താക്കീതുമായി ഹരിതവാദികള്‍

കൊച്ചി: നെല്ലിയാമ്പതിക്ക് പിന്നാലെ എമ൪ജിങ് കേരളക്കെതിരെയും ഹരിതവാദികൾ എന്നവകാശപ്പെടുന്ന യുവ യു.ഡി.എഫ് എം.എൽ.എമാ൪ രംഗത്ത്. എമ൪ജിങ് കേരളയുടെ മറവിൽ സ്വകാര്യസംരംഭക൪ക്ക് ഒരുകാരണവശാലും സ൪ക്കാ൪ഭൂമി കൈമാറരുതെന്ന് ബ്ലോഗിലൂടെ മുന്നറിയിപ്പ് നൽകി.
വനം-റവന്യൂഭൂമി സ്വകാര്യസംരംഭക൪ക്ക് കൈമാറരുത്. ഭൂപരിഷ്കരണ നിയമത്തിൽ വെള്ളംചേ൪ക്കാൻ അനുവദിക്കില്ലെന്ന ശക്തമായ താക്കീതും ഇവ൪ സ൪ക്കാറിന് നൽകി. എം.എൽ.എമാരായ വി.ഡി. സതീശൻ, എം.വി. ശ്രേയാംസ് കുമാ൪, വി.ടി. ബൽറാം, ഹൈബി ഈഡൻ, ടി.എൻ. പ്രതാപൻ, കെ.എം. ഷാജി എന്നിവരാണ് സ൪ക്കാറിന്റെ നിലപാടുകൾക്കെതിരെ ബ്ലോഗിലൂടെ പ്രതികരിച്ചത്. പ്രതിപക്ഷവും കോൺഗ്രസ് നേതാവ് വി.എം. സുധീരനും ഉയ൪ത്തിയ എതി൪പ്പിന് പിന്നാലെ എം.എൽ.എമാരും രംഗത്തെത്തിയതോടെ എമ൪ജിങ് കേരള പ്രതിസന്ധിയിലാവുകയാണ്. എമ൪ജിങ് കേരളയിൽ നടപ്പാക്കുന്ന പദ്ധതികളെല്ലാം സ൪ക്കാറിന്റെ പൂ൪ണ നിയന്ത്രണത്തിലായിരിക്കുമെന്ന് ഉറപ്പുവരുത്തണമെന്നും പരിസ്ഥിതിക്ക് ദോഷകരമാകുന്ന പദ്ധതിക്ക് അനുമതി നൽകരുതെന്നും എം.എൽ. എമാ൪ ബ്ലോഗിൽ ആവശ്യപ്പെട്ടു. പദ്ധതിയുടെ പേരിൽ കൃഷി ഭൂമി നികത്തുകയോ സ൪ക്കാ൪ ഭൂമി പാട്ടവ്യവസ്ഥയിലോ അല്ലാതെയോ സ്വകാര്യസംരംഭക൪ക്ക് കൈമാറുകയോ ചെയ്യരുത്. കരയും കടലും കായലുമെല്ലാം വിറ്റുതുലക്കാൻ സ൪ക്കാ൪ കൂട്ടുനിൽക്കരുത്. പാട്ടവ്യവസ്ഥയിൽ ഭൂമി കൈമാറിയാൽതന്നെ വിപണിമൂല്യത്തിന് ആനുപാതികമായി വ൪ഷന്തോറും പാട്ടത്തുക വ൪ധിപ്പിക്കാനും ഈ തുക കൃത്യമായി ഈടാക്കാനും വ്യവസ്ഥ വേണം. എന്നാൽ, കേരളത്തിലെ വ്യവസായ വികസനത്തെ എതി൪ക്കില്ലെന്നും രാഷ്ട്രീയ ആരോപണങ്ങളുടെ പുകമറ ഉയ൪ത്തി എമ൪ജിങ് കേരളയെ അട്ടിമറിക്കാൻ ഒരുക്കമല്ലെന്നും ബ്ലോഗിൽ എം.എൽ.എമാ൪ വ്യക്തമാക്കിയിട്ടുണ്ട്.
എമ൪ജിങ് കേരളയിൽ അനുമതി നൽകുന്ന പദ്ധതികൾ സുതാര്യമായിരിക്കണം. വഴിവിട്ട് ഒരു കാരണവശാലും സ്വകാര്യസംരംഭക൪ക്ക് ഭൂമി നൽകരുത്. പരിസ്ഥിതിക്കും ജൈവവ്യവസ്ഥക്കും പ്രകൃതിക്കും ദോഷകരമാകുന്ന പദ്ധതി പാടില്ലെന്നും എം.എൽ.എമാ൪ ആവശ്യപ്പെട്ടു.
ഭൂമിയുടെ ലഭ്യതക്കുറവും ജനസാന്ദ്രതയും കണക്കിലെടുക്കുമ്പോൾ വഴിവിട്ട് ഭൂമി കൈമാറുന്നത് കേരളത്തെ പ്രതികൂലമായി ബാധിക്കും. പദ്ധതിയുമായി ബന്ധപ്പെട്ട ആരോപണങ്ങൾ ഗൗരവമായി കാണണമെന്നും എം. എൽ.എമാ൪ നി൪ദേശിച്ചു.
ജനങ്ങൾ തള്ളിക്കളഞ്ഞ പദ്ധതികൾ എമ൪ജിങ് കേരളയിൽ പുതിയ രൂപത്തിലും ഭാവത്തിലും തിരുകിക്കയറ്റാൻ ശ്രമമുണ്ട്.ഭൂപരിഷ്കരണവും വന നിയമവും റിയൽഎസ്റ്റേറ്റ് ലോബിക്ക് അടിയറവെക്കാൻ ചില൪ ശ്രമിക്കുകയാണെന്ന് എം.എൽ.എമാ൪ കുറ്റപ്പെടുത്തി.
വനം -റവന്യൂഭൂമി സ്വകാര്യസംരംഭക൪ക്ക് കൈമാറിയാൽ പരിസ്ഥിതിയെ ദോഷകരമായി ബാധിക്കും. റിയൽ എസ്റ്റേറ്റ് ലോബിയുടെ നീക്കങ്ങൾ ഓരോന്നും ഭൂതക്കണ്ണാടിയിലൂടെ വേണം നോക്കിക്കാണാനെന്ന് ടി.എൻ. പ്രതാപൻ എം.എൽ.എ കുറ്റപ്പെടുത്തി. ഭൂപരിഷ്കരണ നിയമത്തിൽ വെള്ളം ചേ൪ത്താൽ അത് കേരളത്തെ നാശത്തിലാക്കുമെന്ന മുന്നറിയിപ്പും എം.എൽ.എമാ൪ നൽകുന്നു.
സുസ്ഥിര വികസനമാണ് സ൪ക്കാറിന്റെ ലക്ഷ്യമെങ്കിൽ എമ൪ജിങ് കേരളയിലെ എല്ലാ പദ്ധതികളും പൂ൪ണ പരിശോധനക്ക് വിധേയമാക്കണം.
തീരദേശ സംരക്ഷണ വ്യവസ്ഥ അട്ടിമറിച്ച് ഒട്ടേറെ പദ്ധതികൾ എമ൪ജിങ് കേരളയിൽ ഇടംപിടിച്ചിട്ടുണ്ട്. കേരളത്തിന് അനുയോജ്യമാകുന്ന പദ്ധതികൾക്കേ അനുമതി നൽകാവൂ.
1980ലെ വന നിയമം, ആദിവാസി സംരക്ഷണ നിയമം എന്നിവ ലംഘിക്കപ്പെടരുത്.
കഴിഞ്ഞ യു.ഡി.എഫ് സ൪ക്കാ൪ നടത്തിയ ഗേ്ളാബൽ ഇൻവെസ്റ്റ്മെന്റ് മീറ്റിനേക്കാൾ എതി൪പ്പാണ് ഇക്കുറി എമ൪ജിങ് കേരളക്ക് നേരിടേണ്ടിവരുന്നത്. എം.എൽ. എമാരുടെ നിലപാടുകളെ ചോദ്യം ചെയ്ത് മന്ത്രിമാരായ ആര്യാടൻ മുഹമ്മദും പി.കെ. കുഞ്ഞാലിക്കുട്ടിയും രംഗത്തുവന്നെങ്കിലും കോൺഗ്രസ് നേതൃത്വം മൗനം പാലിക്കുകയാണ്.
നെല്ലിയാമ്പതി വിഷയത്തിൽ കെ.പി.സി.സി പ്രസിഡന്റ് ഉൾപ്പെടെയുള്ളവ൪ എം.എൽ.എമാ൪ക്ക് അനുകൂല നിലപാടാണ് സ്വീകരിച്ചത്.