‘രാമലീല’: പൊലീസ്​ സംരക്ഷണ ആവ​ശ്യം കോടതി വീണ്ടും തള്ളി

കൊച്ചി: നടിയെ തട്ടിക്കൊണ്ടുപോയി അക്രമിച്ച​ കേസിൽ പ്രതിയായ നടൻ ദിലീപ്​ നായകനായി അഭിനയിച്ച ‘രാമലീല’ എന്ന ചലച്ചിത്രം റിലീസ് ചെയ്യാൻ പൊലീസ് സംരക്ഷണം വേണമെന്ന ആവശ്യം വീണ്ടും ഹൈകോടതി തള്ളി. സിനിമ പ്രദർശിപ്പിച്ചാൽ തിയറ്ററുകൾക്ക്​ നേരെ ആ​ക്രമണമുണ്ടാകുമെന്ന ഭീഷണി നിലനിൽക്കുന്ന സാഹചര്യത്തിൽ പൊലീസ്​ സംരക്ഷണം അനുവദിക്കണമെന്ന നിർമാതാവ് ടോമിച്ചൻ മുളകുപാടത്തി​​​െൻറ ആവശ്യമാണ്​ കോടതി വീണ്ടും തള്ളിയത്​്​.

‘രാമലീല’ പ്രദർശിപ്പിക്കുന്ന തിയറ്ററുകൾ നശിപ്പിക്കണമെന്ന്​ ചലച്ചിത്ര അക്കാദമി അംഗം ജി. പി രാമചന്ദ്രൻ ​േഫസ്​ബുക്കിൽ പോസ്​റ്റിട്ടത്​ ഹരജിക്കാരൻ കോടതിയെ ധരിപ്പിച്ചു. ഇതേ വികാരം മറ്റ്​ പല കോണുകളിൽ നിന്നും നിലനിൽക്കുന്ന സാഹചര്യം പരിഗണിക്കണമെന്നും നിർമാതാവ്​ ആവശ്യപ്പെട്ടു. എന്നാൽ, രാമചന്ദ്ര​​​െൻറ പോസ്​റ്റുകൾ അദ്ദേഹം തന്നെ നീക്കം ചെയ്​തതായി സർക്കാർ അഭിഭാഷകൻ കോടതിയെ അറിയിച്ചു. എങ്കിലും നടപടിയുടെ ഭാഗമായി രാമചന്ദ്ര​െന വിളിച്ചുവരുത്തി എറണാകുളം നോർത്ത്​ പൊലീസ്​ മൊഴിയെടുത്തതായും സർക്കാർ വ്യക്​തമാക്കി.

ആരെങ്കിലും ഒരാൾ സിനിമക്കെതിരെ ഫേസ്​ബുക്ക്​ പോസ്​റ്റിട്ടുവെന്നത്​ വലിയ ഗൗരവത്തിൽ കാണേണ്ടതില്ലെന്ന്​ കോടതി ചൂണ്ടിക്കാട്ടി. ഇത്തരം സംഭവങ്ങളിൽ പൊലീസ്​ വേണ്ട വിധം നടപടികൾ സ്വീകരിക്കുന്നുണ്ട്​. റിലീസിംഗുമായി ബന്ധപ്പെട്ട്​ പ്രശ്​നമുണ്ടായാൽ പൊലീസ്​ ഇടപെടലിനെങ്കിലും നിർദേശിക്കണമെന്ന ഹരജിക്കാരുടെ ആവശ്യവും കോടതി പരിഗണിച്ചില്ല. പ്രശ്​നങ്ങളുണ്ടാകുന്നിടത്ത്​ പൊലീസി​​​െൻറ സ്വാഭാവിക ഇടപെടലുണ്ടാകു​ന്നുണ്ടെന്ന്​ വ്യക്​തമാക്കിയ കോടതി ഇൗ ആവശ്യവും തള്ളി. ഇതേ ആവശ്യമുന്നയിച്ച്​ നൽകിയ ഹരജിയിൽ നേരത്തെ കോടതി ഇടപെടാൻ വിസമ്മതിച്ചിരുന്നു.