Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightഖുര്‍ആന്‍ കത്തിച്ച...

ഖുര്‍ആന്‍ കത്തിച്ച യു.എസ് സൈനികര്‍ക്കെതിരെ നടപടിക്ക് ശിപാര്‍ശ

text_fields
bookmark_border
ഖുര്‍ആന്‍ കത്തിച്ച യു.എസ് സൈനികര്‍ക്കെതിരെ നടപടിക്ക് ശിപാര്‍ശ
cancel

വാഷിങ്ടൺ: അഫ്ഗാനിസ്താനിൽ ഖു൪ആൻ പതിപ്പുകൾ കത്തിക്കുകയും വികൃതമാക്കുകയും ചെയ്ത സംഭവത്തിലുൾപെട്ട സൈനിക൪ക്കെതിരെ നടപടിയെടുക്കണമെന്ന് യു.എസ് അന്വേഷണ സംഘം ശിപാ൪ശ ചെയ്തു. അധിനിവേശ സൈനിക൪ ഇസ്ലാം മതവിശ്വാസത്തെ വ്രണപ്പെടുത്തിയതായി തെളിഞ്ഞെന്നും ഇവ൪ക്കെതിരെ പട്ടാളവകുപ്പുകൾ അനുസരിച്ച് അച്ചടക്ക നടപടിയെടുക്കുമെന്നും പെന്റഗൺ പ്രസ് സെക്രട്ടറി ജോ൪ജ് ലിറ്റിൽ അറിയിച്ചു.
മതഗ്രന്ഥങ്ങൾ തിരിച്ചറിയുന്നതിനാവശ്യമായ പരിശീലനങ്ങൾ സൈനിക൪ക്ക് നൽകിയിട്ടുണ്ടെന്നും ഇത്തരം സംഭവങ്ങൾ ആവ൪ത്തിക്കില്ലെന്നും അദ്ദേഹം വ്യക്തമാക്കി.
ഈ വ൪ഷാദ്യമായിരുന്നു സംഭവം. കാബൂളിലെ നാറ്റോ വ്യോമതാവളത്തിലെ തടങ്കൽകേന്ദ്രത്തിലുള്ള ഖു൪ആനും മറ്റ് ഗ്രന്ഥങ്ങളുമാണ് അധിനിവേശ സൈനിക൪ കത്തിച്ചത്. തടവുകാ൪ സന്ദേശം കൈമാറാനായി ഗ്രന്ഥങ്ങൾ ഉപയോഗിച്ചുവെന്ന് നാറ്റോ ഉദ്യോഗസ്ഥ൪ വിവ൪ത്തകരുടെ സഹായത്തോടെ കണ്ടെത്തുകയായിരുന്നുവത്രെ. ഇത്തരം 1652 ഗ്രന്ഥങ്ങൾ മാറ്റാൻ ഉദ്യോഗസ്ഥ൪ ഉത്തരവിടുകയും സൈനിക൪ ഇവ പെട്ടികളിലാക്കി കത്തിക്കുകയുമായിരുന്നു.
ഇവയിൽ ഖു൪ആനും ഉൾപ്പെട്ടിട്ടുണ്ടെന്ന് സൈനിക൪ക്ക് അറിയില്ലായിരുന്നുവെന്നായിരുന്നു നാറ്റോയുടെ വാദം. ഖു൪ആൻ കത്തിച്ച നാറ്റോ സേനയുടെ നടപടിക്കെതിരെ ലോകമെങ്ങും ശക്തമായ പ്രതിഷേധമുയ൪ന്നിരുന്നു.കാബൂളിലും മറ്റുമുണ്ടായ അക്രമസംഭവങ്ങളിൽ 30 അഫ്ഗാൻ പൗരന്മാരും ആറ് യു.എസ് സൈനികരും കൊല്ലപ്പെട്ടിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story