വീ​രാ​ജ്പേ​ട്ട പൊ​ലീ​സ് സ്റ്റേ​ഷ​നി​ൽ ഭീ​ഷ​ണി​യു​മാ​യി എം.​പി

മം​ഗ​ളൂ​രു: കു​ട​ക്-​മൈ​സൂ​രു എം.​പി​യും ബി.​ജെ.​പി നേ​താ​വു​മാ​യ പ്ര​താ​പ് സിം​ഹ, വീ​രാ​ജ്പേ​ട്ട റൂ​റ​ൽ പൊ​ലീ​സ് സ്റ്റേ​ഷ​നി​ൽ ക​യ​റി ഭീ​ഷ​ണി​പ്പെ​ടു​ത്തി​യെ​ന്ന് ആ​ക്ഷേ​പം. ക​ർ​ണാ​ട​ക സ​ർ​ക്കാ​റി​ന് എ​തി​രെ ഫേ​സ്ബു​ക്ക് പോ​സ്റ്റി​ട്ട ബി.​ജെ.​പി പ്ര​വ​ർ​ത്ത​ക​നെ സ്റ്റേ​ഷ​നി​ൽ വി​ളി​ച്ചു​വ​രു​ത്തി മാ​പ്പു പ​റ​യി​ച്ച​താ​ണ് പ്ര​കോ​പ​നം. കോ​ൺ​ഗ്ര​സി​ന്റെ ഏ​ജ​ൻ​സി പ​ണി തു​ട​ർ​ന്നാ​ൽ ബി.​ജെ.​പി പ്ര​വ​ർ​ത്ത​ക​ർ പൊ​ലീ​സ് സ്റ്റേ​ഷ​നി​ൽ ഇ​ര​ച്ചു​ക​യ​റു​മെ​ന്ന് താ​ക്കീ​ത് ചെ​യ്താ​ണ് എം.​പി മ​ട​ങ്ങി​യ​ത്. മു​ൻ നി​യ​മ​സ​ഭ സ്പീ​ക്ക​ർ കെ.​ജി. ബൊ​പ​യ്യ​യും എം.​പി​ക്കൊ​പ്പ​മു​ണ്ടാ​യി​രു​ന്നു.

വീ​രാ​ജ്പേ​ട്ട റൂ​റ​ൽ സ്റ്റേ​ഷ​ൻ പ​രി​ധി​യി​ൽ അ​മ്മ​ത്തി ഗ്രാ​മ​ത്തി​ലെ ബി.​ജെ.​പി പ്ര​വ​ർ​ത്ത​ക​ൻ ലോ​ഷ​ൻ ക​രി​യ​പ്പ ‘ക​ർ​ണാ​ട​ക​യി​ലെ എ.​ടി.​എം സ​ർ​ക്കാ​ർ തെ​ല​ങ്കാ​ന തെ​ര​ഞ്ഞെ​ടു​പ്പി​ലേ​ക്ക് പ​ണം ഒ​ഴു​ക്കു​ന്നു’​എ​ന്ന പോ​സ്റ്റി​ട്ടി​രു​ന്നു. ഇ​തു​സം​ബ​ന്ധി​ച്ച് കു​ട​ക് ജി​ല്ല പൊ​ലീ​സ് സൂ​പ്ര​ണ്ടി​ന് ല​ഭി​ച്ച പ​രാ​തി വീ​രാ​ജ്പേ​ട്ട റൂ​റ​ൽ പൊ​ലീ​സി​ന് കൈ​മാ​റി. ക​രി​യ​പ്പ​യെ സ്റ്റേ​ഷ​നി​ൽ വി​ളി​ച്ചു​വ​രു​ത്തി ക്ഷ​മാ​പ​ണം എ​ഴു​തി വാ​ങ്ങി​യ ശേ​ഷം പോ​സ്റ്റ് നീ​ക്കം ചെ​യ്യി​ച്ചു.