ഐ.എഫ്.എഫ്.കെ: പാസ് വിതരണം ടാഗോര്‍ തിയേറ്ററില്‍ തുടങ്ങി

തിരുവനന്തപുരം: രാജ്യാന്തര ചലച്ചിത്രമേളയിലെ പ്രതിനിധികള്‍ക്കുള്ള പാസ് വിതരണം ടാഗോര്‍ തിയേറ്ററില്‍ ആരംഭിച്ചു. ഡെലിഗേറ്റ് സെല്ലിലെ 12 കൗണ്ടറുകളിലൂടെയാണ് പാസ് വിതരണം. വിദ്യാര്‍ത്ഥികള്‍ക്കും ഭിന്നശേഷി വിഭാഗക്കാര്‍ക്കും പ്രത്യേക കൗണ്ടര്‍ ഏര്‍പ്പെടുത്തിയിട്ടുണ്ട്. പ്രതിനിധികള്‍ക്ക് പാസിനൊപ്പം ഫെസ്റ്റിവല്‍ കിറ്റും നല്‍കുന്നുണ്ട്.

 

രാവിലെ 9 മുതല്‍ രാത്രി 8 വരെ കൗണ്ടറുകള്‍ പ്രവര്‍ത്തിക്കുമെന്നും ചലച്ചിത്ര അക്കാദമി സെക്രട്ടറി ബി. മഹേഷ് അറിയിച്ചു. 13.000 പേരാണ് ഇക്കുറി മേള കാണാനത്തെുക.