കാർ അപകടത്തിൽപെട്ടെന്ന വാർത്ത നിഷേധിച്ച് ബച്ചൻ 

ന്യൂഡൽഹി: ബോളിവുഡ് സൂപ്പർ താരം അമിതാഭ് ബച്ചൻ സഞ്ചരിച്ച കാർ അപകടത്തിൽപെട്ടുവെന്ന വാർത്ത കഴിഞ്ഞ ദിവസം പുറത്തുവന്നിരുന്നു. എന്നാൽ അക്കാര്യം നിഷേധിച്ച് ബച്ചൻ തന്നെ രംഗത്തെത്തി. 

കൊല്‍ക്കത്ത അന്താരാഷ്ട്ര ചലച്ചിത്രോത്സവത്തിൽ പങ്കെടുത്ത് മടങ്ങുന്നതിനിടെ ബച്ചന്‍ സഞ്ചരിച്ച മെര്‍സിഡസ് കാറിന്റെ പിന്‍ചക്രം യാത്രാമധ്യേ ഊരിത്തെറിക്കുകയായിരുന്നുവെന്നും പരിക്കുകളേല്‍ക്കാതെ രക്ഷപ്പെട്ട ബച്ചനെ ഉടന്‍ തന്നെ മറ്റൊരു കാറില്‍ വിമാനത്താവളത്തിലെത്തിച്ചുവെന്നുമായിരുന്നു കഴിഞ്ഞ ദിവസം പുറത്തുവന്ന വാർത്ത.