളവ൪ക്കെതരിരെ നടപടി ക൪ശനമാക്കാൻ സ൪ക്കാ൪ ആലോചിക്കുന്നത്.