പാർവതിയുടെ പുതിയ ചിത്രത്തിനെതിരെ ഡിസ്​ലൈക്​ കാമ്പയിൻ

കസബാ സിനിമക്കെതിരായ പരാമർശത്തി​​െൻറ പേരിൽ സാമൂഹിക മാധ്യമങ്ങളിൽ സൈബർ ആക്രമണം നേരിട്ട പാർവതിയെ വിടാതെ ഫാൻസുകാർ. ഫാൻസി​​​െൻറ ചെയ്​തികൾക്ക്​ പക്ഷെ ഇത്തവണ ഇരയായത്​ പാർവതി അഭിനയിക്കുന്ന ഏറ്റവും പുതിയ ചിത്രവും. പൃഥ്വിരാജും പാർവതിയും അഭിനയിക്കുന്ന മൈ ​സ്​റ്റോറി ചിത്രീകരണം പൂർത്തിയായി റിലീസിങ്ങിനൊരുങ്ങുകയാണ്​.

രോഷ്​നി ദിനകർ സംവിധാനം ചെയ്യുന്ന ‘മൈ സ്​റ്റോറിയിലെ പാട്ടും​ ചിത്രീകരണ ദൃശ്യവും യൂട്യൂബിലൂടെ പുറത്ത്​ വിട്ടിരുന്നു. മിനിറ്റുകൾക്കകം യൂട്യൂബിൽ പാട്ടിനെ​തിരെ സംഘം ചേർന്ന്​ ആക്രമണമുണ്ടായി. ഡിസ്​ലൈക്​ കാമ്പയിനാണ്​ ഇത്തവണത്തെ ആയുധം. 45 സെക്കൻഡുകൾ മാത്രമുള്ള ചിത്രീകരണ ദൃശ്യത്തിന്​ 41000 ഡിസ്​ലൈക്കുകളാണ്​ ലഭിച്ചത്​. 4000 ലൈക്കുകളും. ഇതുകൊണ്ടും കലിയടങ്ങാതെ ഗാനത്തിനെതിരെയും അനിഷ്​ടം കാട്ടി ആരാധകർ. പുറത്ത്​ വന്ന്​ 11 മണിക്കൂറുകൾ മാത്രമായപ്പോൾ 19000 ഡിസ്​ലൈക്കുകളാണ്​ പാട്ടിന്​ ലഭിച്ചത്​​.

പുതുമുഖ സംവിധായികയായ രോഷ്​നി ദിനകർ ഏറെ പണിപെട്ടാണ് മൈ സ്​റ്റോറിയുടെ​ ചിത്രീകരണം പൂർത്തിയാക്കിയത്​. സിനിമയുടെ ആദ്യ ഷെഡ്യൂൾ അവസാനിച്ചത്​ 2016 ഡിസംബറിലായിരുന്നു. പൃഥ്വി രാജി​​െൻറ ഡേറ്റില്ലാത്തതിനാൽ നീണ്ട 10 മാസങ്ങൾ രണ്ടാം ഷെഡ്യൂളിനായി കാത്ത്​ നിന്ന രോഷ്​നി സഹികെട്ട്​ ഫിലിം ചേമ്പറിൽ പരാതി നൽകിയിരുന്നു. തുടർന്നാണ്​ 37 ദിവസങ്ങൾ നീണ്ട രണ്ടാം ഷെഡ്യൂളിന്​ വേണ്ടി പൃഥ്വിരാജി​​െൻറ ഡേറ്റ്​ ലഭിച്ചത്​​. 13 കോടിയോളം മുടക്കി രോഷ്​നിയും ഭർത്താവുമാണ് മൈ സ്​റ്റോറി നിർമിച്ചത്​​​.

അതേ സമയം സിനിമക്ക് െഎക്യദാർഢ്യവുമായി പലരും സാമൂഹിക മാധ്യമങ്ങളിൽ രംഗത്തെത്തി. പുതുമുഖ സംവിധായികയുടെ ഒരു വർഷത്തോളം നീണ്ട അധ്വാനമാണ്​ ആരാധകരുടെ ദുഷ്​​ചെയ്​തിയിലൂടെ തകരുന്നതെന്ന്​ ചൂണ്ടിക്കാട്ടിയാണ് അവർ​ രംഗത്ത്​ വന്നത്​. പാർവതിയോടുള്ള കലി​ സിനിമക്കെതിരെ പ്രയോഗിക്കരൂതെന്നും അവർ ആവശ്യപ്പെടുന്നു. 

കസബാ വിവാദത്തത്തെ തുടർന്ന തനിക്ക്​ വേണ്ടി അഭിപ്രായം പറയാൻ ആരെയും ചുമതലപ്പെടുത്തിയി​ട്ടില്ലെന്ന്​ മമ്മൂട്ടി വ്യക്​തമാക്കിയിരുന്നു. അതിന്​​ ശേഷവും ചില ഫാൻസുകാർ ആക്രമണം തുടരുകയാണ്​. അതേ സമയം ഡിസ്​ലൈക്​ കാമ്പയിനെ എതിർത്തും മമ്മൂട്ടി ഫാൻസിൽ ചിലർ രംഗത്തെത്തി​. പാർവതിക്കെതിരായ സൈബർ ആക്രമണത്തിൽ ഫാൻസടക്കം നിരവധിയാളുകൾ ​​പൊലീസി​​െൻറ നരീക്ഷണത്തിലാണ്​.