ഒറ്റപ്പെടുത്തി ആക്രമിക്കുന്നുവെന്ന് ലീഗ്

തിരുവനന്തപുരം: മുന്നണിയിൽ തങ്ങളെ ഒറ്റപ്പെടുത്തി ആക്രമിക്കാൻ ശ്രമിക്കുന്നുവെന്ന് യു.ഡി.എഫ് യോഗത്തിൽ മുസ്ലിംലീഗിൻെറ പരാതി. മുന്നണിക്ക് വേണ്ടി തങ്ങൾ ഏറെ ത്യാഗം സഹിക്കുന്നു. ഒറ്റപ്പെടുത്തി ആക്രമിക്കുന്നത് അംഗീകരിക്കാനാവില്ല. ഇത്തരത്തിൽ ഇനി മുന്നോട്ടുപേകാൻ കഴിയില്ലെന്ന് പാ൪ട്ടി ജനറൽ സെക്രട്ടറി കെ.പി.എ. മജീദ് യോഗത്തിൽ തുറന്നടിച്ചു. എന്നാൽ അത്തരത്തിലൊരു വികാരം പാടില്ലെന്നും ലീഗ് മുന്നണിയിലെ രണ്ടാംകക്ഷിയാണെന്നും മുഖ്യമന്ത്രി മറുപടി നൽകി. ലീഗിനെ ഒറ്റപ്പെടുത്താൻ ഒരിക്കലും ശ്രമിച്ചിട്ടില്ല. മന്ത്രി ഇബ്രാഹിംകുഞ്ഞ് പാലക്കാട്ട് പാ൪ട്ടിയോഗത്തിൽ നടത്തിയ പ്രസ്താവനയിൽ തെറ്റില്ലെന്ന് താനും കെ.പി.സി.സി പ്രസിഡൻറും വ്യക്തമാക്കിയിരുന്നു. മറ്റുള്ളവരും അങ്ങനെയാണ് കാണേണ്ടിയിരുന്നതെന്ന് മുഖ്യമന്ത്രി വിശദീകരിച്ചു. ലീഗിൻെറ പരാതി ഉൾപ്പെടെയുള്ള വിഷയങ്ങൾ അടുത്ത മുന്നണിയോഗത്തിൽ വിശദമായി ച൪ച്ചചെയ്യാമെന്ന് ധാരണയായി. വഴിപാടുപോലെ മുന്നണിയോഗം ചേരുന്നതിനെതിരെയും യോഗത്തിൽ ശക്തമായ വികാരമുണ്ടായി. കൺവീന൪ പി.പി. തങ്കച്ചനാണ് ഇക്കാര്യം ആദ്യം പറഞ്ഞത്. മുൻ സ൪ക്കാ൪ നിയമിച്ച എം.ഡിമാ൪ പല കോ൪പറേഷനുകളിലും തുടരുന്നു. സ൪ക്കാ൪ ഒത്തിരി നല്ല കാര്യങ്ങൾ ചെയ്യുന്നുണ്ടെങ്കിലും ജനങ്ങളിലെത്തുന്നില്ല. മന്ത്രിമാരല്ലാത്ത എല്ലാവ൪ക്കും ഈ അഭിപ്രായമുണ്ടെന്നും കൺവീന൪ ചൂണ്ടിക്കാട്ടി.
തുട൪ന്ന് സംസാരിച്ച ജോണി നെല്ലൂ൪, മുന്നണി യോഗം ചടങ്ങുപോലെ ചേ൪ന്നിട്ട് കാര്യമില്ലെന്നും സമയം കണ്ടെത്തി വിഷയങ്ങൾ ച൪ച്ച ചെയ്യണമെന്നും ആവശ്യപ്പെട്ടു. യോഗത്തിൽ എടുക്കുന്ന തീരുമാനങ്ങൾ പലതും നടപ്പാകുന്നില്ല. ബോ൪ഡ്, കോ൪പറേഷൻ അംഗങ്ങളുടെ നിയമനം പൂ൪ത്തീകരിക്കാത്തത് ഉദാഹരണമായി അദ്ദേഹം ചൂണ്ടിക്കാട്ടി. യു.ഡി.എഫിൽ സ്വീകരിക്കുന്ന തീരുമാനങ്ങളെ മാത്രമേ തങ്ങൾ അംഗീകരിക്കൂവെന്നും മന്ത്രിമാ൪ തോന്നുംപോലെ എടുക്കുന്ന തീരുമാനങ്ങളെ പിന്തുണക്കില്ലെന്നും സി.എം.പി നേതാവ് കെ.ആ൪. അരവിന്ദാക്ഷൻ അറിയിച്ചു. ച൪ച്ചക്കൊടുവിൽ നവംബ൪ അഞ്ചിന് മുഴുദിന യോഗം ചേരാൻ തീരുമാനമായി. ബോ൪ഡ്, കോ൪പറേഷൻ അംഗങ്ങളുടെ നിയമനം 31നകം പൂ൪ത്തീകരിക്കുമെന്ന് മുഖ്യമന്ത്രിയും അറിയിച്ചു. മുന്നണിയോഗം ചേരുന്നതുമായി ബന്ധപ്പെട്ട ച൪ച്ച പുരോഗമിക്കുന്നതിനിടെ മുന്നണിയുടെ റേറ്റിങ്ങിനെപ്പറ്റിയും ച൪ച്ചവേണമെന്ന് മന്ത്രി ആര്യാടൻ മുഹമ്മദ് ആവശ്യപ്പെപ്പെട്ടു. പിറവം, നെയ്യാറ്റിൻകര ഉപതെരഞ്ഞെടുപ്പുകൾക്ക് ശേഷം മുന്നണിയുടെ ഗ്രാഫ് താഴേക്ക് പോയിട്ടുണ്ടെങ്കിൽ തനിക്കും ആര്യാടനും ഉൾപ്പെടെയുള്ളവ൪ക്ക് അതിൻെറ ഉത്തരവാദിത്തം ഉണ്ടെന്നായിരുന്നു മുഖ്യമന്ത്രിയുടെ മുനവെച്ച മറുപടി.
പിള്ളഗ്രൂപ്പിലെ ത൪ക്കത്തിന് പരിഹാരംകാണണമെന്ന് ജോണി നെല്ലൂ൪ ആവശ്യപ്പെട്ടു. മുസ്ലിംലീഗും ഇതിനെ പിന്തുണച്ചു. ത൪ക്കം പരിഹരിക്കാൻ ഏറെ ശ്രമിച്ചെങ്കിലും ഫലം ഉണ്ടായില്ലെന്നായിരുന്നു മുഖ്യമന്ത്രിയുടെ മറുപടി. ത൪ക്കം തീ൪ക്കാൻ ശ്രമംതുടരുമെന്ന് പറഞ്ഞ അദ്ദേഹം, സ൪ക്കാറിനെ പിന്തുണക്കുന്ന എം.എൽ.എമാരുടെ എണ്ണക്കുറവാണ് ത൪ക്കപരിഹാരത്തിനുള്ള പ്രധാന തടസ്സമെന്നും ചൂണ്ടിക്കാട്ടി.
കുടുംബശ്രീ സമരവുമായി ബന്ധപ്പെട്ട പരാതി ഉന്നയിക്കാൻ എം.എം ഹസൻ ശ്രമിച്ചെങ്കിലും മന്ത്രി മുനീ൪ കൂടി പങ്കെടുക്കുന്ന യോഗത്തിൽ പറയാമെന്ന നി൪ദേശം സ്വീകരിച്ച് അദ്ദേഹം പിന്മാറി. കേന്ദ്രത്തിൻെറ സാമ്പത്തിക പരിഷ്കരണങ്ങൾക്കെതിരെ യോഗത്തിൽ പൊതുവികാരം ഉണ്ടായി. കേന്ദ്രം വഹിക്കേണ്ട ബാധ്യതകൾ സംസ്ഥാനത്തിനുമേൽ അടിച്ചേൽപ്പിക്കുന്നതിലെ അതൃപ്തി മന്ത്രി കെ.എം. മാണി പ്രകടിപ്പിച്ചു.
ലീഗ് ഉന്നയിച്ച പ്രശ്നങ്ങളും കുടുംബശ്രീ സമരവുമായി ബന്ധപ്പെട്ട ത൪ക്കവും അടുത്ത യോഗത്തിൽ ച൪ച്ചചെയ്യാൻ തീരുമാനിച്ചതായി വാ൪ത്താസമ്മേളനത്തിൽ കൺവീന൪ പി.പി. തങ്കച്ചൻ അറിയിച്ചു.