അത്യുന്നതിയിലും അത്രമേൽ വിനയത്തോടെ​...

സംഗീത ലോകത്ത്​ നേട്ടങ്ങളുടെയും ബഹുമതികളുടെയും ലോകത്ത്​ വിരാജിക്കു​േമ്പാഴും വിനയത്തി​െൻറ മുഖമുദ്രയായിരുന്നു എസ്​.പി. ബാലസുബ്രഹ്മണ്യം. ജൂനിയർ ആർടിസ്​റ്റുകളോടു പോലും അ​ത്രമേൽ സ്​നേഹത്തോടെയാണ്​ അദ്ദേഹം ഇടപഴകിയത്​. എത്ര വലിയ ഉയർച്ചയിലും ഒരിക്കലും തലക്കനം കാട്ടരുതെന്നായിരുന്നു എസ്​.പി.ബിയുടെ നയം. സഹ ഗായകരോടും സംഗീത സംവിധായകരോടും ആർട്ടിസ്​റ്റുകളോടുമെല്ലാം അവരിലൊരാളായി സ്​നേഹത്തോടെ പെരുമാറി. വേദികളിൽ തന്നോ​ടൊപ്പം പാടുന്ന പുതിയ ഗായകരെയടക്കം ചേർത്തുപിടിച്ചു.

ഗാനമേളക്കിടെ, തന്നോടൊപ്പം പാടിയ ആഹ്ലാദത്തിൽ ഒരു ഗായികയുടെ കണ്ണുനിറഞ്ഞപ്പോൾ കണ്ണു തുടച്ചു കൊടുത്തായിരുന്നു എസ്​.പി.ബി വിനയത്തി​െൻറ കാര്യത്തിൽ വിസ്​മയമായത്​​. പാട്ടുകൾക്കിടയിൽ ആരും ശ്രദ്ധിക്കാതെ പോകുന്ന സംഗീതവാദകരെ പേരെടുത്ത്​ വിളിച്ച്​ അഭിനന്ദിക്കാൻ അദ്ദേഹം മടി കാണിച്ചില്ല. ടെലിവിഷൻ ചാനലുകളിലെ റിയാലിറ്റി ഷോകളിൽ മത്സരാർഥികളെ ഏറെ പ്രോത്സാഹിപ്പിക്കുന്നയാളായിരുന്നു എസ്​.പി.ബി. സംഗീത പരിപാടികളിൽ കൂടെ പാടുന്നയാൾ ആരായിരുന്നാലും നിറഞ്ഞ മനസ്സോടെയാണ്​ അവർക്കൊപ്പം വേദി പങ്കിട്ടിരുന്നത്​. അറിയപ്പെടാത്ത ഗായകരായാലും മികവുറ്റ രീതിയിൽ പാടിയാൽ അവരെ അഭിനന്ദിക്കാനും അദ്ദേഹം ഒരിക്കലും മടിച്ചിരുന്നില്ല.

ചെന്നൈ നഗരത്തിൽ സ്വന്തമായി തുടങ്ങിയ സ്​റ്റുഡിയോക്ക്​ 'കോദണ്ഡപാണി സ്​റ്റുഡിയോ' എന്ന്​ പേരു നൽകിയത്​ ആദ്യമായി തനിക്ക്​ സിനിമയിൽ പാടാൻ അവസരം നൽകിയ സംഗീത സംവിധായകനോടുള്ള ആദരവു കൊണ്ടായിരുന്നു. 'അടിമൈപ്പെൺ' എന്ന ചിത്രത്തിലെ 'ആയിരം നിലവേ വാ...' എന്ന ഗാനം തന്നെക്കൊണ്ടു തന്നെ പാടിക്കണമെന്ന എം.ജി.ആറി​െൻറ ആഗ്രഹമാണ്​ തന്നെ ഗായകനാക്കി മാറ്റിയതെന്നത്​ പിൽക്കാലത്തെല്ലാം എസ്​.പി.ബി അനുസ്​മരിച്ചു. പാടാൻ നിശ്ചയിച്ച സമയത്ത്​ അസുഖ ബാധിതനായിരുന്നിട്ടും എസ്​.പി.ബിയുടെ അസുഖം മാറുന്നതുവരെ കാത്തിരുന്നാണ്​ എം.ജി.ആർ ആ പാട്ട്​ അദ്ദേഹത്തെക്കൊണ്ടു തന്നെ പാടിച്ചത്​.