Begin typing your search above and press return to search.
exit_to_app
exit_to_app
Posted On
date_range 22 Oct 2017 5:45 AM GMT Updated On
date_range 22 Oct 2017 5:45 AM GMTമെഡിക്കൽ കോളജ് എ.സി വീണ്ടും തകരാറിലായി; ഉടൻ പരിഹരിച്ചു
text_fieldsbookmark_border
മെഡിക്കൽ കോളജ് എ.സി വീണ്ടും തകരാറിലായി; ഉടൻ പരിഹരിച്ചു കോഴിക്കോട്: തകരാർ പരിഹരിച്ച് ഒരു രാത്രി പുലരും മുമ്പേ മെഡിക്കൽ കോളജ് അത്യാഹിത വിഭാഗത്തിലെ എ.സി വീണ്ടും കേടായി. എന്നാൽ ഡോക്ടർമാരുടെ സമ്മർദത്തെത്തുടർന്ന് ഏറെ വൈകാതെ നന്നാക്കി. വെള്ളിയാഴ്ച വൈകീട്ടോടെ നേരെയാക്കിയ എ.സിയാണ് ശനിയാഴ്ച രാവിലെ ഒമ്പതായപ്പോൾ പഴയപടിയായത്. തങ്ങളുടെ പരിശോധന പുറത്തേക്ക് മാറ്റുമെന്ന മുന്നറിയിപ്പുമായി ഡ്യൂട്ടി ഡോക്ടർമാർ രംഗത്തുവന്നതോടെയാണ് തകരാർ പരിഹരിക്കാൻ വെള്ളിയാഴ്ച നടപടിയായത്. എന്നാൽ വീണ്ടും തകരാറിലായതോടെ ഇതേ ഭീഷണി ഡോക്ടർമാർ ആവർത്തിക്കുകയായിരുന്നു. ഒരു മണിക്കൂറിനകം പരിഹാരമുണ്ടായില്ലെങ്കിൽ പുറത്തേക്കിറങ്ങുമെന്നാണ് അവർ പ്രഖ്യാപിച്ചത്. ഇതേത്തുടർന്ന് പി.ഡബ്ലിയു.ഡി ഇലക്ട്രിക്കൽ അധികൃതരെത്തി പ്രശ്നം പരിഹരിച്ചു. പത്ത് മണിയോടെ തകരാർ പരിഹരിച്ച് പ്രവർത്തനം പുനരാരംഭിച്ചു. അതേസമയം, വെള്ളിയാഴ്ച നന്നാക്കിയ എ.സി മണിക്കൂറുകൾക്കകം കേടായതിൽ ദുരൂഹതയുണ്ടെന്ന് ആക്ഷേപമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story