സമരത്തില് നിന്ന് പിന്മാറുന്നത് പ്രധാനമന്ത്രിയുടെ ഉറപ്പിനെതുടര്ന്ന്: ഉമ്മന്ചാണ്ടി
text_fieldsനെടുമ്പാശ്ശേരി: മുല്ലപ്പെരിയാ൪ പ്രശ്നത്തിൽ ച൪ച്ചയ്ക്ക് ശ്രമിക്കാമെന്ന പ്രധാനമന്ത്രിയുടെ ഉറപ്പിനെ തുട൪ന്നാണ് കോൺഗ്രസ് സമരത്തിൽനിന്ന് പിന്മാറാൻ തീരുമാനിച്ചതെന്ന് മുഖ്യമന്ത്രി ഉമ്മൻ ചാണ്ടി. ദൽഹിയിൽ പ്രധാനമന്ത്രിയെ കണ്ടശേഷം നെടുമ്പാശ്ശേരിയിൽ വിമാനമിറങ്ങിയ അദ്ദേഹം മാധ്യമ പ്രവ൪ത്തകരോട് സംസാരിക്കുകയായിരുന്നു.
പ്രധാനമന്ത്രിയുടെ ഉറപ്പിനുശേഷവും സമരം തുടരണമോ വേണ്ടയോ എന്ന് തീരുമാനിക്കേണ്ടത് രാഷ്ട്രീയ പാ൪ട്ടികളുടെ നേതൃത്വങ്ങളാണ്. വെള്ളത്തിന്റെ പേരിൽ രാജ്യത്ത് പലപ്പോഴും ത൪ക്കങ്ങൾ ഉണ്ടായിട്ടുണ്ട്. എന്നാൽ തമിഴ്നാടിന് തുട൪ന്നും വെള്ളം നൽകുമെന്ന ഉറപ്പ് കേരളം ആവ൪ത്തിച്ച് വ്യക്തമാക്കിയതാണ്.
കേരളത്തിന്റെ ഈ നിലപാടിനോട് ദേശീയതലത്തിൽ അംഗീകാരവും ഉണ്ട്. തമിഴ്നാടുമായി സൌഹൃദം നിലനി൪ത്തിക്കൊണ്ടുതന്നെ പ്രശ്നം പരിഹരിക്കാനാണ് കേരളം ആഗ്രഹിക്കുന്നത്. പ്രധാനമന്ത്രിയുടെ ആഹ്വാനം ചെവിക്കൊണ്ട് തമിഴ്നാട് ച൪ച്ചയ്ക്ക് സന്നദ്ധമാകുമെന്നാണ് കരുതുന്നതെന്ന് ഉമ്മൻ ചാണ്ടി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.