ലഹരി വിൽപനക്കാരെ അമർച്ച ​െചയ്യാൻ പരിശോധന

ഇരവിപുരം: ലഹരി വിൽപന സംഘങ്ങളെ അമർച്ച ചെയ്യുന്നതി​െൻറ ഭാഗമായി ഇരവിപുരം പൊലീസും എക്സൈസും സംയുക്ത റെയ്ഡ് നടത്തി. ലഹരി വസ്തുക്കൾ ഉപയോഗിക്കുന്നവരുടെ താവളങ്ങളിലും വിൽപന കേന്ദ്രങ്ങളിലും റെയ്ഡ്‌ നടത്തുകയും കായൽ തീരത്തെ കണ്ടൽക്കാടുകൾക്കിടയിലെ താവളങ്ങൾ കണ്ടെത്തി നശിപ്പിക്കുകയും ചെയ്തു. എക്സൈസ് സി.ഐ കൃഷ്ണദാസ് പോറ്റി, എസ്.ഐമാരായ സുരേഷ് ബാബു, ജോയി കുട്ടി, സുരേഷ് കുമാർ എന്നിവരടങ്ങിയ സംഘമാണ് റെയ്ഡ് നടത്തിയത്.