ഗായകൻ ചാൾസ്​ ബ്രാഡ്​ലി അന്തരിച്ചു

ന്യൂയോർക്​​: വിഖ്യാത അമേരിക്കൻ ഗായകൻ ചാൾസ്​ ബ്രാഡ്​ലി  68ാം വയസ്സിൽ അന്തരിച്ചു. വയറിനു ബാധിച്ച അർബുദത്തെ തുടർന്ന്​ ചികിത്സയിലായിരുന്നു അദ്ദേഹം. രോഗം സ്​ഥിരീകരിച്ചതോടെ 2017ൽ നടത്താൻ നിശ്ചയിച്ചിരുന്ന സംഗീതപര്യടനം റദ്ദാക്കിയിരുന്നു. എങ്കിലും തിരിച്ചുവരുമെന്ന പ്രതീക്ഷ അദ്ദേഹം കൈവിട്ടിരുന്നില്ല.

ദാരിദ്ര്യത്തിനും കഷ്​ടപ്പാടുകൾക്കും ഇടയിലായിരുന്നു കറുത്തവർഗക്കാരനായ ബ്രാഡ്​ലിയുടെ ജീവിതത്തി​​െൻറ നല്ലൊരു കാലവും. പലതരം ജോലികൾ ചെയ്​തു. തെരുവിൽ ജീവിച്ചു. ന്യൂയോർക്​​ നഗരത്തിലെ വഴിയോര വാഹനങ്ങളിൽ കിടന്നുറങ്ങി. ഇതിനിടക്ക്​ കൗമാരപ്രായത്തിൽ  ജെയിംസ്​ ബ്രൗൺ എന്ന ഗായകൻ പാടുന്നത്​ കേട്ടതുമുതലുണ്ടായ പ്രചോദനം സംഗീതത്തോടുള്ള ലഹരിയായി വളർന്നു.

62ാം വയസ്സിൽ 2011ലാണ്​ അ​േദ്ദഹത്തി​​െൻറ പ്രഥമ ആൽബം പുറത്തിറങ്ങിയത്​. ​‘നോ ​െ​െടം ഫോർ ഡ്രീമിങ്​​’ എന്ന പേരിലായിരുന്നു അത്​. അടുത്ത രണ്ടുവർഷങ്ങളിൽ തുടർ ആൽബങ്ങളും ഇറങ്ങി.