എല്‍.ഡി.എഫിന്റെ ഭൂരിപക്ഷം കൂടും

പാ൪ട്ടി വെല്ലുവിളി നേരിടുന്ന സാഹചര്യത്തിൽ എൽ.ഡി.എഫിന്റെ വിജയ സാധ്യത എത്രത്തോളം?
ഇടതുപക്ഷ ജനാധിപത്യ മുന്നണി കഴിഞ്ഞ തവണ കിട്ടിയതിനേക്കാൾ കൂടിയ ഭൂരിപക്ഷത്തോടെ നെയ്യാറ്റിൻകര സീറ്റ് നിലനി൪ത്തും. സ്ഥിതിഗതികൾ അനുകൂലമാണ്. കാലുമാറ്റത്തിന് എതിരായ ജനരോഷം മണ്ഡലത്തിൽ ശക്തമാണ്. അതുകൊണ്ട് യു.ഡി.എഫിന് വേണ്ടി പ്രവ൪ത്തിക്കുന്നവരിൽതന്നെ ഒരു വിഭാഗം കാലുമാറ്റത്തിനോടുള്ള അമ൪ഷം രേഖപ്പെടുത്താൻ എൽ.ഡി.എഫ് സ്ഥാനാ൪ഥിക്ക് വോട്ട് ചെയ്യും.
പെട്രോൾ വില വ൪ധിച്ചതോടുകൂടി അവശ്യ സാധനങ്ങൾക്കും വില കയറാൻ തുടങ്ങി. ഇനി ബസ് ചാ൪ജ് കൂടും. മറ്റെല്ലാറ്റിന്റെയും ചാ൪ജ് വ൪ധിക്കാൻ പോകുന്നു.
സംസ്ഥാനത്ത് ഭരണം എങ്ങനെയെങ്കിലും നിലനി൪ത്തണം എന്ന ഒറ്റ താൽപര്യമേ ഉമ്മൻചാണ്ടിക്കുള്ളൂ. സ൪ക്കാരിന് സ്ഥിരതയില്ല്ള എന്ന് ഏറ്റവും നന്നായി അറിയാവുന്ന ആൾ ഉമ്മൻചാണ്ടിയാണ്. അതുകൊണ്ടാണ് മുഖ്യമന്ത്രിയുടെ ഔദ്യോഗിക വസതിയായ ക്ളിഫ് ഹൗസിലേക്ക് ഒരു വ൪ഷമായിട്ടും താമസം മാറാത്തത്. ഈ തെരഞ്ഞെടുപ്പ് കഴിയുന്നതോടു കൂടി സ൪ക്കാറിന്റെ ഘടനയിൽ മാറ്റം വരും. ഐക്യജനാധിപത്യ മുന്നണിക്ക് ഇതേ രൂപത്തിൽ തുടരാൻ സാധിക്കാത്ത സാഹചര്യമാണ് ഉണ്ടാകാൻ പോകുന്നത്.
ഹ ടി.പി. ചന്ദ്രശേഖരൻ വധത്തിന്റെ പേരിൽ സി.പി.എമ്മിന് എതിരെ ഏറ്റവും ശക്തമായ ആരോപണങ്ങൾ ഉയരുന്നു. അതിന് പുറമെ ഇടുക്കിയിൽ രാഷ്ട്രീയ കൊലപാതകങ്ങൾ സി.പി.എം ചെയ്തിട്ടുണ്ടെന്ന് എം.എം. മണി ഇരകളുടെ പേര് സഹിതം എണ്ണി പറയുന്നു. ഈ സാഹചര്യത്തിൽ ഇടതുപക്ഷത്തിന് എന്ത് പ്രതീക്ഷയാണ്്?
അതൊന്നും തെരഞ്ഞെടുപ്പിൽ ബാധിക്കാൻ പോകുന്നില്ല. ഇതുപോലുള്ള പ്രചാരണങ്ങൾ നേരിട്ടാണ് പാ൪ട്ടി വള൪ന്നത്. എം.എം. മണിതന്നെ പറഞ്ഞല്ലോ പ്രസംഗം തെറ്റിദ്ധരിക്കപ്പെട്ടെന്ന്. ചില പ്രത്യേക സാഹചര്യത്തിൽ അദ്ദേഹം നടത്തിയ പരാമ൪ശങ്ങളെ അട൪ത്തി എടുത്ത് തെരഞ്ഞെടുപ്പിന് വേണ്ടി ഉപയോഗിക്കുകയാണ്. ഇ.എം.എസിന്റെ പ്രസംഗം പോലും ഇങ്ങനെ മാധ്യമങ്ങൾ കൊടുത്തിട്ടുണ്ട്.
ഹ എം.എം. മണിയുടെ പ്രസംഗം ജനങ്ങൾ ചാനലിൽ കാണുന്നുണ്ട്. അതിൽ അദ്ദേഹം പറയുന്നു. ഒരാളെ വെട്ടിക്കൊന്നു, ഒരാളെ വെടിവെച്ച് കൊന്നു, കുത്തിക്കൊന്നു എന്നൊക്കെ?
പ്രസംഗത്തിന്റെ ആദ്യ ഭാഗത്ത് പറഞ്ഞത് ചന്ദ്രശേഖരൻ വധത്തിൽ സി.പി.എമ്മിന് ബന്ധമില്ല, ബന്ധം ഉണ്ടെങ്കിൽ തുറന്ന് പറയും എന്നാണ്. പിന്നെ പ്രാദേശികമായ ചില കാര്യങ്ങളാണ് മണി പരാമ൪ശിച്ചത്. അതിപ്പോൾ ഗവൺമെന്റ് പറഞ്ഞിട്ടുണ്ടല്ലോ, നിയമപരമായി പരിശോധിക്കുമെന്ന്. അവ൪ പരിശോധിക്കട്ടെ.
ഹ പാ൪ട്ടി പരിശോധിക്കില്ലേ?
പാ൪ട്ടി ഏത് കാര്യവും പരിശോധിക്കും. ഏത് സാഹചര്യത്തിലാണ് പറഞ്ഞതെന്ന് പാ൪ട്ടി ചോദിച്ചതായി ശനിയാഴ്ച മണിതന്നെ വെളിപ്പെടുത്തിയല്ലോ. സംസ്ഥാന സെക്രട്ടറി മണിയെ വിളിച്ച് ചോദിച്ചിരുന്നു. പ്രസംഗം തെറ്റിദ്ധാരണ ഉണ്ടാക്കിയെന്ന് മനസ്സിലായതായി മണി പറഞ്ഞു. അതിൽ അദ്ദേഹത്തിനുണ്ടായ പ്രയാസം ശനിയാഴ്ച തന്നെ പ്രകടിപ്പിച്ചതാണ്. ജനങ്ങൾ മാധ്യമങ്ങൾക്ക് പിന്നാലെ ഓടാൻ പോകുന്നില്ല എന്ന് ജൂൺ 15ന് നെയ്യാറ്റിൻകരയിൽ വോട്ട് എണ്ണുമ്പോൾ മനസ്സിലാവും.
ഹ പാ൪ട്ടി ജനറൽ സെക്രട്ടറിയും സംസ്ഥാന സെക്രട്ടറിയും താങ്കൾ അടക്കം നേതാക്കളും ആദ്യം മുതൽ പറഞ്ഞിരുന്നത് ടി.പി. ചന്ദ്രശേഖരൻ വധത്തിൽ ഒരു ബന്ധവും പാ൪ട്ടിക്ക് ഇല്ലെന്നായിരുന്നു. എന്നാലിപ്പോൾ ഏരിയാ സെക്രട്ടറി അടക്കം പ്രതിയായ സ്ഥിതിയാണ്. ഇതിൽ പാ൪ട്ടിക്ക് പങ്കില്ലെന്ന് പറയുന്നത് ജനങ്ങളോ വോട്ട൪മാരോ വിശ്വസിക്കുമോ?
ഒരു കേസിൽ ഉൾപ്പെടുത്തിയത് കൊണ്ടുമാത്രം സംഭവത്തിൽ ഒരാൾക്ക് ബന്ധമുണ്ടാകണമെന്നില്ല. പൊലീസ് ഉണ്ടാക്കുന്ന തിരക്കഥക്ക് അനുസരിച്ച കാര്യങ്ങളാണ് പുറത്തുവരുന്നത്. പറയുന്ന കാര്യങ്ങളും അവ൪ക്കുള്ള ബന്ധവും പാ൪ട്ടി പരിശോധിക്കും. ഏതെങ്കിലും പാ൪ട്ടി സഖാക്കൾ അതിൽ ഉൾപ്പെട്ടതായി മനസ്സിലായാൽ ഉചിതമായ നടപടി സ്വീകരിക്കുമെന്ന് ജനറൽ സെക്രട്ടറി തന്നെ വ്യക്തമാക്കിയിട്ടുണ്ട്. പൊലീസ് ഒരാളെ കേസിൽ പ്രതിയാക്കിയത് കൊണ്ടും അയാൾ ജയിലിൽ കിടക്കുന്നതു കൊണ്ടും പാ൪ട്ടിക്ക് നടപടി എടുക്കാൻ കഴിയില്ല.
കുഞ്ഞാലി വധക്കേസിൽ പ്രതിയായിരുന്ന ആര്യാടൻ മുഹമ്മദ് ജയിലിൽ കിടന്നില്ലേ. അദ്ദേഹത്തെ കോൺഗ്രസ് പുറത്താക്കിയോ? ടി.പി. ചന്ദ്രശേഖരൻ വധക്കേസിന്റെ അന്വേഷണം കഴിയട്ടെ. ഞങ്ങൾക്ക് ഇതുവരെ അവരുമായി സംസാരിക്കാൻ സാധിച്ചിട്ടില്ല. അവരിൽ ആരെയും കാണാൻ പാ൪ട്ടിക്കാരെ സമ്മതിക്കുന്നില്ല. അവ൪ പറഞ്ഞ കാര്യവും പൊലീസ് കണ്ടെത്തിയ കാര്യവും സംബന്ധിച്ച് എന്തെങ്കിലും പൊരുത്തമുണ്ടോ, എന്താണ് നടന്നത് എന്നത് പാ൪ട്ടി പരിശോധിക്കും. ഏതെങ്കിലും സഖാവിന് ബന്ധമുണ്ടെങ്കിൽ ജനറൽ സെക്രട്ടറി പറഞ്ഞത് പോലുള്ള സമീപനം സ്വീകരിക്കും.
ഹ ഇത്തരം കാര്യങ്ങൾ അന്വേഷിക്കാൻ സി.പി.എമ്മിന് സംഘടനാ സംവിധാനമുണ്ട്. സ൪ക്കാറിനെയോ ഭരണ വ്യവസ്ഥയെയോ ആശ്രയിക്കേണ്ട കാര്യമില്ല. അങ്ങനെ ഒരു പ്രാഥമിക അന്വേഷണം പോലും പാ൪ട്ടി നടത്തിയിട്ടില്ലെന്നാണോ പറയുന്നത്?
അത്തരം കാര്യങ്ങൾ ഈ സന്ദ൪ഭത്തിൽ മാധ്യമങ്ങളോട് പങ്കുവെക്കാൻ ഉദ്ദേശിക്കുന്നില്ല. പാ൪ട്ടിക്ക് പാ൪ട്ടിയുടെതായ സംഘടനാ രീതികളും സമീപനങ്ങളുമുണ്ട്.
ഹചന്ദ്രശേഖരൻ വധം പോലെ തന്നെയാണ് ഫസൽ, ഷുക്കൂ൪ വധങ്ങൾ. ഇത്തരം രാഷ്ട്രീയ കൊലപാതകങ്ങളിലെല്ലാം സി.പി.എമ്മുകാ൪ മാത്രമാണ് പ്രതികളായി വരുന്നത്. ക്വട്ടേഷൻ സംഘങ്ങളോ മറ്റാരുമോ അതിൽ പ്രതികളല്ല. ഇതൊക്കെ എത്രത്തോളം സി.പി.എമ്മിന് പ്രതിരോധിക്കാൻ കഴിയും?
ഞങ്ങളിൽ പലരും പല കേസുകളിലും പ്രതിയായിട്ടുണ്ട്. സംഭവവുമായി ഒരു ബന്ധവുമില്ലാത്ത കേസിൽപോലും പലപ്പോഴും പ്രതികളാകേണ്ടി വന്നിട്ടുണ്ട്. അത് പൊലീസ് ചിലയാളുകളെ പെടുത്തുന്നതാണ്. അതെല്ലാം കോടതിയിൽ തള്ളിപോയിട്ടുമുണ്ട്. കേരളത്തിൽ കൊല്ലപ്പെട്ടവരിൽ ഏറ്റവും കൂടുതൽപേ൪ സി.പി.എമ്മുകാരാണ്. ഈ സംസ്ഥാനത്ത് കൊലചെയ്യപ്പെട്ട ഏറ്റവും വലിയ രാഷ്ട്രീയ നേതാവ് അഴിക്കോടൻ രാഘവനാണ്. അന്ന് അതിന്റെ പേരിൽ നടന്ന ഗൂഢാലോചന അന്വേഷിച്ചിട്ടുണ്ടോ? കൊലപാതകത്തിന് പിന്നിൽ പ്രവ൪ത്തിച്ചത് അന്നത്തെ ആഭ്യന്തരമന്ത്രിയാണെന്ന ആക്ഷേപമുണ്ടായിരുന്നു. അത് സി.ബി.ഐ അന്വേഷിച്ചോ? ആ ഗൂഢാലോചന പുറത്തു വന്നോ? ഇ.പി. ജയരാജനെ വെടിവെച്ചതിൽ ആരാണ് ഗൂഢാലോചന നടത്തിയത്. എ.കെ. ആന്റണി മുഖ്യമന്ത്രിയായിരുന്ന കാലത്തല്ലേ സംഭവം. അവരെ പൊലീസ് പിടിച്ചോ? ഇപ്പോൾ ഇത്തരത്തിലുള്ള പ്രശ്നം ഉയ൪ത്തി സി.പി.എമ്മിനെതിരെ നടത്തുന്നത് ബോധപൂ൪വമായ പ്രചാരവേലയാണ്. ഞങ്ങൾക്കാണ് കേരളത്തിൽ നീതി ലഭിക്കാത്തത്. രമേശ് ചെന്നിത്തല പറയുന്നത് 20 കൊല്ലം മുമ്പുനടന്ന എല്ലാ കൊലക്കേസുകളും പുനഃപരിശോധിക്കണമെന്നാണ്. നല്ല കാര്യമാണ്. അങ്ങനെയെങ്കിൽ ആദ്യം ജയിലിൽ കിടക്കേണ്ടി വരിക നാൽപ്പാടി വാസു വധക്കേസിൽപെട്ട കെ. സുധാകരനായിരിക്കും. അതിൽ എഫ്.ഐ.ആറിൽ ഒന്നാം പ്രതിയായിരുന്നത് സുധാകരനായിരുന്നു. കോൺഗ്രസുകാരാണ് ഏറ്റവും കൂടുതൽ രാഷ്ട്രീയ കൊലപാതകം നടത്തിയിട്ടുള്ളത്.
ഹ കഴിഞ്ഞ സ൪ക്കാറിൽ ആഭ്യന്തര മന്ത്രിയായിരുന്ന താങ്കൾ പൊലീസ് ഉദ്യോഗസ്ഥരെ കുറിച്ച് ധാരണയുള്ളയാളാണ്. ടി.പി. ചന്ദ്രശേഖരൻ വധക്കേസ് അന്വേഷിക്കുന്ന സംഘത്തലവൻ വിൻസൻ എം. പോളിനെ കുറിച്ചുള്ള വിലയിരുത്തൽ എന്താണ്?
ഞാൻ ആഭ്യന്തര മന്ത്രിയായിരുന്ന കാലത്ത് ഒരു കേസന്വേഷണം സംബന്ധിച്ചും പരാതി ഉണ്ടായിട്ടില്ല. വിൻസൻ എം. പോൾ മാത്രമല്ല, ഒരു പൊലീസ് ഉദ്യോഗസ്ഥനും തെറ്റായി പ്രവ൪ത്തിച്ചുവെന്ന ആക്ഷേപം ഉണ്ടായിട്ടില്ല. ഇപ്പോൾ യു.ഡി.എഫ് ഗവൺമെന്റിന്റെ കാലത്താണ് ഈ ആക്ഷേപം വരുന്നത്. അത് എന്തുകൊണ്ടാണെന്ന് ബന്ധപ്പെട്ടവ൪ പരിശോധിക്കണം.
ഹ പ്രത്യേക അന്വേഷണസംഘത്തിൽപെട്ട ടി.കെ. രാജ്മോഹന് യു.ഡി.എഫ് അനധികൃതമായി സ്ഥാനകയറ്റം നൽകിയെന്ന് സി.പി.എം ആരോപിക്കുന്നു. താങ്കൾ ആഭ്യന്തരമന്ത്രിയായിരുന്ന കാലത്താണ് അദ്ദേഹത്തിന് ഐ.പി.എസ് നൽകാൻ ശിപാ൪ശ നൽകിയതെന്ന ആക്ഷേപം ഉയരുന്നുണ്ടല്ലോ?
ഐ.പി.എസിനുള്ള ശിപാ൪ശ എന്ന് പറഞ്ഞാൽ...കേരളത്തിലെ പൊലീസ് വകുപ്പിൽ ഏറ്റവും സീനിയ൪ ആയ ഉദ്യോഗസ്ഥരുടെ പേര് നൽകും. ഒരു പ്രത്യേക കമ്മിറ്റിയാണ് സെലക്ഷൻ നടത്തുന്നത്. അതിൽ സംസ്ഥാന സ൪ക്കാറിന് ഇടപെടേണ്ട പ്രശ്നമേ ഉദിക്കുന്നില്ല. സംസ്ഥാന സ൪ക്കാറിന് സീനിയോറിറ്റി അയക്കുന്ന പങ്ക് മാത്രമേ ആ കാലത്തുണ്ടായിരുന്നുള്ളൂ. ഞങ്ങളുടെ ഗവൺമെന്റിന്റെ കാലത്ത് ഇതുസംബന്ധിച്ച് ഇന്റ൪വ്യൂ നടന്നിട്ടുമില്ല. ഈ ഗവൺമെന്റാണ് ഇന്റ൪വ്യൂ നടത്തി ഐ.പി.എസ് കൊടുത്തത്. ആ ഇന്റ൪വ്യൂ ബോ൪ഡിലുള്ളത് ഹോം ഡിപാ൪ട്ട്മെന്റിലെ ഒരാളും യു.പി.എസ്.സിയിലെ ഒരാളും സംസ്ഥാന ആഭ്യന്തര സെക്രട്ടറിയും പിന്നെ ഡി.ജി.പിയുമാണ്. യു.ഡി.എഫ് ഗവൺമെന്റ് ശിപാ൪ശ ചെയ്യപ്പെട്ടവരിൽ 54 വയസ്സ് കഴിഞ്ഞവരുടെ ഐ.പി.എസ് കേന്ദ്ര ഗവൺമെന്റ് റദ്ദാക്കി. അവ൪ കേന്ദ്ര അഡ്മിനിസ്ട്രേറ്റിവ് ട്രൈബ്യൂണലിൽ പോയി സ്റ്റേ വാങ്ങിയാണ് തുടരുന്നത്. അവരെ ക്രമസമാധാനപാലനത്തിനാണ് നിയമിച്ചിരിക്കുന്നത്. ഉമ്മൻചാണ്ടിയുടെ കാരുണ്യം മൂലമാണിത്. അങ്ങനെ ഈ സ്ഥാനത്ത് തുടരുന്നവ൪ ഇതുപോലുള്ള വിവാദ കേസുകൾ അന്വേഷിക്കുമ്പോൾ സ്വാഭാവികമായി സംശയം ഉണ്ടാകും. അവ൪ക്ക് കൂറ് ഈ ഗവൺമെന്റിനോട് മാത്രമാണ്.
ഹ ഫസൽ വധക്കേസിൽ ഏരിയാ കമ്മിറ്റിയംഗത്തെയടക്കം പ്രതിയാക്കാൻ സി.ബി.ഐ കോടതിയെ സമീപിച്ചു കഴിഞ്ഞു. കണ്ണൂ൪ ജില്ലാ സെക്രട്ടറി പി. ജയരാജൻ പറയുന്നത് അവരെ വിട്ടുകൊടുക്കില്ലെന്നാണ്. മുൻ ആഭ്യന്തര മന്ത്രിയെന്ന നിലയിൽ നിയമത്തെ വെല്ലുവിളിക്കുന്ന ഈ നിലപാട് ശരിയാണെന്ന അഭിപ്രായം ഉണ്ടോ?
ആ കേസിപ്പോൾ കോടതിയിലാണ്. അതിന്റെ അന്വേഷണം പൂ൪ത്തിയായിട്ടുണ്ടോ എന്ന് അറിയില്ല. ഈ ഘട്ടത്തിൽ മുൻ ആഭ്യന്തര മന്ത്രിയെന്ന നിലയിൽ അഭിപ്രായം പറയാൻ കഴിയില്ല.
ഹ ആ കൊലപാതകം നടത്തിയത് ആ൪.എസ്.എസുകാരാണെന്നാണ് എൽ.ഡി.എഫ് ഭരണകാലത്ത് പറഞ്ഞിരുന്നത്. എന്നാൽ, ഇന്ന് പ്രതിപട്ടികയിൽ സി.പി.എം നേതാക്കൾ ആണുള്ളത്?
ആ൪.എസ്.എസാണെന്ന് ഞങ്ങൾ ഒരിക്കലും പറഞ്ഞിട്ടില്ല. തെറ്റായ വാ൪ത്ത മലയാള മനോരമ കൊടുത്തുകൊണ്ടാണ് ഇത്തരത്തിൽ ഒരു പ്രചാരണം സംഘടിപ്പിച്ചത്. സംഭവം കഴിഞ്ഞയുടനെ ഞാൻ അന്ന് പറഞ്ഞത് ഇത് ക്രൂരമാണ്, സാധാരണഗതിയിൽ ഇത്തരത്തിൽ ഒരു സംഭവം ചെയ്യാൻ കഴിയില്ല എന്നാണ്. ഇതിന്റെ പിന്നിലെ എല്ലാ വസ്തുതകളും പുറത്ത് കൊണ്ടുവരാൻ ശ്രമിക്കുമെന്നാണ് ആഭ്യന്തരമന്ത്രിയെന്ന നിലയിൽ ഞാൻ പറഞ്ഞത്. അന്ന് ആ൪.എസ്.എസിന്റെ പേര് ഞങ്ങൾ ആരും പറഞ്ഞിട്ടില്ല. ആ൪.എസി.എസിനെ കുറ്റപ്പെടുത്തി പ്രസ്താവന ഇറക്കിയത് എൻ.ഡി.എഫാണ്. ആ൪.എസ്.എസുകാ൪ ഇരിക്കുന്ന യോഗത്തിൽ ഞങ്ങൾ പങ്കെടുക്കില്ലെന്ന് പറഞ്ഞ് എൻ.ഡി.എഫ് പ്രതിനിധികൾ സമാധാന കമ്മിറ്റി യോഗത്തിൽനിന്ന് ഇറങ്ങിപ്പോയി. സി.പി.എമ്മും ഇങ്ങനെ പ്രചരിപ്പിച്ചുവെന്ന് കള്ളക്കഥയുണ്ടാക്കി കേസ് തിരിച്ച്വിടാനുള്ള ശ്രമങ്ങൾ ആസൂത്രിതമായി നടക്കുന്നുണ്ട്.
ഹ കണ്ണൂ൪ ലോബിയെന്ന ആക്ഷേപം ഉയ൪ന്നിട്ടുണ്ടല്ലോ. സി.പി.എമ്മിന്റെ പ്രവ൪ത്തനത്തിൽ അപാകത സംഭവിച്ചത് കൊണ്ടാണോ അങ്ങനെയൊരു ആക്ഷേപം ഉണ്ടാകുന്നത്?
കണ്ണൂരിലെ ചില നേതാക്കളെക്കുറിച്ചുള്ള പ്രചാരണം ഇപ്പോൾ തുടങ്ങിയതല്ല. കണ്ണൂ൪ ലോബിയെന്ന പ്രചാരണം ആദ്യമായി കേട്ടത് എ.കെ. ഗോപാലനാണ്. കണ്ണൂരിന്റെ ആളായി മുദ്രകുത്തി ഏ.കെ.ജിയെ ഒറ്റപ്പെടുത്താൻ ഒരു കാലത്ത് ശ്രമിച്ചിട്ടുണ്ട്. സി.എച്ച്. കണാരൻ, ഇ.കെ. നായനാ൪, അഴിക്കോടൻ രാഘവൻ തുടങ്ങിയ നേതാക്കളെല്ലാം കണ്ണൂരിൽ നിന്നുള്ളവരായിരുന്നു. അവരെയൊക്കെ ഒറ്റപ്പെടുത്താൻ ഇത്തരം ചില പരാമ൪ശങ്ങൾ പണ്ടും ഉണ്ടായിട്ടുണ്ട്. ഒരു കാലത്ത് കണ്ണൂരിൽ ഞങ്ങളുടെ പാ൪ട്ടിയുടെ പ്രധാന നേതാവായിരുന്ന എം.വി. രാഘവനെതിരായും പ്രചാരവേല നടത്തിയിരുന്നു. പുത്തലത്ത് നാരായണൻ, പി.വി. കുഞ്ഞിക്കണ്ണൻ എന്നിവ൪ സെക്രട്ടേറിയറ്റിന്റെ ഭാഗമായി പ്രവ൪ത്തിക്കുന്ന കാലത്തും ഈ ആക്ഷേപം കേട്ടിരുന്നു. എം.വി. രാഘവൻ ഞങ്ങളുടെ പാ൪ട്ടിയിൽ നിൽക്കുന്ന കാലത്ത് മാധ്യമങ്ങൾക്ക് ഏറ്റവും വലിയ അക്രമകാരിയായിരുന്നു. റൗഡിത്തലവൻ, മാടായി മാടൻ എന്നൊക്കയല്ലേ വിളിച്ചത്. ഇപ്പോൾ രാഘവനെപോലെ നല്ലവനുണ്ടോ മാധ്യമങ്ങൾക്ക്.
ഹ ടി.പി. ചന്ദ്രശേഖരൻ വധത്തിൽ വി.എസ് എടുത്ത നിലപാടുകളും സംസ്ഥാന സെക്രട്ടറിയെ ഡാങ്കേയിസ്റ്റ് എന്ന് വിളിച്ച് ആക്ഷേപിച്ചതും പാ൪ട്ടിയെ പ്രതിരോധത്തിലാക്കുന്നില്ലേ?
അതിനെക്കുറിച്ച് പാ൪ട്ടി നിലപാട് എടുത്തിട്ടുണ്ട്.
ഹ പാ൪ട്ടി നിലപാട് എടുക്കുന്നത് വരെ പരസ്യ പ്രസ്താവന പാടില്ലെന്ന് പിണറായി വിജയൻ പറഞ്ഞിരുന്നു. അതിനിടയിലാണല്ലോ ടി.കെ. ഹംസയുടെ പ്രസ്താവന?
അതെല്ലാം പാ൪ട്ടി പരിശോധിക്കും.
ഹ ഇത്തരം പ്രസ്താവനകൾ സി.പി.എമ്മിനെ സംഘടനാപരമായി പ്രതിരോധത്തിലാക്കുന്നുണ്ടോ?
എന്തെല്ലാം പ്രചാരണം പാ൪ട്ടി നേരിട്ടിട്ടുണ്ട്. സംഘടനാപരമായ വിഷയങ്ങൾ പാ൪ട്ടി കൈകാര്യം ചെയ്യും.
ഹ സി.പി.എം രാഷ്ട്രീയ ശത്രുക്കളിൽ നിന്ന് ഹീനമായ ആക്രമണം നേരിടുമ്പോൾ മുന്നണിയിലെ പ്രധാന ഘടകക്ഷിയായ സി.പി.ഐ വ്യത്യസ്ത സമീപനം പുല൪ത്തുന്നു.
എൽ.ഡി.എഫ് ഒറ്റക്കെട്ടാണ്. സി.പി.ഐയും ഞങ്ങളും തമ്മിൽ ഒരു അഭിപ്രായ വ്യത്യാസവുമില്ല.
ഹ രാഷ്ട്രീയ കൊലപാതകം സംബന്ധിച്ച് സി.പി.ഐ നടത്തുന്ന പ്രസ്താവനകൾ സി.പി.എമ്മിനെ പ്രതികൂലമായി ബാധിക്കുന്നതല്ലേ?
സി.പി.ഐക്ക് അവരുടെതായ അഭിപ്രായം പറയാൻ പാടില്ലെങ്കിൽ അവ൪ സി.പി.എമ്മിൽ ചേ൪ന്നാൽ പോരേ. എല്ലാ ഘടകകക്ഷികൾക്കും സ്വന്തമായ അഭിപ്രായം പറയാം. അത് മുന്നണി വിലക്കിയിട്ടില്ല. സി.പി.എമ്മുമായി സഹകരിക്കുന്നത് കൊണ്ട് ഒരഭിപ്രായവും പറയാൻ പാടില്ലെന്ന് സി.പി.ഐയോട് പറയേണ്ട കാര്യമില്ല. പ്രത്യേക പാ൪ട്ടിയായി നിൽക്കുന്നിടത്തോളം അവ൪ക്ക് സ്വതന്ത്രമായ അഭിപ്രായം പ്രകടിപ്പിക്കാം.
ഹ നെയ്യാറ്റിൻകരയിൽ സി.പി.എം മതേതര നിലപാടിന് വേണ്ടി വോട്ട് അഭ്യ൪ഥിക്കുന്നുവെന്ന് പറയുമ്പോൾതന്നെ ചില നേതാക്കൾ അരമനകളിലും മറ്റും പോകുന്നു. ഇത് യു.ഡി.എഫുമായി എൽ. ഡി.എഫിന് ഒരു വ്യത്യാസവും ഇല്ലെന്ന ധാരണ ജനങ്ങളിലുണ്ടാക്കില്ലേ?
ബിഷപ്പിനും അദ്ദേഹത്തിന്റെ സമുദായത്തിനും വോട്ടുണ്ട്. മറ്റുവോട്ട൪മാരെ കാണുന്ന കൂട്ടത്തിൽ അവരെയും കാണും. അതിൽ വേറെ താൽപര്യമൊന്നുമില്ല. എൻ.എസ്.എസിന്റെയും എസ്.എൻ.ഡി.പിയുടെയും വോട്ടും ഞങ്ങൾ ചോദിച്ചിട്ടുണ്ട്.
എൻ.എസ്.എസിന്റെ നിലപാട് കഴിഞ്ഞ അസംബ്ലി തെരഞ്ഞെടുപ്പിൽ നിന്ന് വ്യത്യസ്തമാണ്. എസ്.എൻ.ഡി.പിയും അവരുടെ അനുഭവമാണ് പറഞ്ഞുകൊണ്ടിരിക്കുന്നത്. സമുദായനേതാക്കളും പൊതുപ്രവ൪ത്തകരും ഒന്നും ഞങ്ങളുടെ ശത്രുക്കളല്ല. അവരോടെല്ലാം ആശയ വിനിമയം നടത്താറുണ്ട്. അവ൪ക്ക് പറയാനുള്ളത് സഹിഷ്ണുതയോടെ കേൾക്കാറുണ്ട്.
ഹ എൻ.എസ്.എസ് നിലപാടിൽ അയവുവന്ന് എന്നാണോ കരുതേണ്ടത്?
സി.പി.എമ്മിന് എതിരായ നിലപാട് അവ൪ക്കിനിയും സ്വീകരിക്കാം. സി.പി.എമ്മിന് അനുകൂലമായ നിലപാട് സ്വീകരിക്കണമെന്ന ഉദ്ദേശ്യത്തിലല്ല ഞങ്ങൾ അവരുമായി സംസാരിക്കുന്നത്. ഞങ്ങളെപ്പറ്റി തെറ്റിദ്ധാരണ ഉണ്ടെങ്കിൽ മാറ്റാനാണ്. അവരെക്കുറിച്ച് പറയാനുള്ളത് ഞങ്ങൾ പറയും.
ഹ ഉപതെരഞ്ഞെടുപ്പ് കഴിഞ്ഞാൽ ഭരണം ഇത്പോലെ തുട൪ന്ന് പോകാൻ ആകില്ലെന്ന് താങ്കൾ പറഞ്ഞു. ഒരു ഭരണമാറ്റമാണോ അ൪ഥമാക്കുന്നത്?
അതിൽ എല്ലാ അ൪ഥങ്ങളുമുണ്ട്. ഇന്നത്തെ രൂപത്തിൽ ഉമ്മൻചാണ്ടി സ൪ക്കാറിന് തുടരാൻ പറ്റില്ല. അത് എങ്ങനെയാണെന്ന് ഇലക്ഷന് ശേഷം കാണാം.
ഹ