കൈത്തളിയിൽ തിരുവാതിര മഹോത്സവം നാളെ സമാപിക്കും

പട്ടാമ്പി: കൈത്തളി മഹാദേവ ക്ഷേത്രത്തിലെ തിരുവാതിര മഹോത്സവം ചൊവ്വാഴ്ച സമാപിക്കും. രാവിലെ രാമദാസ് മുളയങ്കാവ് സോപാന സംഗീതം അവതരിപ്പിക്കും. 9.30ന് നൃത്ത സംഗീതോത്സവം തുടങ്ങും. വൈകീട്ട് പശ്ചിമബംഗാളിലെ താരാപഥക് രജക് പുരുളിയ ചൗ നൃത്തം അവതരിപ്പിക്കും. ഞായറാഴ്ച കലാമണ്ഡലം രേഷ്മ രാജഗോപാലി​െൻറ നേതൃത്വത്തിൽ നൃത്ത സന്ധ്യ അരങ്ങേറി. തിങ്കളാഴ്ച വൈകീട്ട് പുത്തൂർ ഹരിദാസ് ദോഗ്ര, സി.എച്ച്. കുശാല എന്നിവർ സാക്സ്ഫോൺ കച്ചേരി അവതരിപ്പിക്കും.