അപകടകരമായ നീരൊഴുക്ക്

ഫെഡറൽ യൂനിയൻെറ ഘടകങ്ങൾ അല്ലായിരുന്നുവെങ്കിൽ കേരളവും തമിഴ്നാടും തമ്മിൽ ഇതിനകം യുദ്ധം ആരംഭിച്ചിട്ടുണ്ടാകുമായിരുന്നു. ഹവാനയിൽ മുങ്ങിയ കപ്പലിൻെറ പേരിൽ സ്പെയിനിനെ ആക്രമിക്കാൻ അമേരിക്കയെ പ്രേരിപ്പിച്ച വില്യം റാൻഡോൾഫ് ഹേഴ്സ്റ്റും ന്യൂയോ൪ക്കിൽ തക൪ന്ന കെട്ടിടത്തിൻെറ പേരിൽ അഫ്ഗാനിസ്താനെ ആക്രമിക്കാൻ അമേരിക്കയെ നി൪ബന്ധിച്ച റൂപ൪ട്ട് മ൪ഡോക്കും നടത്തിയ മാധ്യമപ്രവ൪ത്തനത്തെ അനുസ്മരിപ്പിക്കുന്ന സമീപനമാണ് കേരളത്തിലെയും തമിഴ്നാട്ടിലെയും മാധ്യമങ്ങളിൽ കാണുന്നത്. തേനിയിൽ പാണ്ടിപ്പടയും വണ്ടിപ്പെരിയാറിൽ മലയാളിപ്പടയും തമ്പടിച്ച് മുന്നേറുന്ന വാ൪ത്ത ചമക്കാൻ വമ്പിച്ച മാധ്യമപ്പടയും അവിടെ കേന്ദ്രീകരിക്കുകയായിരുന്നു.

ഭീതിയുളവാക്കുന്ന യുദ്ധാന്തരീക്ഷം മുല്ലപ്പെരിയാറിനെ മുൻനി൪ത്തി കേരളത്തിലും തമിഴ്നാട്ടിലും സൃഷ്ടിക്കപ്പെട്ടു. ശശികുമാറിന് സ്വദേശാഭിമാനി-കേസരി മാധ്യമപുരസ്കാരം നൽകിയ വേളയിൽ അനാശാസ്യമായ ഈ മാധ്യമസമീപനം പരാമ൪ശിക്കപ്പെട്ടു. സ൪വസംഹാരിയായ മഹാപ്രളയത്തെക്കുറിച്ച് നോഹക്ക് ലഭിച്ച മുന്നറിയിപ്പ് ജനങ്ങൾ പരിഹാസത്തോടെ തള്ളുകയായിരുന്നു. പെട്ടകത്തിൻെറ നി൪മാണം അവ൪ക്ക് കൗതുകക്കാഴ്ചയായി. മാധ്യമങ്ങൾ ഇല്ലാതിരുന്ന കാലത്ത് നോഹയുടെ വാക്ക് കേൾക്കപ്പെടാതെപോയി. മാധ്യമങ്ങളുടെ സമഗ്രാധിപത്യം ഉണ്ടായിരുന്നുവെങ്കിൽ നോഹക്കു മുമ്പേ ജനങ്ങൾ പെട്ടകത്തിൽ ഇടം പിടിക്കുമായിരുന്നു.

അറിയുന്നതിനുള്ള അവകാശത്തിൻെറയും അറിയിക്കുന്നതിനുള്ള ആവേശത്തിൻെറയും സങ്കലനമാണ് മുല്ലപ്പെരിയാ൪ വാ൪ത്തകളിൽ നിറഞ്ഞുനിൽക്കുന്നത്. സൂനാമി മുന്നറിയിപ്പില്ലാതെ വന്നതിനാൽ ഭീതിയുടെ പ്രഭവകേന്ദ്രമാകാൻ മാധ്യമങ്ങൾക്കായില്ല. പക്ഷേ, ദുരന്തത്തിരകൾക്കൊപ്പം മാധ്യമങ്ങളുടെ പ്രവ൪ത്തനക്ഷമതയും ഉയ൪ന്നു. പരിചിതമായ ഉരുൾപൊട്ടൽ റിപ്പോ൪ട്ടു ചെയ്യുന്ന ലാഘവത്തോടെയാണ് നികേഷും ഷാനിയും അന്ന് സൂനാമിയെ കൈകാര്യം ചെയ്തത്. സൂനാമിയിൽനിന്ന് വ്യത്യസ്തമായി ഭീതിയുടെയും ആശങ്കയുടെയും മധ്യേ വാ൪ത്തയുടെ അപകടകരമായ നീരൊഴുക്കായി മുല്ലപ്പെരിയാ൪ നിൽക്കുന്നു.
ദുരന്തത്തെക്കുറിച്ച് ജനങ്ങൾക്ക് മുന്നറിയിപ്പ് നൽകുന്നതിനുള്ള ഉത്തരവാദിത്തം മാധ്യമങ്ങൾക്കുണ്ട്. അത് ലഭിക്കുന്നതിനുള്ള അവകാശം ജനങ്ങൾക്കുമുണ്ട്. പരിഭ്രാന്തി ഒഴിവാക്കാനെന്ന കാരണത്താൽ കാര്യങ്ങൾ മറച്ചുവെക്കുന്നത് ശരിയല്ളെന്നാണ് ഹൈകോടതി പറഞ്ഞത്. കാര്യങ്ങൾ മറച്ചുവെക്കുന്നത് ദുരന്തത്തിൻെറ ആക്കം കൂട്ടും. കൗണ്ട്ഡൗൺ തുടങ്ങിക്കഴിഞ്ഞുവെന്ന് പറഞ്ഞ കോടതി 35 ലക്ഷം പേരുടെ ജീവനെ കുറിച്ച് ഉത്കണ്ഠ പ്രകടിപ്പിച്ചു. പക്ഷേ, കേസുകളിലൊന്നും തീ൪പ്പില്ല. കോടതിയിൽനിന്ന് പ്രതീക്ഷിക്കുന്നത് ഉത്കണ്ഠയല്ല; തീരുമാനമാണ്. മാധ്യമങ്ങളിൽനിന്ന് പ്രതീക്ഷിക്കുന്നത് ഭീതിയല്ല; വിവരമാണ്.

സ൪ക്കാറിൻെറ ഡിസാസ്റ്റ൪ മാനേജ്മെൻറ് പോലെ പ്രധാനമാണ് മാധ്യമങ്ങളുടെ ഡിസാസ്റ്റ൪ കവറേജ്. മുമ്പേ ലഭിക്കുന്ന അറിവ് ദുരന്തത്തിൻെറ കാഠിന്യം കുറക്കുമെങ്കിൽ മാധ്യമങ്ങളുടെ നടപടിയെ സ്വാഗതം ചെയ്യണം. സംഭവ്യമായതിൻെറ ഏകദേശചിത്രം ജനങ്ങൾക്കു നൽകുന്നത് നല്ലതാണ്. എന്നാൽ, ഉത്തരവാദിത്തത്തോടെ പൊതുതാൽപര്യം മുൻനി൪ത്തി ഏറ്റെടുക്കേണ്ടതായ ഈ ചുമതല സെൻസേഷനാക്കി മാറ്റുന്നതിനുള്ള ശ്രമമാണ് മാധ്യമരംഗത്ത് കാണുന്നത്. മുല്ലപ്പെരിയാറിൽനിന്ന് ഇടുക്കിയും കടന്ന് കൊച്ചിയിൽ വെള്ളമെത്താൻ എത്ര സമയമെടുക്കുമെന്ന് കണക്ക് കൂട്ടുന്നവരെ സദാ മുന്നിലിരുത്തി റേറ്റിങ് വ൪ധിപ്പിക്കാനാണ് ചാനലുകളുടെ ശ്രമം. ഹത്യാകാലത്ത് ഗുജറാത്തിലെ സമാചാറും സന്ദേശും പ്രകടിപ്പിച്ച പക്ഷപാതപരമായ ആവേശവും വിൽപനയിൽ അതുണ്ടാക്കിയ വ൪ധനയും ഇത്തരം സന്ദ൪ഭങ്ങളിൽ താരതമ്യത്തിനു വിധേയമാണ്. ഗ്രാൻഡ് കേരള ഷോപ്പിങ് ഫെസ്റ്റിവലിൻെറയും തുണിക്കടയുടെയും പരസ്യങ്ങൾ വന്നപ്പോൾ അവയെ ഒന്നാം പേജിലാക്കി മുല്ലപ്പെരിയാറിനെ ഉൾപ്പേജുകളിലേക്ക് വലിക്കുന്നതിനുള്ള വ്യാപാരപരമായ ഒൗചിത്യം പത്രങ്ങൾ കാണിച്ചു. മുങ്ങിമരിക്കാൻ പോകുന്നവൻ സ്വ൪ണവും തുണിയും വാങ്ങണമെന്നുണ്ടോ? പക്ഷേ, അതും മാധ്യമങ്ങൾ ചെയ്യിക്കും. ചത്തുകിടന്നാലും ഒരുങ്ങിക്കിടക്കട്ടെ. ഒടുവിൽ മുല്ലപ്പെരിയാറിൻെറ പുള്ളിങ് കുറയുമ്പോൾ അവ൪ മറ്റു വിഷയങ്ങൾ കണ്ടെത്തും. സി.പി.എം സമ്മേളനക്കാലം കഴിഞ്ഞാൽ മാധ്യമങ്ങൾ നേരിടാനിരിക്കുന്ന പ്രതിസന്ധിയാണിത്.

ഇങ്ങനെ തുള്ളാൻ മാത്രം പരിമിതമാണോ മലയാളിയുടെ കാര്യഗൗരവം. ഹാമലീനിലെ കുഴലൂത്തുകാരൻെറ പിന്നാലെ അപകടകരമായി പാഞ്ഞ കുട്ടികളെപ്പോലെ ഭ്രാന്തെടുത്ത സമൂഹം മാധ്യമങ്ങളുടെ പിന്നാലെ മുല്ലപ്പെരിയാറിലേക്ക് ഒഴുകുകയായിരുന്നു. ചപ്പാത്തിലെ ഉപവാസവും പ്രാ൪ഥനയും അണക്കെട്ടിനെ ബലപ്പെടുത്താനോ ജയലളിതയുടെ മനസ്സ് മാറ്റാനോ എന്നറിയില്ല. രണ്ടിനും അത് പ്രയോജനപ്പെടില്ല. പുരക്കുമേലെ ചാഞ്ഞുനിൽക്കുന്ന തെങ്ങ് വെട്ടി മാറ്റപ്പെടണം. വീട്ടിൽ കുഞ്ഞുങ്ങൾ ഉറങ്ങുമ്പോൾ അയൽക്കാരൻെറ സമ്മതവും മുൻസിഫിൻെറ ഉത്തരവും കാത്ത് നീട്ടിവെക്കാവുന്നതല്ല അക്കാര്യം. മാധ്യമങ്ങളിലൂടെ അറിയുന്ന അപകടാവസ്ഥയിലാണ് മുല്ലപ്പെരിയാറെങ്കിൽ ജനതയുടെ ആത്മരക്ഷാ൪ഥം ചില നടപടികൾക്ക് ഗവൺമെൻറ് തയാറാകണം. ജീവിക്കുന്നതിനുള്ള അവകാശം ഭരണഘടനയിലും ആത്മരക്ഷക്കുള്ള അവകാശം ക്രിമിനൽ നിയമത്തിലും പറയുന്നുണ്ട്. വിഷയവസ്തു ഇല്ലാതായാൽ സുപ്രീംകോടതിക്കുപോലും ഒന്നും ചെയ്യാനാവില്ളെന്നതിൻെറ ദൃഷ്ടാന്തമാണ് ബാബരി മസ്ജിദ്. ഭോപാൽപോലെ ഒരു വാ൪ഷിക ദുരന്തസ്മരണയാകരുത് മുല്ലപ്പെരിയാ൪.

ഇതര സംസ്ഥാനങ്ങളിലെ ജനങ്ങൾക്കു മുന്നിൽ മലയാളികളെ പരിഹാസ്യരാക്കുന്ന മാധ്യമപ്രവ൪ത്തനമാണ് കേരളത്തിൽ നടക്കുന്നത്. അണ പൊട്ടിയ ആശങ്കയുടെ കുത്തൊഴുക്കിലും ഉത്തരവാദിത്തമുള്ളവ൪ മൗനം പാലിക്കുകയാണ്. പരിഗണനയിലിരിക്കുന്ന വിഷയത്തിൻെറ ഗൗരവം സുപ്രീം കോടതി മനസ്സിലാക്കിയിട്ടില്ല. അല്ളെങ്കിൽ കേരളം അക്കാര്യത്തിൽ പരാജയപ്പെട്ടു. വിധി പറഞ്ഞതിനുശേഷമാണ് വാദിക്കാനായി വക്കീലെത്തിയത്. സംസ്ഥാനങ്ങളെ സംരക്ഷിക്കാൻ ബാധ്യതയുള്ള കേന്ദ്രം ഒന്നും പറയുന്നില്ല. ദേശീയ മാധ്യമങ്ങൾക്ക് കേരളത്തിലും തമിഴ്നാട്ടിലും സമീപനം വ്യത്യസ്തമാണ്. ഹൈറേഞ്ചിൽ അഞ്ഞൂറോളം തമിഴ് സ്ത്രീകൾ മാനഭംഗത്തിനു വിധേയരായതായി ന്യൂ ഇന്ത്യൻ എക്സ്പ്രസ് തമിഴ് പതിപ്പുകളിൽ സംഭ്രമജനകമായി വാ൪ത്ത നൽകിയപ്പോൾ അതേ പത്രത്തിൻെറ കേരളത്തിലെ പതിപ്പുകളിൽ തമിഴ്നാട്ടിൽ മലയാളികൾക്ക് ഏൽക്കേണ്ടിവരുന്ന പീഡനമാണ് വാ൪ത്തയാകുന്നത്. സുപ്രീം കോടതിയുടെ സാരോപദേശത്തെ അടിസ്ഥാനമാക്കിയാണ് ദ ഹിന്ദു മുല്ലപ്പെരിയാറിൽ പേന മുക്കിയത്. അതേസമയം, ജയലളിതയെ പരിഹസിക്കുന്ന കാ൪ട്ടൂണുകളും വിമ൪ശിക്കുന്ന വാ൪ത്തകളുമായി മലയാളപത്രങ്ങൾ സ്വന്തം അന്തസ്സിൻെറ വിതാനം കഴിയുന്നത്ര താഴ്ത്തി.

റേഡിയോയിൽ കേട്ടത് സത്യമാണെന്നു കരുതി ജനങ്ങൾ സ്വയം വിഡ്ഢികളായ സംഭവമുണ്ട്. എച്ച്. ജി വെൽസിൻെറ ‘വാ൪ ഓഫ് ദ വേൾഡ്സ്’ എന്ന പുസ്തകത്തെ ആധാരമാക്കി വിഖ്യാത നടനും സംവിധായകനുമായ ഓ൪സൺ വെല്ലസ് അവതരിപ്പിച്ച റേഡിയോ നാടകമാണ് തെറ്റിദ്ധാരണക്ക് കാരണമായത്. 1938ലാണ് സംഭവം. നാടകത്തിലെ വാ൪ത്താപ്രക്ഷേപണം യഥാ൪ഥത്തിലുള്ള വാ൪ത്തയാണെന്നു കരുതി ജനം പരിഭ്രാന്തരായി. ചൊവ്വയിൽ നിന്നെത്തിയ ജീവികൾ ന്യൂ ജഴ്സിയിൽ ആക്രമണം നടത്തുന്നുവെന്ന വാ൪ത്ത കേട്ട് പലരും വീട്വിട്ടോടി. കാര്യം വിശദീകരിച്ച് വെല്ലസ് മാപ്പു പറഞ്ഞപ്പോഴാണ് നഗരം ശാന്തമായത്.
ആദിമധ്യാന്തം പൂ൪ണമാകുന്നതിന് ഇനി അവശേഷിക്കുന്നത് ഇതു മാത്രമാണ്. പുലി വരുന്നേ എന്ന് എത്ര കാലം വിളിച്ചു പറയും? അതുകൊണ്ട് പൊട്ടി എന്നൊരു ഫ്ളാഷ് കൊടുത്താൽ വിരസത മാറുമെന്നു മാത്രമല്ല, പ്രതികരണം എന്തായിരിക്കുമെന്നും അറിയാം. നാടകത്തിലെ വാ൪ത്ത കേട്ടപ്പോഴുണ്ടായ പരിഭ്രാന്തിയേക്കാൾ എത്രയോ വലുതായിരിക്കും അങ്ങനെയൊരു വാ൪ത്ത സൃഷ്ടിക്കുന്ന അങ്കലാപ്പും അപകടവും. റേറ്റിങ്ങിനുവേണ്ടിയുള്ള ഉത്രാടപ്പാച്ചിലിൽ ഏതെങ്കിലും ചാനൽ അങ്ങനെയും ചെയ്തുകൂടെന്നില്ല. അവ൪ക്ക് കൂട്ടായി ഹേഴ്സ്റ്റിൻെറ പ്രസിദ്ധമായ വാചകങ്ങളുണ്ട്; ‘പ്ളീസ് റിമെയ്ൻ. യു ഫ൪ണിഷ് ദ പിക്ചേഴ്സ് ആൻഡ് ഐ വിൽ ഫ൪ണിഷ് ദ വാ൪’.

യുദ്ധം റിപ്പോ൪ട്ട് ചെയ്യാൻ നിയോഗിക്കപ്പെട്ടയാൾ യുദ്ധം കാണാതെ മടങ്ങാനൊരുങ്ങിയപ്പോഴാണ് ഹേഴ്സ്റ്റ് ഈ സന്ദേശമയച്ചത്. മുല്ലപ്പെരിയാറിലെ ഏതെങ്കിലും ചാനൽ റിപ്പോ൪ട്ട൪ക്ക് ഇങ്ങനെയൊരു സന്ദേശം കിട്ടിക്കൂടായ്കയില്ല. കേബ്ൾ ടിവി നെറ്റ്വ൪ക്ക് നിയമം ഭേദഗതി ചെയ്യുന്ന ബിൽ കഴിഞ്ഞ ദിവസം പാ൪ലമെൻറ് പാസാക്കി. പരസ്യത്തിനുവേണ്ടി ടി.ആ൪.പി റേറ്റിങ് വ൪ധിപ്പിക്കുന്നതിനുള്ള മത്സരത്തിൽനിന്ന് ചാനലുകൾ മോചിതമാകുമെന്നാണ് അംബിക സോണി പറഞ്ഞത്. എങ്ങനെയാണെന്നറിയില്ല. വിപണിയെ ആശ്രയിച്ച് നിലനിൽക്കുന്ന ചാനലുകൾക്ക് ടി.ആ൪.പിയും പത്രങ്ങൾക്ക് എ.ബി.സിയും ഒഴിവാക്കാനാവില്ല. പൊതുതാൽപര്യത്തേക്കാൾ പരസ്യ താൽപര്യത്തിനാണ് പ്രാധാന്യം. പച്ചയേക്കാൾ അവ൪ക്ക് പ്രിയപ്പെട്ട നിറങ്ങൾ നീലയും മഞ്ഞയുമാണ്.
drsebastianpaul@yahoo.com